“Zirtîrtu ni tawh hial âwm in ni.” (Heb. 5:12) Han ngaihtuah teh! Lei leh vâna Zirtîrtu ropui ber, Jehova chuan a chanchin mi dangte zirtîr tûrin min sâwm a! Chhûngkua, kohhran, leh thlawhhma rawngbâwlnaa i neih chanvo engpawh chu a hluin, mawhphurhna rit tak a ni. Engtin nge chu chu i hlen theih?

A chhânna chu: “Chhiar te, thu hrilh te, zirtîr te bei uar rawh,” tia Timothea hnêna tirhkoh Paula lehkha thawnah kan hmu a. Paula chuan: “Chutiang tiin nangmah leh i thu ngaithlatute chu i chhandam dâwn zuk nia,” tiin a ziah belh a ni. (1 Tim. 4:13, 16) Nun chhanhim thei thuchah sawi tûr i nei a. Chuvângin, chhiar leh zirtîrna kawnga hma sâwn tûra i thawhrim chu a pawimawh a. He brochure hi chutianga ti thei tûra ṭanpuitu atâna siam a ni. A hmêlhmang ṭhenkhat ngaihtuah ta ila.

Jehova chu “Zirtîrtu Ropui Ber,” a ni a. (Is. 30:20, New World Translation) He brochure hian chhiar leh zirtîrna kawnga i thiamna tihmasâwn tûrin a ṭanpui ang che a; chutih rual chuan, Jehova chu kan thuchah ken lo chhuahna Hnâr leh mite hîptu a ni tih theihnghilh ngai suh. (Joh. 6:44) Chuvângin, thlarau thianghlim dîlin ṭawngṭai fo la, Pathian Thu chu hmang fo ang che. Mahni lamah mite ngaihsakna la ngai suh la, Jehova chu ngaihventîr zâwk rawh. I thu ngaithlatute thinlungah amah hmangaihna thûk tak tuh tum ang che.

Mihringte hnêna pêk tawh azawnga thuchah pawimawh ber zirtîr tûra sâwm i ni. “Pathian pêk chakna” i rinchhan chuan, i hlawhtling ang tih kan ring tlat a ni.—1 Pet. 4:11, NW.

Zirtîrna kawnga i thawhpuite,

Jehova Thuhretute Governing Body