Pathian Jehova chuan Paradis-a chatuana nun beiseina neiin Adama leh Evi a siam. Setana chuan Pathian hming sawichhiain, rorêl tûra dikna A neih chu a rinhlelh thu a chhâk chhuak. Adama leh Evi chuan Setana helna chu an zâwm a, anmahni leh an thlahte chungah sual leh thihna an thlen

Pathian Jehova chuan hel hmangte chungthu a rêl a, Setana tiboral a, helna leh sual sawhkhâwk zawng zawng sût leh tûr Chhan Chhuaktu, a nih loh leh Thlah a lo lang ang tih a tiam

Pathian Jehova chuan Abrahama leh Davida hnênah chuan chatuana rorêltu tûr Lal, thutiam Thlah, a nih loh leh Messia thlahtu tûr an ni tih a tiam

Pathian Jehova chuan Messia’n sual leh thihna a tireh dâwn tih sawi lâwk tûrin zâwlneite a thâwk khum. Messia chuan a rorêlpuite nên Pathian Ramah Lal angin ro a rêl ang a, indona te, natna te, leh thihna te hial pawh a titâwp ang

Pathian Jehova chuan A Fapa chu leiah rawn tîr a, tin Isua chu Messia a nihzia a târ lang. Isua chuan Pathian Ram chanchin a hril a, a nun chu inthawi nân a hlân bawk. Pathian Jehova chuan thlarau nun neiin a kai tho

Pathian Jehova chuan a Fapa chu vânah Lal angin a ṭhuttîr a, chu chuan he khawvêl tâna ni hnuhnûng a inṭan tih a hril. Isua chuan lei lama a hnungzuitute’n khawvêl pum puia Pathian Ram chanchin an hrilhna chu a kaihruai

Pathian Jehova chuan a Fapa chu leia Lalram rorêlna thlentîr tûrin a hrilh. Chu Lalram chuan sawrkâr suaksual zawng zawngte chu a tiboral a, Paradis dinin, mi rinawmte chu ṭhat famkimnaah a hlângkai. Pathian Jehova’n rorêl tûra dikna a neih chu thiamchantîr a ni a, a hming pawh chu chatuan atân tihthianghlim a ni