ZIRLAI 55
I Kohhran Ṭanpui Rawh
Khawvêl puma mi maktaduai têlte chuan kohhran sâng tam takah hlim takin Jehova an bia a. Zirtîrna leh kaihhruaina an dawnte avângin an lâwm hle a, chu bâkah kawng tam takah kohhran chu phûr takin an ṭanpui a ni. I lawina kohhranah chutiang niin i hria em?
1. Kohhran ṭanpui tûra i hun leh thate i hman theih dân kawng ṭhenkhat chu engte nge ni?
Kan za hian kohhran kan ṭanpui thei a. Entîr nân, in kohhranah tar emaw, bawrhsâwm emaw an awm em? Inkhâwma kal tûrin i hruai thei ang em? Bazarsak leh in lam thawh ngaite thawhsak ang chi ṭanpuinate i pe thei ang em? (Jakoba 1:27 chhiar rawh.) Kingdom Hall tifai tûr leh enkawl tûrin kan inpe thei bawk. Hêng thilte ti tûr hian tuman min tilui lo. Pathian leh kan unaute kan hmangaihna chuan ‘mahni duh thua inpe’ tûrin min chêttîr a ni.—Sâm 110:3.
Baptisma chang tawh Thuhretute chuan kawng dangte pawhin kohhran chu an ṭanpui thei a. Thlarau lama puitling tak unaupate chuan kohhranho rawngbâwltu leh a hnuah kohhran upate niin rawng an bâwl thei a ni. Unaunu leh unaupate chuan pioneer anga rawngbâwlin phûr takin kohhran an ṭanpui thei a. Thuhretu ṭhenkhat chuan biakna hmunte saknaah an ṭanpui thei a, a nih loh leh kawng danga ṭanpui ngai kohhranah insawnin an ṭanpui thei bawk a ni.
2. Engtin nge kan sum leh thil neihte chu kohhran ṭanpui nâna kan hman theih?
Kan ‘sumin Jehova kan chawimawi’ thei a. (Thufingte 3:9) Tualchhûng kohhran leh khawvêl puma thuhrilh rawngbâwlna ṭanpui nâna kan sum leh thil neihte kan thawh thei chu chanvo hlu takah kan ngai a ni. (2 Korinth 9:7 chhiar rawh.) Kan thawhlâwmte chu leilung chhiatna tâwkte chhawmdâwl nâna hman a ni bawk. Mi tam tak chuan thawhlâwm an thawh ziah theih nân “dah khâwl” an thlang a. (1 Korinth 16:2 chhiar rawh.) Kan thawhlâwmte chu inkhâwmna hmuna thawhlâwm bâwmah emaw, online-a donate.pr418.com-ah emaw kan thawh thei bawk. Jehova chuan kan thil neihte hmanga amah kan hmangaihzia târ lan theihna hun remchâng min pe a ni.
ZIR BELHIN HMUH BELH RAWH
Kohhran i ṭanpui theih dân kawng ṭhenkhat chu ngaihtuah rawh.
3. Kan thil neihte kan hmang thei
Jehova chuan hlim taka petu a hmangaih a, Isua pawhin a hmangaih a ni. Entîr nân, Isua’n hmeithai retheiin thawhlâwm a thawh chu a fak a ni. Luka 21:1-4 chhiarin, hêng zawhnate hi sawiho vang che u:
-
Jehova tilâwm tûrin sum tam tak kan thawh a ngai em?
-
Lâwm taka thawhlâwm kan thawh hian Jehova leh Isua’n engtin nge an ngaih?
Kan thawhlâwmte hman a nih dân hriat nân, VIDEO chu chhuah la. Tichuan, a hnuaia zawhna hi sawiho vang che u.
-
Khawvêl puma kohhrante’n an hlâwkpui theih nân engtin nge thawhlâwm chu hman a nih?
4. Tlâwmngaiin kan inpe thei
Bible hun lai khân, Jehova betute chuan an biakna hmun enkawl tûrin ṭhahnemngai takin an thawk a. Mahse, chu thilah chuan thawhlâwm thawh mai aia tam a tel a ni. Chronicles pahnihna 34:9-11 chhiarin, he zawhna hi sawiho vang che u:
-
Engtin nge Israel mi tinte’n Jehova in, a nih loh leh biakna hmun enkawl tûra an ṭanpui?
Jehova Thuhretute’n hmân lai mite an entawn dân hriat nân, VIDEO chu chhuah la. Tichuan, a hnuaia zawhnate hi sawiho vang che u.
-
Engvângin nge kan Kingdom Hall tih thianghlim leh enkawl reng chu thil pawimawh tak a nih?
-
I ṭanpui theih dân kawng ṭhenkhat chu engte nge ni?
5. Unaupate chuan mawhphurhna tam lehzual la tûrin hma an la thei
Bible chuan Kristian mipate chu kohhran ṭanpui tûra an tih theih apiang ti tûrin a fuih a. Entîrna pakhat hriat nân, VIDEO chu chhuah la. Tichuan, a hnuaia zawhna hi sawiho vang che u.
-
Video-ah khân, Ryan-a chuan tam lehzuala kohhran ṭanpui tûrin engtin nge hma a lâk?
Bible chuan kohhranho rawngbâwltu leh upa ni tûra unaupate tlin ngai miziate a sawi a. Timothea thawn khat 3:1-13 chhiarin, hêng zawhnate hi sawiho vang che u:
-
Kohhranho rawngbâwltu leh upa ni tûra ṭan la unaupate lakah eng nge beisei a nih?
-
An chhûngte lakah eng nge beisei a nih?—Châng 4 leh 11 en rawh.
-
Unaupate’n hêng tlin ngai miziate tlin an tum hian, engtin nge kohhrana mi zawng zawngte’n an hlâwkpui?
MI ṬHENKHAT ZAWHNA: “Engtin nge Jehova Thuhretute’n an rawngbâwlna atâna sum leh pai an hmuh?”
-
Engtin nge i ngaih?
KHAIKHAWMNA
Jehova chu kohhran ṭanpui tûra kan hun te, tha leh zung te, leh thil neihte kan hman hian a lâwm.
Ennawnna
-
Engtin nge kohhran ṭanpui nân kan hun leh tha leh zungte kan hman theih ang?
-
Engtin nge kohhran ṭanpui nân kan thil neihte kan hman theih ang?
-
Eng kawngtein nge kohhran ṭanpui i duh?
HRIAT BELH NAN
Pathianin amah betute chu sâwma pakhat pe tûra a phût tawh loh chhan ngaihtuah rawh.
“Bible-in Sâwma Pakhat Chungchâng Eng Nge A Sawi?” (Website thuziak)
Bible chuan baptisma chang tawh unaupate hnênah chanvo ṭhenkhat a pe a. Mahse, chûng chanvote chu baptisma chang tawh unaunuin a tih ngai ta se, engtin nge ni nga?
“Kohhran Lû Nihna Hre Thiam Rawh” (Vênnainsâng, February 2021)
An Kristian unaute hnêna thu leh hla chhuah pe tûra inpêkna nasa tak nei Thuhretu huaisen takte thiltih en rawh.
Sakhaw pâwl dangte laka kan rawngbâwlna sum leh paia chhawmdâwl a nih dân danglam tak chu chhiar rawh.
“Engtin Nge Jehova Thuhretute Rawngbâwlna Chu Sum leh Paia Chhawmdâwl A Nih?” (Website thuziak)
You May Also Like
ZAWH FO ṬHIN ZAWHNATE
Jehova Thuhretute Ruahman Bible Zirna Chu Eng Nge Ni?
Jehova Thuhretute ruahman a thlâwna sawihona phûrawm takah Bible lehlin eng pawh i hmang thei a. I chhûngte leh i ṭhian tu pawh i sâwm thei a ni.
