Jehova Châwmnate Chu Hlâwkpui Tak Zet Rawh
“Kei hi LALPA in Pathian, in ṭhatna tûra nangmahni zirtîrtu . . . ka ni.”—ISAIA 48:17.
HLA: 20, 37
1, 2. (a) Engtin nge Jehova Thuhretute chuan Bible chu an ngaih? (b) Bible-a eng bu hi nge i duh ber?
JEHOVA Thuhretute kan nih angin, Bible kan ngaina a. Chu chuan kan rinchhan theih thlamuanna te, beiseina te, leh zirtîrna te min pe a ni. (Rom 15:4) Bible chu mihring ngaih dân ziakna lehkhabu a ni lo va, “Pathian thu” a ni.—1 Thessalonika 2:13.
2 Kan vai hian, Bible-a bu ṭhenkhat duh bîk kan neih ngei a rinawm a. Ṭhenkhat chuan Chanchin Ṭha Ziakte hi Isua hmanga Pathian Jehova mize duhawm tak takte târ lanna a nih avângin an duh a. (Johana 14:9) Mi dangte chuan, “thil lo awm lâwk tûr thu” min hriattîrtu Thu Puan bu ang chi hrilh lâwkna lehkhabute chu an duh bawk. (Thu Puan 1:1) Mi ṭhenkhat chuan Sâm bute an chhiar hian thlamuanna an nei a, mi dangte erawh chuan Thufingte bua thurâwn ṭangkai tak takte chhiar chu nuam an ti bawk. Bible hi mi tinte tâna lehkhabu a ni tih a chiang hle.
3, 4. (a) Engtin nge kan thu leh hla chhuahte chu kan ngaih? (b) Mi tute emaw tân bîka siam eng thu leh hla chhuahte nge kan neih?
3 Bible kan ngainat avângin, Pathian Thu ṭanchhan kan thu leh hla chhuahte pawh kan ngaina bawk a. Lehkhabu te, brochure te, magazine te, leh thu leh hla chhuah dang zawng zawngte hi Pathian Jehova hnên aṭanga thlarau lama châwmna kan dawnte a ni a. Tita 2:2.
Chûng chuan amah hnaih tlat tûr leh kan rinna tinghet reng tûrin min ṭanpui a ni.—4 Kan thu leh hla chhuah tam tak chu Jehova Thuhretute tâna ziak a ni a. Mahse, thu leh hla chhuah ṭhenkhatte chu ṭha laite emaw, nu leh pate emaw tân bîka ziak a ni. Thuziak tam zâwk leh kan website-a video-te chu Jehova Thuhretu ni lote tân bîka buatsaih a ni a. Chutiang chi hrang hrang tihchhuahna chuan Jehova’n mi zawng zawng tâna zirtîrna tam tak pêk a tiam chu a hlen tih a târ lang a ni.—Isaia 25:6.
5. Kan hriat chian Jehova lâwm zâwng chu eng nge ni?
5 Kan zînga a tam zâwk chuan Bible leh kan thu leh hla chhuahte chhiar nân hun kan indaih loh avângin hun tam zâwk neih chu kan duh ngei ang. Chuvângin, kan thu leh hla chhuah dawnte zir nâna hun kan hman zâtte chu a inang ṭhîn lo. Bible leh kan thu leh hla chhuahte chhiar nân leh zir nâna hun kan hman hian kan chungah Jehova a lâwm tih kan hre chiang thei a ni. (Ephesi 5:15, 16) Mahse, kan pumpelh ngai thil hlauhawm a awm a. Chu chu eng nge ni?
6. Engin nge Jehova châwmnate hlâwkpui lova min awmtîr thei?
6 Kan fîmkhur loh chuan, Bible bu ṭhenkhat, a nih loh leh thu leh hla chhuah ṭhenkhat chu kan tâna ṭangkai lo tûrah kan ngai thei a. Entîr nân, Bible-a bu ṭhenkhat chu kan dinhmun atâna ṭangkai lo angin lang ta se, engtin nge ni ang? A nih loh leh, kan thu leh hla chhuahin a tum berte zînga mi ni lo ta ila, engtin nge ni ang? Chûng thute chu kan chhiar liam puat mai nge ni a, kan chhiar lo hulhual zâwk? Chutianga kan tih chuan, kan hlâwkpui tûr thu ṭangkaite chu kan hmaih thei a ni. Engtin nge chu thil hlauhawm chu kan pumpelh theih? Hêng zawng zawng min petu hi Jehova a ni tih kan hre reng tûr a ni a. Bible-ah chuan: “Kei hi LALPA in Pathian, in ṭhatna ṭûra nangmahni zirtîrtu . . . ka ni,” tiin kan chhiar a ni. (Isaia 48:17) He thuziakah hian, Jehova hnên aṭanga kan dawn thlarau lama châwmna zawng zawng hlâwkpui tûra min ṭanpui thei rawtna pathum kan sawiho vang.
BIBLE CHHIAR HLAWKPUI TURA RAWTNATE
7. Engvângin nge Bible chu rilru inhawng taka kan chhiar a ngaih?
7 Rilru inhawng takin chhiar rawh. Bible bu ṭhenkhat chu mi pakhat tân bîk emaw, ho khat tân bîk emawa ziak a ni tih chu a dik ngei mai. Mahse, Bible chuan, “Pathian Lehkha Thu zawng zawng hi Pathian thâwk khuma pêk a ni a, . . . a sâwt bawk a ni,” tiin chiang takin a sawi a ni. (2 Timothea 3:16) Chuvângin, rilru inhawng taka Bible kan chhiar a ngai a. Unaupa pakhat chuan thuziak pakhat aṭangin thil tam tak a zir thei tih hriat reng a tum a. Chu chuan zir tûr langsâr vak lote hmu tûrin a ṭanpui a ni. Chuvângin, Bible kan chhiar hmain, Jehova hnênah rilru inhawng tak leh hre tûra min duhte hre thiam tûra finna min pe tûrin kan dîl tûr a ni.—Ezra 7:10; Jakoba 1:5 chhiar rawh.
Bible chhiarna aṭanga neih theih hlâwkna zawng zawng chu i dawng kim em? (Paragraph 7-na en rawh)
8, 9. (a) Bible kan chhiar hian eng zawhnate nge kan inzawh theih? (b) Kristian upate tâna tlin ngai miziate chuan Jehova chungchâng eng nge min zirtîr?
8 Zawhna inzâwt rawh. Bible i chhiar hian, châwl la, a hnuaia zawhnate hi inzâwt ang che: ‘Hei hian Jehova chungchâng eng nge min zirtîr? Engtin nge he thu hi ka nunpui theih ang? Engtin nge mi dangte ṭanpui nân ka hman theih ang?’ tiin. Hêng zawhnate kan chhût ngun hian, kan Bible chhiar chu kan hlâwkpui lehzual ang. Entîrna pakhat hi i lo ngaihtuah ang u. Bible chuan Kristian upate tlin ngai mize ṭhenkhat a târ lang a. (1 Timothea 3:2-7 chhiar rawh.) Mahse, kan zînga a tam zâwk chu upa kan ni lo va, chuvângin chûng thute chuan engti kawng mahin min ṭanpui thei lo niin kan ngai mai thei a ni. Mahse, he tlin ngai miziate hian kan vaia min ṭanpui theih dân hre tûrin kan târ lan tâk zawhna pathumte chu i lo hmang ang u.
Tirhkohte 20:28) Chuvângin, Jehova chuan upate chu entawn tûr ṭha siam tûrin a beisei a, anni chuan kohhrana mite an cheibâwl dânah a chungah mawhphurhna an nei a ni. Jehova chuan an enkawlna hnuaia him nia inhre tûrin min duh a. (Isaia 32:1, 2) Hêng tlin ngai miziate kan chhiar hian Jehova’n min ngaihsak tak zet tih kan hria a ni.
9 “Hei hian Jehova chungchâng eng nge min zirtîr?” Jehova chuan upate tâna tlin ngai miziate min pe a. Kohhran enkawltute tân tehna sâng tak a nei a ni. Hei hian kohhran chu Jehova mithmuhah a hlu tih a târ lang a. Bible chuan, kohhran chu a Fapa ‘thisenin’ a lei tih a sawi a ni. (10, 11. (a) Upate tâna tlin ngai miziate kan chhiar hian, chûng miziate chu engtin nge kan nunpui theih? (b) Engtin nge he thu hi mi dangte ṭanpui nân kan hman theih?
10 “Engtin nge he thu hi ka nunpui theih ang?” Upa i nih chuan, tlin ngai miziate endikin, hmasâwn i tum tûr a ni a. “Kohhran hotua ṭan” i duh chuan, hêng tlin ngai miziate hi i theih ang tâwkin tlin i tum tûr a ni. (1 Timothea 3:1) Mahse, Kristian zawng zawngte chuan hêng tlin ngai miziate aṭangin kan inzir thei a. Entîr nân, Jehova chuan dawhtheihna nei tûr leh remhriatna hmang tûrin min beisei ṭheuh va. (Philippi 4:5; 1 Petera 4:7) Upate chu ‘pâwlho entawn’ tlâk an nih hian, an hnên aṭangin kan inzir theiin, “an rin dân” kan zir thei a ni.—1 Petera 5:3; Hebrai 13:7.
11 “Engtin nge he thu hi mi dangte ṭanpui nân ka hman theih ang?” Bible zirpuite leh ngaihventu dangte hnênah sakhaw hruaitute laka Kristian upate danglamna hre thiam tûra ṭanpui nân, hêng tlin ngai miziate hi kan hmang thei a ni. Hêng miziate hian kohhrana upate thawhrimzia hre reng tûrin min ṭanpui thei bawk. Chu chuan anni chu zah tûrin min ṭanpui ang. (1 Thessalonika 5:12) Anni chu kan zah poh leh, an chanvo dawnah hlimna an nei lehzual dâwn a ni.—Hebrai 13:17.
12, 13. (a) Hmanrua kan neihte chu hmangin, eng ang zir bingna nge kan neih theih? (b) Chanchin dangte hriat belhna chuan zir tûr langsâr vak lote a târ lan theih dân entîrna pakhat pe rawh.
12 Zir bingna nei rawh. Bible kan zir hunah, a hnuaia zawhnate chhânna kan zawng thei a ni:
-
He Bible châng hi tu ziak nge?
-
Khawi hmunah leh engtik huna ziak nge a nih?
-
He lehkhabu an ziah lai hian eng thil pawimawh takte nge thleng?
Hêng thute hian zir tûr langsâr vak lote hmu tûrin min ṭanpui thei a ni.
13 Entîr nân, Ezekiela 14:13, 14 chuan: “Ram miten bawhchhiatna thil tia, ka chunga thil tisuala, keiin ka kut ka leka, an chaw, nunna bul chu ka tihchhiata, an chunga ṭâm ka thlentîra, mi leh sa te ka rawn tihbo chuan, hêng mi pathum, Nova, Daniela leh Joba te meuh pawh hi lo awm ta ang sela, an felnain anmahni nunna chauh an chhanhim tûr a ni, tih hi LALPA Pathian thu chhuak a ni,” tiin a sawi a. Zir bingna kan neih chuan, hêng thute hi Krista lo kal hma kum 612 vêla Ezekiela ziak a ni tih kan hria ang a. Chutih hun lai chuan Nova leh Joba boralna chu kum za tam tak a liam tawh a; mahse, Jehova chuan a mi rinawmte chu a la hre reng a ni. Daniela erawh chu a la dam a. Jehova’n ani chu Nova leh Joba anga mi fel a ni tia a sawi khân kum 20 mi vêl a nih a rinawm. Eng nge kan zir theih? Jehova chuan ṭhalaite pawh tiamin, a chhiahhlawh rinawm zawng zawngte chu a hmuin, a ngaihlu a ni, tih hi.—Sâm 148:12-14.
THU LEH HLA CHHUAH CHI HRANG HRANGTE CHU HLAWKPUI RAWH
14. Ṭhalaite tâna thu leh hla chhuahte chu engtin nge an hlâwkpui a, chu chu engtin nge mi dangte pawhin an hlâwkpui theih? (A thupui chunga milem en rawh.)
14 Ṭhalaite tâna thu leh hla chhuah. Bible-a bu hrang hrangte chu kan hlâwkpui thei [1] (Endnote en rawh.) Chûng chuan school-a nêksâwrna leh an seilen ruala harsatna an tawhte hmachhawn thei tûrin a ṭanpui a ni. Mahse, engtin nge kan vai hian hêng thuziakte leh lehkhabute hi kan hlâwkpui ṭheuh theih? Hêng thute kan chhiar hian, ṭhalaite buaina neih kan hria a, anmahni kan ṭanpuiin kan fuih ṭha thei zâwk a ni.
tih kan hre tawh a. Chutiang bawkin, kan thu leh hla chhuah zawng zawngte chu kan hlâwkpui thei a ni. Entîrna ṭhenkhat i lo ngaihtuah ang u. Tûn hnai kumahte khân, Jehova chuan ṭhalaite tân thu leh hla tam tak a buatsaih a.15. Puitlingte chuan ṭhalaite tâna thu leh hla chhuahte chu engvângin nge an ngaihven ang?
15 Puitlingte chuan ṭhalaite tâna buatsaih thu leh hla chhuahte chu chhiar ngai lo angah an ruat tûr a ni lo. Thuziaka târ lan buainate hian Kristian zawng zawng chungah nghawng a nei si a. Entîr nân, rinna humhim te, ngaihtuahna thunun te, ṭhiante nêksâwrna dote, leh ṭhian sualte leh intihhlimna ṭha lo pumpelhte chu kan tih vek ngai thilte a ni. Chuvângin, hêng thu leh hla chhuahte hi ṭhalaite tâna ziak mah ni se, Bible thu vek a ni a, Kristian zawng zawngin an hlâwkpui vek thei a ni.
16. Kan thu leh hla chhuahte chuan ṭhalaite chu eng thil dang nge ti tûra a ṭanpui?
16 Ṭhalaite tâna ziak thu leh hla chhuahte chuan anni chu Jehova nêna an inṭhianna tinghet tûrin a ṭanpui thei bawk a. (Thuhriltu 12:1, 13 chhiar rawh.) Chu chu puitlingte pawhin an hlâwkpui thei a ni. Entîr nân, April 2009 Awake! magazine-ah chuan, “Ṭhalaite Zawhna . . . Engtin Nge Bible Chhiar Chu Hlimawm Tak Ka Nihtîr Theih?” tih thuziak a tel a. Chu thuziakah chuan rawtna ṭangkai tak takte a chuang a; chu bâkah, chehthlâk a, dah ṭhat a, Bible zir nâna hman theih tûr bâwm a awm bawk a ni. Puitlingte chuan thuziak chu an hlâwkpui em? Fanau nei nu pakhat chuan Bible chhiar a harsat ṭhîn hle tih a sawi a. Mahse, thuziaka rawtnate chu a hmang a, tûnah chuan Bible chhiar chu nuam a ti tawh a. Bible-a bu hrang hrangte inkûngkaih dân leh Bible-in lem mawi tak pakhat a siam dânte a hre thiam tawh tih a sawi hnuah, “Heti khawp hian Bible chhiar nuam ka la ti ngai lo rêng rêng,” tiin a sawi belh a ni.
17, 18. Vântlâng tâna chhuah thu leh hlate chhiarna chu engtin nge kan hlâwkpui theih? Entîrna pe rawh.
17 Vântlâng tâna thu leh hla chhuah. Kum 2008 aṭang khân, Vênnainsâng zir tûr edition a hranin kan nei a. Hei hi Jehova Thuhretute tân bîka ziak a ni a; tichuan, vântlâng tân bîka tihchhuah magazine pawh kan nei a ni. Engtin nge chûng chu kan hlâwkpui theih? Entîrna pakhat lo hmang ta ila. Kingdom Hall-a inkhâwm tûra i mi sâwm a lo kal chuan, i phûr hle a. Thusawituin thu a sawi lai chuan i mi sâwm chu i ngaihtuah a. A thu ngaihthlâkte a ngaih dân tûr leh a thu hriatte’n a nun a thlâk theih dân chu i ngaihtuah a. Chu chuan i thinlung a khawihin, chu a thusawi avâng chuan i lâwm lehzual a ni.
18 Vântlâng tâna thu leh hla tihchhuahte kan chhiar hian chutiang chu kan chungah a thleng thei a ni. Entîr nân, vântlâng tâna chhuah Vênnainsâng leh jw.org-a thuziakte chuan ṭawngkam hriatthiam awlsam tak hmangin Bible thute a hrilhfiah a. He thute kan han chhiar hian, kan hriat tawhsa thute kan hre thiam lehzualin, Bible thutak kan ngaina lehzual a ni. Chu bâkah, rawngbâwlnaa kan rinna hrilhfiah dân thar kan zir thei bawk. Chutiang bawkin, Awake! magazine chuan Siamtu a awm tih kan rinna a tinghet a. Chu chuan kan rinna vênhim dân hre tûrin min ṭanpui bawk a ni.—1 Petera 3:15 chhiar rawh.
19. Engtin nge Jehova min châwmnate avânga kan lâwmzia kan lantîr theih?
19 Jehova chuan kan hlâwkpui tûr thurâwn leh kaihhruaina tam tak min pe tih a chiang hle. (Matthaia 5:3) A thil min pêk zawng zawngte chu chhiarin, i nunpui zêl ang u. Chutianga kan tih chuan, Jehova min châwmna zawng zawng chu kan hlâwkpui ang a, chûng avânga kan lâwmzia kan lantîr a ni bawk ang.—Isaia 48:17. (ws16.05-E)
^ [1] (paragraph 14-na) Chûng zîngah chuan, Questions Young People Ask—Answers That Work, Volume 1 leh 2 bâkah, tûna online-ah chauhva hmuh theih “Young People Ask” tih thuziak inzawmte a tel a ni.