I sawi tûr thuziak chu ngun takin zir rawh. I thusawi tûr chu fiah tak leh mahni ir-âwm chhuaka i sawi theih nân hre bel hle ang che.

Sentence tawi leh ṭawngkauchheh hriat awlsam takte hmang rawh. Sentence sei deuhte chu pawm theih ni mah se, thu pawimawh laite chu ṭawngkauchheh tawi tê emaw, sentence tawi tê emaw hmangin sawi rawh.

Ṭawngkam hriat ṭhan lohte chu hrilhfiah rawh. A theih chuan, ngaithlatute hriat ṭhan loh ṭawngkamte chu hmang suh. Ṭawngkam hriat ṭhan loh te, Bible-a chuang mi pakhat chanchin, a nih loh leh hmân lai thil tehna leh chîn dân ang chite sawi lan a ngaih hunah hrilhfiah ṭhîn ang che.