Pathian Ram chu eng nge ni?
Pathian Ram chu eng nge ni?
ṬHENKHAT CHUAN Pathian Ram chu kan thinlung chhûnga awm niin an ngai a; mi dangte erawh chuan khawvêl remna leh inunauna chu mihringte ṭan lâkna vânga lo thleng tûr niin an ngai bawk. Nang, eng nge i ngaih ve dân?
BIBLE SAWI DAN CHUAN
“Vân Pathianin ram a rawn din ang a, chu chu a chhe ngai tawh lo vang a. . . . hêng [mihring] ram zawng zawngte hi a tikeh sawmin a tiral zâwk ang.” (Daniela 2:44) Pathian Ram chu sawrkârna tak tak a ni.
BIBLE AṬANGA KAN ZIR BELH THEIHTE
Pathian Ram chuan vân aṭangin ro a rêl. —Matthaia 10:7; Luka 10:9.
Pathian chuan lei leh vânah a duhzâwng tifamkim tûrin Lalram a hmang.—Matthaia 6:10.
Pathian Ram chu eng hunah nge a lo thlen ang?
ENGTIN NGE I CHHAN ANG?
Tuman an hre lo
Nakin lawkah
Engtikah mah
BIBLE SAWI DAN CHUAN
“He ram Chanchin Ṭha hi hnam zawng zawng hriattîrna tûrin khawvêl zawng zawngah hrilhin a awm ang; chu mi zawhah chuan tâwpna chu a lo thleng ang.” (Matthaia 24:14) Chanchin ṭha chu kim chang taka puan a nih tawh chuan, he khawvêl suaksual titâwp tûrin Lalram chu a lo thleng ang.
BIBLE AṬANGA KAN ZIR BELH THEIHTE
Pathian Ram lo thlen hun tûr chiah chu tuman an hre lo.—Matthaia 24:36.
Bible hrilh lâwkna chuan Lalram chu a lo thleng thuai ang tih a târ lang.—Matthaia 24:3, 7, 12. (wp16.05-E)