“Thawhlehna a awm ang.”​—Tirhkohte 24:15, O.V. Reference.

Hmangaih takte an thih hunah thlamuan i ni thei.​—2 Korinth 1:3, 4.

Thihna pâwngpaw hlauhna ata i zalên thei.​—Hebrai 2:15.

Hmangaih thi tate nêna intawn leh beiseina dik tak i nei thei.​—Johana 5:28, 29.

Thei e, a lo berah pawh chhan pathum avângin:

• Pathian chu nunna Siamtu a ni. Bible chuan Pathian Jehova chu “nunna tuikhur” neitu angin a sawi. (Sâm 36:9; Tirhkohte 17:24, 25) Thil siam zawng zawngte hnêna nunna petu chuan thi tawh tuemaw hnênah chuan nunna a pe kîr leh thei tih a chiang hle.

• Pathianin hun kal tawhah mitthite a kaitho tawh. Bible-ah chuan he leia kaihthawh a pui a pang, a hmei a pa mi pariat chungchâng kan hmu a. Ṭhenkhat chu rei lo tê an thih hnua kaihthawh an nih laiin, pakhat erawh thlâna ni li lai zalh tawh a ni thung!​—Johana 11:39-44.

• Pathianin kaihthawh leh a châk. Jehova chuan thihna hi a hua a, hmêlma angin a thlîr a ni. (1 Korinth 15:26) Thihna chu thawhlehna hmanga nuaibovin, chu hmêlma hneh chu a “châk ngawih ngawih” a. A hriat rengnaa awmte chu kaihthawh a, he leia nuntîr leh chu a châk hle a ni.​—Joba 14:14, 15, New World Translation.