“Thuhnuairawlhte Erawh Chuan Ram Hi An Luah Ang”
Kan zînga a tam zâwk chuan dik lo taka rorêlnate leh misualte’n mi ṭhate an hnehchhiah chu kan hmu fo va. Dik lo taka rorêlna leh suahsualna awm tawh loh hun a awm ngai ang em?
Sâm 37 Bible chuan chhânna a pêk rualin kaihhruaina pawh min pe a ni. A hnuaia zawhna pawimawhte Bible-in a chhân dân hi chhinchhiah ang che.
Engtin nge min hnehchhiahtute chu kan chhân lêt ang?—Châng 1, 2.
Mi suaksualte chu engtin nge an awm ang?—Châng 10.
Thil dik titute hma lam hun tûr chu eng nge ni?—Châng 11, 29.
Tûnah eng nge kan tih ang?—Châng 34.
Sâm 37-a thlarauva thâwk khum thute chuan ‘LALPA nghâk a, a kawng zawhtute tân hma lam hun hlim awm tak a awm tih chiang takin a târ lang a. Jehova Thuhretute chuan Bible zirpui tûr chein leh nang leh i hmangaih takte tâna hma lam hun ṭha tak nei thei tûra ṭanpui che chu an châk hle a ni.