Bible chuan tûn laia thilthleng tam tak hi a lo sawi lâwk a. Mite chu tangka sum ngainatu te, nu leh pa thu âwih lo te, mi kawlhsen te, mahni lâwmna mai hmangaihtu te an ni ang tih a lo sawi a ni.

Lîrnghîng nasa tak te, indona te, ṭâm te, leh hrilêng te a lo awm ang. Hêngte hi tûn laiah a thleng mêk a ni.

Isua chuan khawvêl zawng zawnga Ram chanchin ṭha hrilh a nih tûr thu pawh a sawi bawk.—Matthaia 24:14.

Jehova chuan mi suaksual zawng zawngte chu a tiboral thuai ang.

Setana leh a ramhuaihote chu hrem an ni ang.

Pathian thu ngaithlatute chu hlauhna awm tawh lohna hmun, mite an inrin tawn a, an inhmangaih tawnna hmun, felna khawvêl tharah chuan an dam tlang ang.