Pathian chuan lei paradis-a inrem tak leh hlim taka chatuana kan nun chu a duh!

Mahse, ‘Chu chu engtin nge a nih theih ang?’ tiin i ngaihtuah mai thei. Bible chuan Pathian Ramin a nihtîr ang tih a sawi a, Pathian duhzâwng chu mi zawng zawngin chu Lalram chanchin leh kan tâna A thiltum chungchâng an zir hi a ni.—Sâm 37:11, 29; Isaia 9:7.

Pathian chuan kan hlâwkpui tûr thilte ti tûrin min duh.

Pa ṭha tak chuan a fate tâna thil ṭha ber a duhsak ang bawkin, kan Pa vâna mi chuan chatuana kan hlim chu min duhsak a. (Isaia 48:17, 18) Ani chuan “Pathian duhzâwng titu . . . chu kumkhuain a awm reng ang,” tih min tiam a ni.—1 Johana 2:17.

Pathian chuan a kawng zawh tûrin min duh.

Min Siamtu chuan “a kalkawngahte . . . kan kal” theih nân, “a kawng chanchinte chu min zirtîr” a duh tih Bible chuan a sawi a. (Isaia 2:2, 3) Ani chuan lei pum puia a duhzâwng hriattîr tûrin “ama hming pu” mite a din a ni. —Tirhkohte 15:14.

Pathian chuan amah biaknaa inpumkhat tûrin min duh.

Jehova biakna thianghlim chuan mite chu tihrang lovin, hmangaihna dikah a phuar khâwm zâwk a ni. (Johana 13:35) Tûn laiah tute’n nge hmun tina mite chu inlungrual taka Pathian rawngbâwl dân zirtîr? He brochure aṭanga a chhânna hmu chhuak tûrin kan sâwm a che.