Thinlung takin sawi rawh. I thusawi tûr i inbuatsaih laiin, i sawi tûr thuchah pawimawhna chu ngun takin ngaihtuah rawh. Thinlung aṭanga sawi thei tûr khawpin i thusawi tûr chu bel hle ang che.

Ngaithlatute ngaihtuah rawh. I thu chhiar tûr emaw, zirtîr tûr emawin mi dangte hlâwkna a thlen theih dân ngaihtuah rawh. I thusawi tûr chu ngaithlatute’n an ngaihhlut lehzual theih tûr zâwnga sawi dân tûr ngaihtuah ang che.

Nung takin sawi rawh. Ṭhahnemngai takin sawi la, i rilru vei zâwng chu zaizir dân pângngai tak leh i hmêl aṭangin lantîr rawh.