Ni 40 leh zan 40 chhûng ruah a sûr a, lei chung zawng zawng chu tuiin a khat ta pûng mai a. Mi suaksual zawng zawng chu an thi fai vek a ni.

Vântirhkoh helhote erawh chu an lei taksa kalsanin ramhuai an lo ni a.

Lawng chhûnga awmte chu an dam khawchhuak a. Nova leh a chhûngte chu a tâwpah thi leh tho mah se, Pathianin chatuana nun beiseina neiin a kaitho leh ang.

Setana leh a ramhuaihote chuan mite chu an la bum zawm zêl a.

Nova hun lai ang bawkin, tûn laiah pawh mi tam takin Jehova kaihhruaina duhawm tak chu an hnâwl a ni. Jehova chuan mi suaksual zawng zawngte chu a rawn tiboral thuai ang.—2 Petera 2:5, 6.

Mi ṭhenkhat chu Nova ang an ni a. Pathian thu ngaithlain, a thupêkte an zâwm a; chûng mite chu Jehova Thuhretute an ni.