Jehova Thuhretute anga kan nihna te, kan rawngbâwlna te, leh kan inawpna pâwl thiltihte hre chiang lehzual tûra he brochure i bih chian avângin i chungah kan lâwm hle. Hei hian tûn laia Jehova duhzâwng titute kan nihzia hre tûra a ṭanpui che kan beisei a ni. Pathian hriatna nei chhunzawm zêl tûr te, i thu zirte chu i chhûngte leh ṭhiante hnêna hrilh tûr te, leh kan Kristian inkhâwmnaa lo tel ziah tûr tein kan fuih a che.—Hebrai 10:23-25.

Jehova chungchâng i zir tam zawh poh leh a hmangaihzia che chu i hmu chhuak nasa lehzual ang a. Chu chuan amah i hmangaih lêtzia lantîr nâna i tih theih apiang ti tûrin a chêttîr ang che. (1 Johana 4:8-10, 19) Mahse, engtin nge chutianga tih i duhzia chu i nî tin nunah i lantîr theih? Engvângin nge nungchang lama a tehnate zawm chu i ṭhatna tûr a nih? Engin nge kan ruala Pathian duhzâwng tih duhna nei tûrin ṭanpui ang che? Bible zirpuitu che chuan i chhûngte nêna ‘chatuan nunna neihtîrna khawp . . . Pathian hmangaihnaa in invawn ṭhat’ theihna tûrin hêng zawhnate chhânna zawn chhuahpui che chu a châk hle ngei ang.—Juda 21.

Thutak hriatna kawnga hma i sâwn zêl theih nân, Sâpṭawnga chhuah “Keep Yourselves in God’s Love” tih lehkhabu hi zir tûrin kan sâwm a che.