ZIRLAI 57
Thil Sual Pawi Tak Ti Ta La, Engtin Nge Ni Ang?
Jehova chu i hmangaih tak zet a, amah tilâwm lotu thilte pumpelh tûrin theih tâwp i chhuah bawk a; chungti chung pawhin thil tihsual châng i nei palh thei a ni. Mahse, sual ṭhenkhat chu a dang aiin a pawi zâwk a. (1 Korinth 6:9, 10) Thil sual pawi tak i tih chuan Jehova’n a la hmangaih reng che a, ngaidam a, ṭanpuina pêk che a inpeih reng a ni tih hre reng ang che.
1. Jehova ngaihdamna dawng tûrin eng nge kan tih ngai?
Jehova hmangaihtute chu thil sual pawi tak an ti a ni tih an inhriat chhuah hian nasa takin an lungngai a. Mahse, Jehova’n a mite hnêna a thutiam: “In sualte chu sen lâr angin awm tawh mah sela, vûr angin a vâr ang,” tihah hian thlamuanna an hmu a ni. (Isaia 1:18) Kan inchhîr tak zet chuan Jehova’n min ngaidam pumhlûm ang. Engtin nge kan inchhîr ang? Inchhîr tak zetna chuan thil ṭha lo kan tih bânsan tûr leh Jehova ngaihdamna dîl tûrin min chêttîr ang. Tichuan, thil sual tihna min thlentu ngaihtuahna ṭha lo, a nih loh leh thil chîn ṭha lote thlâk tûrin theih tâwp kan chhuah ang a, Jehova tehna thianghlimte mila nun kan tum tlat ang.—Isaia 55:6, 7 chhiar rawh.
2. Engtin nge Jehova’n thil sual kan tih huna min ṭanpui tûrin upate a hman?
Thil sual pawi tak kan ti a nih chuan, Jehova’n ‘kohhran upate ko’ tûrin min hrilh a ni. (Jakoba 5:14, 15 chhiar rawh.) Hêng upate hian Jehova leh a berâmte an hmangaih a. Anni chu Jehova nêna kan inlaichînna siam ṭha tûra min ṭanpui tûrin an tling a ni.—Galatia 6:1.
Engtin nge upate chuan thil sual pawi tak kan tih hunah min ṭanpui? Upa pahnih emaw, pathum emawin Bible ṭanchhanin zilhna min pe ang. Anni chuan thil sual tinawn lo tûra min ṭanpui tûrin thurâwn ṭangkai tak leh fuihnate min pe bawk ang. Thil sual pawi tak tituin inchhîrna dik a neih loh chuan, upate chuan thununna hlauhawm laka kohhran vênhim nân ani chu kohhran aṭangin an chhuahtîr ang.
ZIR BELHIN HMUH BELH RAWH
Sual pawi tak kan tih palh huna Jehova min ṭanpui dân avânga i lâwmna tithûk lehzual rawh.
3. Inpuanna chuan Jehova nêna inṭhianna nei leh tûrin min ṭanpui
Thil sual kan tih apiang hian Jehova rilru a tihnat avângin a hnênah kan inpuang nghâl tûr a ni. Sâm 32:1-5 chhiarin, he zawhna hi sawiho vang che u:
-
Engvângin nge kan thil sual tihte thupbo tum aia Jehova hnêna inpuan chu kan tân thil ṭha tak a nih?
Jehova hnêna kan thil sual tihte kan puan mai bâkah, upate ṭanpuina kan zawn hian rilru hahdamna kan nei a ni. VIDEO chu chhuah la, a hnuaia zawhna hi sawiho vang che u.
-
Video-ah khân, engtin nge upate’n Canon-a chu Jehova hnêna kîr leh tûra an ṭanpui?
Upate hnênah kan inhawngin thu dik tak kan sawi tûr a ni a; anni chu min ṭanpuitu tûrte an ni. Jakoba 5:16 chhiarin, he zawhna hi sawiho vang che u:
-
Engtin nge upate hnêna thu dik tak sawina chuan an tân min ṭanpui a tihawlsam?
I sual puangin upate hnênah thu dik tak hrilh la, Jehova ṭanpuina duhawm tak chu pawm rawh
4. Thil Sual Titute Chungah Jehova’n Zahngaihna A Lantîr
Thil sual pawi tak tituin Jehova tehnate a zâwm duh lo a nih chuan kohhran aṭanga chhuahtîr a ni ang a. Ani chu kan kâwm tawh lo vang. Korinth thawn khat 5:6, 11 chhiarin, he zawhna hi sawiho vang che u:
-
Dawidimin chhang pum a fan chhuak angin engtin nge thil sual ti inlamlêt duh lo kawmnain kohhranah nghawng a neih theih?
Ṭha famkim lo thil sual titute chunga Jehova lantîr zahngaihna chu entawnin, upate chuan kohhran aṭanga chhuahtîra awmte chu ṭanpui tumin an zawng chhuak a. An zilhna dawnte chu khauh tak a ni thei a; mahse, chûngte chuan mi tam tak chu inhre chhuak a, kohhrana kîr leh tûrin a ṭanpui a ni.—Sâm 141:5.
Thil sual titute Jehova’n a cheibâwl dân chuan a âwm tâwk hria, zahngai tak leh, hmangaihnaa khat a ni tih engtin nge a târ lan?
5. Kan inlamlêt hian Jehova’n min ngaidam
Mi sual a inlamlêt huna Jehova awm dân hre thiam tûra min ṭanpui tûrin Isua chuan tehkhin thu a hmang a ni. Luka 15:1-7 chhiarin, he zawhna hi sawiho vang che u:
-
Hei hian Jehova chungchâng eng nge a zirtîr che?
Ezekiela 33:11 chhiarin, he zawhna hi sawiho vang che u:
-
Inlamlêtnaah chuan eng rahbi pawimawh tak nge tel?
Berâm vêngtu angin Jehova chuan a berâmte a ngaihsak tak zet
MI ṬHENKHAT SAWI DAN: “Ka thil sual tih upate hnêna ka hrilh chuan kohhran aṭangin min chhuahtîr mai ang.”
-
Chutiang ngaih dân neitu hnênah eng nge i sawi ang?
KHAIKHAWMNA
Thil sual pawi tak kan ti a; mahse, kan inchhîr tak zeta thil ṭha lo tih tawh loh kan tum tlat chuan Jehova’n min ngaidam ang.
Ennawnna
-
Engvângin nge Jehova hnêna sual inpuan chu kan tân thil ṭha tak a nih?
-
Kan sual ngaihdam ni tûrin eng nge kan tih ngai?
-
Thil sual pawi tak kan ti a nih chuan engvângin nge upate ṭanpuina kan zawn ang?
HRIAT BELH NAN
Isaia 1:18-a târ lan Jehova zahngaihna pa pakhatin a tawn dân en rawh.
Upate’n sual pawi tak titu chu engtin nge an ṭanpui?
“Thil Sual Titu Chunga Hmangaihna leh Zahngaihna Lantîr Dân” (Vênnainsâng, August 2024)
Sim duhna nei lo thil sual titute chunga hmangaihna leh zahngaihna lantîr a nih dân ngaihtuah rawh.
“Upate’n Kohhran Aṭanga Chhuahtîrte An Ṭanpui Theih Dân” (Vênnainsâng, August 2024)
“Jehova Hnêna Ka Kîr Leh A Ngai,” tih nun kawng chanchina thutak kalsan tawh pa pakhatin Jehova’n a hîp leh nia a inhriat chhan chhiar rawh.
You May Also Like
ZAWH FO ṬHIN ZAWHNATE
Jehova Thuhretute Ruahman Bible Zirna Chu Eng Nge Ni?
Jehova Thuhretute ruahman a thlâwna sawihona phûrawm takah Bible lehlin eng pawh i hmang thei a. I chhûngte leh i ṭhian tu pawh i sâwm thei a ni.
