“Vân Pathianin ram a rawn din ang a, chu chu a chhe ngai tawh lo vang.”—Daniela 2:44, O.V. Reference.

“Fapa min pe ta a. Sawrkârna chu a kovah a innghat a.”—Isaia 9:6, C.L. Re-edited.

• Sawrkâr fel chu i hlâwkpui thei.—Isaia 48:17, 18, O.V. Reference.

• Lo thleng tûr khawvêl tharah hrisêlna ṭha famkim leh hlimna i nei thei.—Thu Puan 21:3, 4.

Thei e, a lo berah pawh chhan pahnih avângin:

• Isua’n Pathian Ramin a tihpuitlin tûrte chu a entîr. Isua chuan a hnungzuitute chu Pathian Ram lo thleng tûr leh Pathian duhzâwng leia tih ni tûra ṭawngṭai tûrin a zirtîr a. (Matthaia 6:9, 10) Chu ṭawngṭaina chhân a nih dân tûr pawh a lo entîr a ni.

  Isua chuan leia a awm lai khân rilṭamte a hrai a, dam lote a tidam a, mitthite hial pawh a kaitho va. (Matthaia 15:29-38; Johana 11:38-44) Pathian Rama Rorêltu tûr a nih angin, Isua chuan chu Ramin a khua leh tuite tâna a tihsak tûrte chu a lo entîr lâwk a ni.—Thu Puan 11:15.

• Khawvêl dinhmun chuan Pathian Ram a lo thleng thuai dâwn tih a nemnghet. Isua chuan Pathian Ramin he leia remna a rawn thlen hmain, khawvêl hi indona te, ṭâm te, leh lîrnghîngtein a khat ang tih a sawi lâwk a ni.—Matthaia 24:3, 7.

  Chutiang dinhmunte chu tûn laiah hian kan hmu ta. Chuvângin, Pathian Ramin chutiang buaina zawng zawngte chu a rawn tibo thuai ang tih kan ring tlat thei a ni.