ZIRLAI 21
Engtin Nge Chanchin Ṭha Chu Hrilh A Nih?
Jehova chuan a Lalram hmangin kan buaina zawng zawng hi a nuai bo thuai dâwn a. He thu hi mahni chauhva hriat atân chuan a uiawm a ni. Isua chuan a hnungzuitute chu he thuchah hi mi tinte hnêna puang tûrin a duh a! (Matthaia 28:19, 20) Engtin nge Jehova Thuhretute chuan Isua thupêk chu an chhân lêt?
1. Engtin nge tûn laiah Matthaia 24:14 hi a thlen famkim?
Isua chuan: “He Ram chanchin ṭha hi hnam zawng zawng hriattîrna tûrin khawvêl zawng zawngah hrilin a awm ang,” tiin a sawi lâwk a. (Matthaia 24:14) Jehova Thuhretute chuan he hna pawimawh tak hi hlim takin an thawk a. Khawvêl pumah chanchin ṭha chu ṭawng 1,000 chuangin kan hril ta! He hna lian leh ropui tak thawk tûr hian thawhrimna leh inrêlbâwlna ṭha neih a ngai a. Jehova ṭanpuina tel lo chuan thawh zawh theih rual a ni lo.
2. Mite hnêna thu hril tûrin eng ang khawpin nge kan thawhrim?
Mite kan hmuh theihna apiangah thu kan hril a. Kum zabi khatnaa Kristiante angin “inahte” thu kan hril a ni. (Tirhkohte 5:42) Hetianga chipchiar taka kan thawh avâng hian kum tinin mi maktaduai tam takte hnênah thu kan hril thei a. Mite chu ina an awm reng ṭhin loh avângin, vântlâng hmun tam takah thu kan hril bawk. Mi dangte hnêna Jehova leh a thiltum chungchâng hrilh theihna hun remchâng kan zawng reng ṭhîn.
3. Tuin nge chanchin ṭha hril tûra mawhphurhna nei?
Kristian dik zawng zawngin mi dangte hnêna chanchin ṭha hril tûrin mawhphurhna an nei a. Kan mawhphurhna chu kan la thutak hle. Nun a chhanhim thei tih kan hriat avângin, kan dinhmun azirin theih tâwp chhuahin thu kan hril a ni. (1 Timothea 4:16 chhiar rawh.) He hna thawk tûr hian hlawh pêk kan ni lo, Bible chuan: “A thlâwnin in hmu a, a thlâwnin pe ang che u,” a ti si a. (Matthaia 10:7, 8) Mite chuan kan thuchah ken chu an pawm vek lo va. Mahse, thu hrilhna hi kan biakna pêng pakhat a nih bâkah, Jehova a tihlâwm avângin kan hril zawm zêl a ni.
ZIR BELHIN HMUH BELH RAWH
Jehova Thuhretute’n khawvêl pum huapa thu hril tûra an thawhrim dân zir belh la, Jehova ṭanpuina an dawn dân hria ang che.
Khawvêl puma thu hrilhna: (A) Costa Rica, (B) United States, (C) Benin, (D) Thailand, (E) Yap, (F) Sweden
4. Mi zawng zawng hnêna chanchin ṭha hril tûrin theih tâwp kan chhuah
Jehova Thuhretute chuan khawvêl hmun tina mite hnênah chanchin ṭha hril tûrin theih tâwp an chhuah a. VIDEO chu chhuah la, a hnuaia zawhna hi sawiho vang che u.
-
Jehova Thuhretute’n thu hril tûra an thawhrimna kawngah engin nge i rilru khawih?
Matthaia 22:39 leh Rom 10:13-15 chhiarin, hêng zawhnate hi sawiho vang che u:
-
Engtin nge kan rawngbâwlnain vêngte kan hmangaihna a târ lan?
-
Engtin nge Jehova’n chanchin ṭha hriltute chu a ngaih?—Châng 15-na en rawh.
5. Pathian hnathawhpuite kan ni
Thiltawn tam tak chuan Jehova’n kan hnathawhna a kaihruai tih a târ lang a. Entîr nân, New Zealand rama Unaupa Paul-a chuan chawhnu lama in tin a chhuahnaah nu pakhat a tâwk a. Ani chu tuemawin amah rawn tlawh tûrin Pathian Jehova hming lamin zîng lamah a lo ṭawngṭai tawh a ni. A ṭawngṭai hnu dârkâr thum leka a in a va thlen thu Paul-a chuan a sawi.
Korinth thawn khat 3:9 chhiarin, he zawhna hi sawiho vang che u:
-
Engtin nge New Zealand rama thiltawn ang chite khân Jehova’n thu hrilh rawngbâwlna a kaihruai tih a târ lan?
Tirhkohte 1:8 chhiarin, he zawhna hi sawiho vang che u:
-
Engvângin nge kan rawngbâwlna hlen chhuak tûrin Jehova ṭanpuina kan mamawh?
I lo hre tawh em?
Kâr tina kan neih chawlhkâr chhûng inkhâwmah thu hrilhnaa min ṭanpuitu zirtîrnate kan dawng ṭhîn a. Hêng inkhâwmahte i tel tawh ngai a nih chuan, chuta zirtîrna pêkte chu engtin nge i ngaih?
6. Thu hril tûra Pathian thupêk chu kan zâwm
Kum zabi khatnaah khân, dodâltute chuan Isua hnungzuite thu hrilhna tihtâwp an tum a. Kristian hmasate chuan ‘chanchin ṭha [dân anga] tihnghehna’ hmangin thu hril tûra an dikna neih chu an vênghim a ni. (Philippi 1:7) Tûn laia Jehova Thuhretute pawhin chutiang chuan an ti bawk. a
Tirhkohte 5:27-42 chhiarin, he zawhna hi sawiho vang che u:
-
Engvângin nge thu hrilh kan bânsan loh vang?—Châng 29, 38, leh 39 en rawh.
MI ṬHENKHAT ZAWHNA: “Engvângin nge Jehova Thuhretute hi in tin an kal?”
-
Engtin nge i chhân ang?
KHAIKHAWMNA
Isua chuan a hnungzuite hnênah hnam zawng zawngte hnêna chanchin ṭha hril tûrin kaihhruaina a pe a. Jehova’n a mite chu he hna thawk tûr hian a ṭanpui.
Ennawnna
-
Engtin nge chanchin ṭha chu khawvêl pum huapa hrilh a nih?
-
Engtin nge kan rawngbâwlnain vêngte kan hmangaihna a târ lan?
-
Thu hrilh rawngbâwlna hi hna lungawithlâk tak niin i hria em? Engvângin nge?
HRIAT BELH NAN
Jehova Thuhretute’n khawpui liana thu an hrilh dân en rawh.
Paris-a A Bîk Taka Huaihawt Vântlâng Hmuna Thu Hrilhna (5:11)
Engtin nge Jehova Thuhretute’n râltlânte hnêna thu an hrilh?
Hun bikima rawngbâwlna nun a lungawithlâkzia nu pakhat sawi chu ngaithla ang che.
Court-a hnehna chhinchhiah tlâk takte’n chanchin ṭha hrilhna a tihhmasâwn dân chhiar rawh.
“Lalram Puangtute’n An Thu Buai Court-ah An Thlen” (God’s Kingdom Rules!, bung 13)
a Pathian chu rawngbâwl tûra thu neihna min petu a ni a. Chuvângin, Jehova Thuhretute chuan chanchin ṭha hril tûrin mihring thuneitute hnêna phalna an dîl a ngai lo.
You May Also Like
ZAWH FO ṬHIN ZAWHNATE
Jehova Thuhretute Ruahman Bible Zirna Chu Eng Nge Ni?
Jehova Thuhretute ruahman a thlâwna sawihona phûrawm takah Bible lehlin eng pawh i hmang thei a. I chhûngte leh i ṭhian tu pawh i sâwm thei a ni.
