Hun kal tawha Jehova mite nêna hun nuam tak i hmante—kohhran inkhâwm mi tichak thei tak, inkhâwmpui phûrawm tak, rawngbâwlnaa thiltawn duhawm tak, a nih loh leh rinnaa unaute nêna inbiakna nuam tak i neihte—chu hlim takin i ngaihtuah chhuak tawh ngai em? Pathian Jehova i la theihnghilh lo va, ani pawhin a la theihnghilh lo che tihna a ni. Rinawm taka a rawng i bâwlte chu theihnghilh lovin a hre reng a. A hnêna kîr leh tûra ṭanpui che chu a châk hle a ni.

Jehova chuan: “Keimah ngei hian ka berâmte ka zawng ang a, ka enkawl ang. Berâmpuin a berâm darhte a zawn hmuh hnua a châwm angin ka berâmte chu ka enkawl ang. An darhna zawng zawng ata ka zawng chhuak ang,” tiin a sawi.—Ezekiela 34:11, 12, NW.