Lei Paradis
Jehova chuan Setana thiltih chhiat zawng zawngte chu a sût let leh vek ang. Isua chu lei chung zawng zawnga Lalah a siam a. A rorêlna hnuaiah chuan lei chu paradis-ah a siam ang.—Daniela 7:13, 14; Luka 23:43.
Jehova chuan hêng thilte hi a tiam a ni:
-
EI TUR A HNIANGHNAR TAWH ANG: “Lei hian a thil ṭo chu a pe a: Pathian, keimahni Pathian ngei chuan, mal min sâwm ang.” “Leiah, tlâng chungahte hian buh tam tak a awm ang a; a vui chu Lebanon angin a nghîng suau suau ang.”—Sâm 67:6; 72:16.
-
IN DONA A AWM TAWH LO VANG: “Hawh u, LALPA thiltihte hi en rawh u, leilunga thil a tihchhiatziate hi. Ani chuan indonate chu kâwlkil thlengin a tireh ṭhîn a; tawlailîrte chu meiah a rawh ral ṭhîn.”—Sâm 46:8, 9.
-
MI SUAKSUALTE AN AWM TAWH LO VANG: “Thil ṭha lo titute chu tihboralin an awm dâwn si a . . . Rei lo tê achinah mi suaksual chu a awm tawh dâwn si lo: a ni, a awmna hmun chu en en mah la, a awm tawh lo vang.”—Sâm 37:9, 10.
-
NATNA TE, LUNGNGAIHNA TE, LEH THIHNATE A AWM TAWH LO VANG: “Chumi hnuah chuan mitdelte mit chu tihmenin a awm ang a, bengngawngte beng chu tihvârin a awm ang. Chumi hunah chuan ke baite chu sakhi angin an zuang ang a, ṭawngtheilote lei chu hlim takin a zai ang.”—Isaia 35:5, 6.
“Pathian ngei chu an hnênah a awm ang a, an Pathian a ni bawk ang; an mit ata mittui zawng zawng a hrufai ang a; thihna a awm leh thei tawh lo vang a, lungngaih te, ṭah te, nat te pawh a awm leh tawh hek lo vang; thil hmasate chu a ral ta.”—Thu Puan 21:3, 4.
Pathian Jehova chu Setana leh ramhuaite angin dawt a sawi ngai lo va. A thutiam zawng zawngte chu a thleng ngei ang. (Luka 1:36, 37) Ani chuan a hmangaih chein, a siam tûr Paradis-a awm tûrin a duh che a ni. Chuvângin, Pathian Thu-a kan hmuh thutak ropui takte chu tam lehzual hre tûrin Jehova Thuhretute chu be pawh ang che. Thutak i nunpui chuan, dâwt thu te, puithuna te, leh eng mah hriat lohna bawih aṭangin i zalen ngei ang. A hnuah, sual leh thihna bawih a ta pawh i zalên ang. Isua chuan: “Thutak in hria ang a, thutak chuan bâwih a bân ang che u,” tiin a sawi a ni.—Johana 8:32.
You May Also Like
ESSENTIAL BIBLE TEACHINGS
Pathian Ram Chu Eng Nge Ni?
Isua chuan rawng a bâwl chhûngin, thil dang zawng aiin Pathian Ram chanchin a zirtîr nasa ber a. Mite chuan kum zabi tam tak chhûng chu, chu Ram lo thleng tûrin an ṭawngṭai tawh a ni.