Nunah hian thil hlimawm tam tak kan tawng thei a. Buaina kan tawh hunah pawh, kan nun pêng ṭhenkhatah hlimna ka nei thei tho a ni. Engtin nge nunna thilpêk kan ngaihhlutzia kan lantîr theih? Chutianga kan ngaihhlut chhan ber chu eng nge ni?

1. Engvângin nge nunna kan ngaihhlut ang?

Min hmangaihtu kan Pa, Jehova thilpêk a nih avângin nunna hi kan ngaihlu tûr a ni a. Ani chu “nunna tuikhur,” a nih loh leh nunna hnâr a ni a, nunna zawng zawng siamtu a ni. (Sâm 36:9) “Amah ngei chu engkim hnêna nunna te, thâwkna te leh thil zawng zawng petu a ni.” (Tirhkohte 17:25, 28) Jehova chuan kan nunna atâna kan mamawhte min pe a. Chu mai ni lovin, hlim taka kan nun hmang thei tûra kan mamawhte pawh min pe bawk a ni.—Tirhkohte 14:17 chhiar rawh.

2. Engtin nge Jehova hnênah nunna thilpêk kan ngaihhlutzia kan lantîr theih?

Nu pum chhûnga i awm ṭan aṭangin Jehova chuan a ngaihsak che a. Amah betute zînga mi Davida chuan thlarau thâwkkhumin, a hnênah heti hian a sawi: “Ka rîruang la famkim lo chu i mitin a hmu a,” tiin. (Sâm 139:16) Jehova chuan i nunna chu a hlut hle a ni. (Matthaia 10:29-31 chhiar rawh.) Duh rêng vânga mi dang nunna emaw, mahni nunna ngei emaw latu chuan a rilru an tina hle a ni. a (Exodus 20:13) Ṭûl lo taka kan nunna dinhmun hlauhawma kan dah emaw, mi dang nun vênghim tûra a ṭûl anga invên lâwkna kan neih loh emaw chuan Jehova rilru kan tina bawk ang. Kan nunna leh mi dangte nunna kan zah hian nunna thilpêk ropui tak kan ngaihhlutzia kan lantîr tihna a ni.

 ZIR BELHIN HMUH BELH RAWH

3. I hrisêlna ngai pawimawh rawh

Kristian inpumpêk tawhte chuan an nun pumhlûm chu Jehova rawngbâwl nâna hman an duh a. An taksa chu Pathian tâna hlân anga sawi theih an ni. Rom 12:1, 2 chhiarin, hêng zawhnate hi sawiho vang che u:

• I hrisêlna ngaihsak tûrin engin nge chêttîr ang che?

• I ngaihsak theih dân kawng ṭhenkhat chu engte nge ni?

 5. Nausên la piang lo nunna chu zah rawh

Davida chuan Jehova’n nausên la piang lo nunna leh a ṭhan chhoh dân a ngaihven thu hla thu hmangin a sawi a. Sâm 139:13-17 chhiarin, he zawhna hi sawiho vang che u:

• Jehova mit hmuhah nunna hi pian chhuah hun aṭanga inṭan nge ni a, pai ṭantîr aṭangin?

Hmân lai Israelte tâna Jehova dân pêk chuan nu leh nausên la piang lote nunna a vênghim. Exodus 21:22, 23 chhiarin, hêng zawhnate hi sawiho vang che u:

• Engtin nge Jehova chuan tihpalh thila nausên la piang lo thihna thlentu chu a ngaih?

• Tum rêng vânga chutiang thil titu chu engtin nge a ngaih ang? b

• Pathian thlîr dân chu engtin nge i ngaih?

VIDEO chu chhuah rawh.

Nunna ngaihlutu nu pakhat chuan nau tihtlâk chu duh thlan theih awm chhun niin a ngai pawh a ni thei. Isaia 41:10 chhiarin, hêng zawhnate hi sawiho vang che u:

• Nu pakhat chu nau titla tûra nawrluih ni ta se, tu hnênah nge ṭanpuina a dîl ang? Engvângin nge?

 KHAIKHAWMNA

Bible chuan Jehova thilpêk nunna chu ngaihlu a, zah a, vênghim tûrin min zirtîr a. Chutah chuan kan nunna leh mi dangte nunna a tel a ni.

Ennawnna

• Engvângin nge Jehova tân mihring nunna hi a hlut?

• Miin tum rêng vânga nunna a lâk hian Jehova chuan engtin nge a ngaih?

• Nunna thilpêk chungchângah eng nge i ngaihhlut?