TITI ṬANNA
ZIRLAI 4
Inngaihtlâwmna
Thu bul: “Mahni aiin mi dang ṭha zâwkah ruat ṭheuh rawh se.”—Phil. 2:3.
Paula Tih Dân
1. VIDEO chu en la, a nih loh leh Tirhkohte 26:2, 3 chhiar rawh. Chumi hnuah, a hnuaia zawhnate hi ngaihtuah ang che:
-
Engtin nge Paula’n Lal Agrippa a biak dânah inngaihtlâwmna a lantîr?
-
Engtin nge Paula chuan amah ni lovin, Jehova leh Bible a ngaihventîr?—Tirhkohte 26:22 en rawh.
Paula Hnên Aṭangin Eng Nge Kan Zir?
2. Mite chu inngaitlâwm tak leh zah taka kan biak hian kan thuchah ken chu ngaihthlâk an duh lehzual ṭhîn.
Paula Entawn Rawh
3. Zah thiam takin sawi rawh. Thil hre vek ang leh, mi dangte chuan eng mah hre ve lo ang hrimin thu sawi lo la. Chu aiin, zah thiam takin bia ang che.
4. I thusawi chuan Bible a ṭanchan tih chian rawh. Bible-ah hian mite thinlung hneh thei tak thute a chuang a. Chûng thute chu kan hmang a nih chuan, mite chu lungphûm dik tak chunga rinna nghat tûrin kan ṭanpui tihna a ni.
5. Thuhnuairawlh tak ni rawh. I dik zâwk tih finfiah tum reng kher suh. Mite nêna inhnial chu kan duh lo va. Rilru dam taka awmin leh chhuahsan hun tûr hriain inngaihtlâwmna lantîr ang che. (Thuf. 17:14; Tit. 3:1, 2) Dam taka chhuahsanna chuan nakin huna tîtîna ṭha tak neih nân kawng a hawng thei a ni.
