ṬHEN 3
Eden Huana Nun Chu Eng Ang Nge A Nih?
Jehova’n Adama leh Evi hnênah thil ṭha tam tak a pe. Genesis 1:28
Pathian Jehova chuan hmeichhe hmasa ber Evi chu siamin, Adama hnênah nupui atân a pe a.—Genesis 2:21, 22.
Jehova chuan anni chu rilru leh taksa ṭha famkim neiin a siam a ni.
An awmna Eden huan chu Paradis a ni a—lui pakhat leh thei kûngte awmna, nungchate tualchaina hmun mawi tak a ni.
Pathian Jehova chuan anni chu a bia a, a zirtîr bawk a. A thu an ngaihthlâk chuan lei Paradis-ah chatuanin an chêng reng ang.
Genesis 2:16, 17
Pathian chuan thei kûngte zînga pakhat rah ei chu a khap.Vântirhkohte zînga pakhat chu Pathian lakah a hel a. Chu vântirhkoh suaksual chu Diabol-Setana a ni.
Pathian Jehova chuan Adama leh Evi chu huana thei kûngte zînga pakhat entîrin, a rah an ei chuan an thi dâwn tih a hrilh a.
Setana chuan Adama leh Evi’n Pathian Jehova thu an âwih chu a duh lo. Chuvângin, rûl hmangin Evi hnênah chu thei rah a ei chuan a thi lo vang a, Pathian ang a lo ni zâwk ang tih a hrilh ta a. Mahse, chu chu dâwt a ni.—Genesis 3:1-5.