THU BELHNA
Thisen Them Te Tak Tê Tête leh Inzai Dân Phungte
Thisen them te tak tê tête. Thisen themte chu a pêng bulpui pali—thi mûr sen, thi mûr vâr, thi mûr ban, leh thisena tuihnâng aṭanga siam a ni. Entîr nân, thi mûr senahte chuan protein hemoglobin a awm a. Mihring emaw, ran emaw thisena hemoglobin aṭanga siam damdawi chu thi mûr sen tlachham thutte, a nih loh leh thisen tam tak hlohte enkawl nâna hman a ni ṭhîn.
Thisena tuihnâng zaa 90 chu tui a ni a, chu chuan hormone te, inorganic salts te, enzymes te, leh mineral leh sugar tam tak a pai a. Thisena tuihnâng chuan thisen tikhangtu te, natna hrik dotu antibodies te, leh albumin ang chi protein te a pai bawk. Miin natna engemaw a neih chuan doctor-te chuan chutiang natna do thei mite thisena tuihnâng aṭanga siam gamma globulin-a chiu chu an chawh mai thei a. Thi mûr vâr chu tlâng hrilêng leh cancer enkawl nâna hman interferon leh interleukin-te siam chhuahna a ni thei bawk.
Chutiang thisen them te tak tê tête hmanga inenkawl chu Kristiante’n an pawm tûr a ni em? Bible chuan a sawi fak lo va; chuvângin, Kristian chuan Pathian hmaa a chhia leh ṭha hriatna hmangin thu tlûkna a siam tûr a ni. Ṭhenkhat chuan Israelte hnêna Pathian Dân pêkah chuan thil nung aṭanga Deuteronomy 12:22-24) Mi dangte chuan thisen hlang leh a pêng bulpui palite chu hnâwl mah se, a them te tak tê tête hmanga inenkawlna chu an pawm duh mai thei bawk. Anni chuan thisen aṭanga lâk chhuah a them te tak tê tête chu a lâk chhuahna thil nung nunna thisen a ni tawh lo tiin an ngaihtuah pawh a ni thei.
thisen tih chhuah chu ‘leia leihbuak tûr a ni,’ tia chhûtin thisen telna tawh phawt chu a them te tak tê tête mah ni se, an hnâwl vek a ni. (Thisen them te tak tê tête chungchânga thu tlûkna i siam hunah, a hnuaia zawhnate hi ngaihtuah rawh: Thisen them te tak tê tête hnâwl vek chu natna dotu damdawia inenkawlna ṭhenkhat leh thisen chhuak titâwp tûra thisen tikhangtu damdawia inenkawlna ṭhenkhat hnâwlna a ni tel tih ka hria em? Thisen them te tak tê tête chi khat, a nih loh leh a aia tam hman ka remtih chhan emaw, remtih loh chhan emaw chu doctor hnênah ka hrilhfiah thei em? tihte hi.
Inzai dân phungte. Hetah hian hemodilution leh cell salvage a tel a. Hemodilution-ah chuan thisen chu taksa aṭanga la pêngin, a aiah thisen tipungtu thisen tel lo damdawi thun a ni a, a hnuah thisen chu damlo taksaah thun leh a ni. Cell salvage chu inzai laia thisen hloh lakhâwm a, pêk kîr leh a ni a. Zaina leh hliamna hnuhma aṭanga thisen chhuakte chu lâk khâwm a ni a, tihfai emaw, thlitfai emaw hnuah damlo taksaah chuan thun leh a ni. Doctor-te tih dân a inan loh theih avângin, Kristian chuan a doctor-in hman a tum tih dân chu a hre tûr a ni.
Deuteronomy 12:23, 24) Damdawia enkawl ka nih laiin, ka thisen ṭhenkhat chu lâk chhuah leh khawih danglam a nih hnuah, ka taksaa thun luh leh ni ta se, chu chuan Bible zirtîr ka chhia leh ṭha hriatna a tibuai ang em? Mahni thisen hmanga inenkawlna zawng zawng ka hnâwl chuan thisen test te, hemodialysis te, a nih loh leh khâwl hmanga lung leh chuap inenkawlna te ka hnâwl tihna a ni tih ka hria em?’ tiin.
Hetiang tih dânte chungchânga thu tlûkna i siam hunah, heti hian inzâwt rawh: ‘Ka thisen ṭhenkhat chu pâwn lama luan chhuahtîr a nih chuan, a luang lai chu hun engemawti chhûng a châwl pawh a ni thei a, chuti a nih chuan ka chhia leh ṭha hriatnain chu thisen chu ‘leia leihbuak’ ngai lo, ka taksa chhûnga mi angin a la thlîr thei ang em? (Kristian chuan inzai chhûnga ama thisen hman dân tûr chungchângah amahin thu tlûkna a siam tûr a ni a. Thisen test-naah leh mahni thisen tam tham vak lo lâk chhuah a, engtin emaw taka tihdanglam hnua taksaa thun leha inenkawlnaah pawh mahni ngeia thu tlûkna siam tûr a ni.