ZIRLAI 10
Aw Thlâk Danglam
Thufingte 8:4, 7
KHAIKHAWMNA: I aw rin zâwng, sân zâwng, leh ran zâwngte tidanglamin, i thusawi chu fiah takin sawi la, mite rilru chawk tho rawh.
A TIH DAN TUR:
-
Aw rin zâwng thlâk rawh. A pawimawh zualna laite târ lan nân leh ngaithlatute chawhthawh nân i aw tiring deuh rawh. Bible-a rorêlna thute i chhiar hunah pawh tiring zual rawh. Beiseina neihtîr nân leh hlauhna leh manganna târ lan nân i aw tizâwi ang che.
-
Aw sân zâwng thlâk rawh. In ṭawnga tihâwm a nih chuan, phûrna lantîr nân emaw, a len zâwng leh a hlat zâwng târ lan nân emaw i awki sân rawh. Lungngaihna leh lungkhamnate târ lan nân i awki tihniam ang che.
-
A ran zâwng thlâk rawh. A phûrawmzia târ lan nân rang deuh hlekin sawi la, thu pawimawh laite chu muang dapin sawi ang che.
