Mi tlûklehdingâwn tam takte chu Kristian niin an inchhâl a. Mahse, an thurin a inang lo va, tehna thuhmun lah an nunpui hek lo. A nih chuan, engtin nge Kristian dikte kan hriat hran theih ang?

1. Kristian tih chu eng tihna nge ni?

Kristian tih chu Isua Krista zirtîr, a nih loh leh a hnungzuitu tihna a ni a. (Tirhkohte 11:26 chhiar rawh.) Engtin nge Isua zirtîrte an nihzia an lantîr? Isua chuan: “Ka thua in awm reng chuan ka zirtîrte in ni tak tak ang,” tiin a sawi a ni. (Johana 8:31) Chumi awmzia chu, Kristian dikte chuan Isua zirtîrnate an zâwm tûr tihna a ni. Isua’n a zirtîrnaah Pathian Lehkha Thu a ṭanchhan angin, Kristian dikte chuan an thurinah Bible an ṭanchhan tlat a ni.—Luka 24:27 chhiar rawh.

2. Engtin nge Kristian dikte’n hmangaihna an lantîr?

Isua chuan a hnungzuite hnênah: “Keiin ka hmangaih che u ang bawkin nangni inhmangaih ula,” tiin a hrilh a. (Johana 15:12) Engtin nge Isua’n a zirtîrte a hmangaih tih a lantîr? Anni chu hun a hmanpui a, a fuihin, a ṭanpui bawk a ni. Chu bâkah, an tân a nun pawh a pe hial bawk. (1 Johana 3:16) Chutiang bawkin, Kristian dikte chuan hmangaihna chu thu maiin an sawi lo. An inhmangaihna chu thiltih pawhin an lantîr a ni.

3. Kristian dikte chu eng hnaah nge an buai?

Isua chuan a zirtîrte hnênah hnathawh tûr a pe a. “Pathian ram thu hril . . . tûrin a tîr chhuak ta a.” (Luka 9:2) Kristian hmasate khân biak inahte chauh ni lovin, vântlâng hmunah leh in tinahte pawh thu an hril a ni. (Tirhkohte 5:42; 17:17 chhiar rawh.) Tûn laia Kristian dikte pawhin chutiang chiah chuan mite awmna apiangah Bible thutak an hril a. An vêngte an hmangaih avângin, beiseina leh thlamuanna petu Bible thuchah hrilhnaah an hun leh thate chu lâwm takin an hmang a ni.—Marka 12:31.

 ZIR BELHIN HMUH BELH RAWH

4. Bible thutak an zawng

5. Bible thutak an hril

 6. An thu hrilh chu an nunpui

Engin nge Tom-a chu Kristianna dik tak a hmu chhuak tih rinnghehtîr? VIDEO chu chhuah la, a hnuaia zawhnate hi sawiho vang che u.

• Video-ah khân, engin nge Tom-a chu sakhaw lamah tibeidawng?

• Engvângin nge thutak a hmu a ni tih a rin tlat?

Thusawi aiin thiltih a pawimawh zâwk. Matthaia 7:21 chhiarin, he zawhna hi sawiho vang che u:

• Isua tân eng nge pawimawh zâwk—ringtu nia inchhâl nge ni a, kan thiltiha kan lantîr?

7. An inhmangaih tawn

• Engtin nge Isua zirtîrte (Kristian dikte) chuan hnam dang, a nih loh leh ram dang mite chu an cheibâwl?

• Engtin nge chutiang chuan indo hun laiin an tih?

 KHAIKHAWMNA

Kristian dikte chuan Bible zirtîrnate an zâwm a, mahni hmasial lo hmangaihna lantîrin, Bible thutak an hril.

Ennawnna

• Kristian dikte thurin chu engah nge a innghah?

• Eng miziate’n nge Kristian dikte chu thliar hrang?

• Kristian dikte’n eng hna nge an thawh?