1. Engvângin nge baptisma chan chu thil pawimawh tak a nih? (A thupui chunga milem en rawh.)

KUM tin hian Bible zirlai sang tam tak chuan baptisma an chang a. Chûng zînga tam tak chu ṭhalai te, tleirâwl te, leh naupangte an ni. Anni chu thutaka seilian an ni thei a. Chûng zînga mi i ni ve em? I nih chuan, thil ṭha tak i ti a ni. Kristian tinte chu baptisma an chan tûr a ni a. Chhandam ni tûr leh chatuana nung tûr chuan baptisma an chan a ngai a ni.—Matthaia 28:19, 20; 1 Petera 3:21.

2. Jehova hnêna impumpêk chu engvângin nge i hlauh a ngaih loh?

² Baptisma i chan hian Jehova’n kawng tam takin mal a sâwm ṭan che a. Mahse, mawhphûrhna thar pawh i nei bawk. Eng kawngtein nge? Baptisma i chan nî khân baptisma channa thusawi sawitu chuan: “Isua Krista tlanna inthawina zârah i sualte chu simin, Jehova duhzâwng ti tûrin a hnênah  i inpumpêk tawh em?” tiin a zâwt che a. Pumpêk tawh tiin i chhang a. Tichuan, Jehova hmangaih tûr leh a rawngbâwl chu i nuna thil pawimawh ber nihtîr tûrin thu i tiam a ni. Chu thutiam pawimawh tak i siam avângin i inchhîr ang em? Inchhîr lo vang! I nuna Jehova inkaihhruaitîr chu i inchhîr ngai lo vang. Jehova hre lotute chu Setana khawvêla mite an ni a. Diabola chuan anni leh nang pawh tiamin, tumah a ngaihsak lo reng reng a ni. Dik tak chuan, a lama i ṭan a, Jehova i hnâwl avânga chatuan nun beiseina i hloh chuan a hlim dâwn a ni.

3. Jehova hnêna i inpumpêk avângin eng malsâwmnate nge i dawn?

³ Jehova hnêna inpumpêka baptisma i chan avânga malsâwmna i dawnte chu han ngaihtuah teh. I nun chu Jehova hnêna i pêk avângin: “LALPA chu ka lama ṭang a ni; ka hlau lo vang. Mihringin eng nge mi tih theih ang?” tiin inrintâwkna nên i sawi thei a ni. (Sâm 118:6) Pathian lamah kan ṭang tih leh min chhuang a ni tih hriatna aia chawimawina ropui zâwk a awm lo.

4, 5. (a) Inpumpêkna chu mi mal mawhphurhna a ni tih engvângin nge kan sawi theih? (b) Kristian zawng zawngte hian eng chonate nge kan hmachhawn?

⁴ Jehova nêna in inlaichînna chu i nu leh pate’n a bill an pêksak cell phone ang a ni lo. I nu leh pate hnêna la khawsa reng pawh ni la, Jehova nêna inlaichînna neih chu i mi mal mawhphurhna a ni. Chu mi hriat reng chu engvângin nge a pawimawh? Tuman nakina kan rinna fiah a nih dân tûr chiah chu kan hre lo va. Entîr nân, tleirâwl i nih hma aṭangin baptisma i chang tawh pawh a ni thei a. Mahse, tûnah chuan tleirâwl i ni tawh a, ngaih dân thar leh buaina dangte i nei ṭan ta a ni. Hmeichhei tleirâwl pakhatin: “Naupang pakhat chuan school-ah birthday cake a ei loh vâng maiin Jehova Thuhretu pakhat a nih chu a inchhîr hran lo vang. Mahse, a hnu kum rei vak lovah mipat hmeichhiatna lama châkna a rawn neih chhoh chuan, Jehova dân zawm chu duh thlanna ṭha ber a ni reng ṭhîn tih a rin tlat a ngai,” tiin a sawi a ni.

⁵ Ṭhalaite chauhvin chona thar an nei lo va. Puitling hnua baptisma changte pawhin an beisei loh zâwngin rinnaah fiahna an tâwk ṭhîn a. Chûng fiahnate chu an kawppui te, an hrisêlna te, a nih loh leh an hnate avângin a ni thei a. Kan kum chu eng zât pawh ni se, kan vaiin dinhmun hrang hrang hnuaiah Jehova chunga kan rinawm tlat a ngai a ni.—Jakoba 1:12-14.

6. (a) Jehova hnêna i inpumpêknain tiam chin a nei lo tih chu eng tihna nge ni? (b) Philippi 4:11-13 aṭangin eng nge i zir theih?

⁶ Rinawm reng tûr chuan Jehova hnêna i thutiamin tiam chin a nei lo tih i hriat reng a ngai a. Chu chu eng thil pawh thleng se, i ṭhiante emaw, i nu leh pate emaw pawhin khap che mah se, Engkimtitheia hnênah a rawngbâwl tûrin thu i tiam tihna a ni. (Sâm 27:10) Eng dinhmun hnuaiah pawh i thutiam vawng reng tûrin Jehova hnênah ṭanpuina dîl ngei ngei ang che.—Philippi 4:11-13 chhiar rawh.

7. “Hlau leh khûr chungin” mahni chhandamna thawk chhuak tih chu eng tihna nge?

⁷ Jehova chuan a ṭhian atân a duh che a. Mahse, chu inṭhianna nghet reng tûr leh mahni chhandamna thawk chhuak tûr  chuan theih tâwp i chhuah a ngai a ni. Philippi 2:12-na chuan: “Hlau leh khûr chungin nangmahni chhandamna thawk chhuak rawh u,” tiin a sawi a. Chu chu Jehova kan hnaih reng theih dân leh eng dihhmun hnuaiah pawh kan rinawm reng theih dânte ngun taka kan ngaihtuah a ngai tihna a ni. Chutiang chuan kan ni ang tiin kan inngai mai tûr a ni lo. Kum tam tak Pathian rawng lo bâwl tawhte pawh an rinawm reng thei lo tih hre reng ang che. Mahni chhandamna thawk chhuak tûra ṭanpui theitu thilte chu engte nge ni?

8. Mi mal inzirnaah eng nge tel? Chu chu engvângin nge a pawimawh?

⁸ Jehova ṭhian ni tûr chuan a thu ngaihthlâk a, a hnêna thu kan sawi a ngai a. Jehova thu kan ngaihthlâk dân ber chu Bible zirna hmangin a ni. Chutah chuan Pathian Thu leh Bible ṭanchhan thu leh hlate chhiarna leh chhût ngunna a tel a. Mahse, Bible zirna chu school exam atâna thil kan by-heart ang a ni lo. Chu chu Jehova chungchânga thil tharte zawn chhuah leh hriat chhuahtîrtu zin kawng phûrawm tak ang a ni zâwk. Pathian i hnaih ang a, ani pawhin a hnaih ang che.—Jakoba 4:8.

9. Eng hmanruate’n nge mi mal inzirnaah ṭanpui che?

⁹ Jehova inawpna pâwl chuan i inzirna atâna ṭanpuitu tûr hmanraw tam tak a tichhuak a. Entîr nân, Bible aṭanga i thil zirte i nunpui theih nâna ṭanpui tûrin jw.org-ah “Teenagers” tih section-ah “Bible Study  Activities” tih thuziak inzawmte a awm a. Chu bâkah, jw.org-ah chuan, “Bible Zirtîrna Dik Tak Chu Eng Nge Ni?” tih zirna chungchânga kaihhruaina i hmu thei ang. Chûngte chuan i rinna tinghet tûr leh mite hnêna i rinna hrilh tûrin an ṭanpui thei che a ni. Inzirna atâna rawtna dangte chu  ” tih zirna chungchânga kaihhruaina i hmu thei ang. Chûngte chuan i rinna tinghet tûr leh mite hnêna i rinna hrilh tûrin an ṭanpui thei che a ni. Inzirna atâna rawtna dangte chu  ” tih zirna chungchânga kaihhruaina i hmu thei ang. Chûngte chuan i rinna tinghet tûr leh mite hnêna i rinna hrilh tûrin an ṭanpui thei che a ni. Inzirna atâna rawtna dangte chu  ” tih zirna chungchânga kaihhruaina i hmu thei ang. Chûngte chuan i rinna tinghet tûr leh mite hnêna i rinna hrilh tûrin an ṭanpui thei che a ni. Inzirna atâna rawtna dangte chu January, 2017, Vênnainsâng No. 1 phêk 3-7-ah pawh hmuh theih a ni bawk. Zirna leh chhût ngunna chu mahni chhandamna thawh chhuah nâna thil pawimawh tak a ni.—Sâm 119:105 chhiar rawh.

10. Baptisma chang tawh Kristian chu engvângin nge a ṭawngṭai a ngaih?

¹⁰ Bible kan zir hian, Jehova thu kan ngaithla a, kan ṭawngṭai hian a hnênah thu kan sawi a ni. Ṭawngṭaina chu thil chîn dân pângngai ang lekin emaw, hlawhtlinna min thlentu ‘vânneihna thil’ emaw angin kan ngai tûr a ni lo. Ṭawngṭaina chu min Siamtu nêna kan inbiak pawhna tak tak a ni a. Han ngaihtuah teh: Jehova chuan i sawi tûrte chu hriat a duh a ni! (Philippi 4:6 chhiar rawh.) Chuvângin, thil engemaw avânga lungkhamna i neih chuan, Bible-in: “I rit phurh chu LALPA chungah nghat la,” tiin a sawi a ni. (Sâm 55:22) Unau maktaduai tam takte chuan he fuihna ṭhatzia hi an hrilh thei che a. Hei hian nang pawh a ṭanpui thei che a ni!

11. Engvângin nge Jehova hnêna lâwm thu i sawi reng ang?

¹¹ Mahse, ṭanpuina kan mamawh hunah chuah Jehova hnênah kan ṭawngṭai tûr a ni lo. Bible chuan: “Lâwm nachâng hre bawk rawh u,” tiin min hrilh a. (Kolossa 3:15) A châng chuan, kan thil ṭha neihte hre chang lo khawpin kan buainate chauh kan ngaihtuah lutuk ṭhîn a ni. Chuvângin, hei hi tih han tum chhin teh: Nî tin, i lâwmna tûr chhan pathum tal ngaihtuah chhuak la, chûngte avâng chuan Jehova hnênah lâwmthu sawi rawh. Kum 12 mi a nih laia baptisma chang tleirâwl Abigail-i chuan: “Universe-ah hian Jehova aia mi dang tu chungah mah lâwmna tûr chhan kan nei lo niin ka hria. A thil min pêkte avângin englai pawhin a chungah kan lâwm reng tûr a ni,” tiin a sawi. Ani chuan a lo hriat ngai tawh he zawhna hi inzawh châng a nei ṭhîn: “Jehova hnêna vawiina ka lâwmthu sawi thilte chauh neiin a tûk zîng tho ta ila, thil eng zât tak nei ang i maw?” tih hi. * (Footnote en rawh.)

12, 13. Jehova ṭhatzia chu mi mal takin engtin nge i tawn tawh a, Jehova ṭanpui dân che ngaihtuah chu engvângin nge a pawimawh?

¹² Jehova chuan Lal Davida chu dinhmun harsa tak takte tuar chhuak tûrin a ṭanpui a. Chuvângin, Davida chuan ama thiltawn aṭangin: “LALPA ṭhatzia chu tem chhin teh rêng u: Amaha rinna nghat mi chu a eng a thâwl e,” tiin a sawi a ni. (Sâm 34:8) He Bible  châng hian Jehova ṭhatna chu mahni ngeia kan tawn a ngai tih a târ lang a. Bible, kan thu leh hla chhuahte i chhiarnaah leh inkhâwmnaah Pathianin rinawm tlat tûra mi dangte a ṭanpui dân i hria a. Mahse, Jehova nêna in inlaichînna a ngheh chhoh rualin, Jehova ṭanpui dân che i hmuh a ngai a ni. Jehova ṭhatzia chu mi mal takin engtin nge i tawn?

¹³ Kristian tinte hian Jehova ṭhatna chu kawng danglam bîk takin an tawng a. Jehova’n amah leh a fapa hnaih tûrin min sâwm ṭheuh a ni. Isua chuan: “Pa mi tîrtuin a hîp loh chuan tumah ka hnênah an lo kal thei lo vang,” tiin a sawi a. (Johana 6:44) Jehova’n a lamah a hîp che niin i ngai em? Nge ni a, ‘Jehova’n ka nu leh pate a hîp avângin ka zui ve mai,’ tiin i ngai zâwk? Jehova hnêna i inpumpêka baptisma i chan hian mi mal takin amah nên inlaichînna i nei tih hre reng ang che. Bible chuan: “Tupawhin Pathian a hmangaih chuan chu mi ngei chu ama hriat a ni,” tiin min hrilh a. (1 Korinth 8:3) Jehova’n a inawpna pâwla a awmtîr che chu ngai hlu reng ang che.

14, 15. Rawngbâwlna chuan rinna nghet tak nei tûrin engtin nge a ṭanpui theih che?

¹⁴ Jehova’n thlawhhma rawngbâwlnaah emaw, school-ah emaw mi dangte hnêna i rinna sawi ngam tûra huaisenna a pêk che hian a ṭhatna i tawng bawk a ni. I school kalpuite hnêna thu hrilh chu a harsa mai thei a. An chhân lêt dân tûr chu i hlauthâwng pawh a ni mai thei. A bîk takin, mi tam tak hmaa i rinna sawi chhuah chu i hlau mai thei a ni. Engin nge ṭanpui thei che?

¹⁵ I thurin chu engvânga ring nge i nih tih ngaihtuah rawh. jw.org-a inzirna chungchânga kaihhruainate chu in ṭawnga a awm a nih chuan hmang ṭangkai ang che. Chûngte chuan i thurin te, i rinna chhan te, leh mite hnêna i rinna i sawi fiah theih dânte chu ngaihtuah tûrin a ṭanpui ang che. I thurinte chu i ring tak zet a, ṭha taka i inbuatsaih chuan Jehova chanchin hriattîr i duh ngei ang.—Jeremia 20:8, 9.

16. I rinna chungchâng sawi tûrin engin nge huaisenna pe thei che?

¹⁶ Ṭha taka i inbuatsaih chung pawhin, i rinna chu i la sawi chhuak ngam lo pawh a ni mai thei. Kum 13 mi a nih laia baptisma chang, tûnna kum 18 mi unaunu chuan: “Ka thurin chu ka hre chiang a; mahse, ka rilrua awmte ka sawi chhuak thiam lo,” tiin a sawi a. Chuvângin, thutak chu rilru hahdam tak leh pângngai taka sawi a tum ta a. Ani chuan: “Ka school kal puite chuan an thiltihte chu tîmna nei lovin an sawi ṭhîn a. Chutiang chuan ka ti ve tûr a ni. Chuvângin, thu dang ka sawi laiin, ‘Hmân nî khân Bible ka zirtîr a, chuan . . . ’ tih ang chi thu tawi tê hi ka’n sawi lang zauh va. A hnuah, ka sawi tum tak chu ka sawi zawm a. Bible chungchâng sawina ni nghâl lo mah se, Bible ka zirtîr huna ka thusawite chu hriat an châk ṭhîn a. A châng phei chuan ka thu zirtîrte min zâwt hial hlawm a ni. He tih dân hi ka  hman ngun poh leh a awlsam ka ti a. A hnuah lungawina nasa tak ka nei ṭhîn!” tiin a sawi.

17. Mi dangte hnêna thu hrilh tûrin eng dangin nge ṭanpui thei che?

¹⁷ Mite’n i ngaihsak tak zet tih leh i zah a ni tih an hriat chuan, nangmah leh i rinna chu an zah ve ngei ang. A naupang laia baptisma chang tawh, tûna kum 17 mi Olivia-i chuan: “Titinaah Bible chungchâng ka sawi lan chuan, mite’n Bible âtchîlh bur anga min ngaih ka hlau ṭhîn,” tiin a sawi a. A hnuah, a thlîr dân a danglam ṭan ta a. A hlauhna ngaihtuah lutuk ai chuan: “Ṭhalai tam takte chuan Jehova Thuhretute chungchâng engmah an hre lo va. Kei mahni chauh hi Thuhretu awm chhunah min ngai a. Chuvângin, kan chêt dânte chuan an chhân lêt dân tûrah nghawng a nei thei a ni. Kan rinna chungchâng sawi chhuah chu kan zak emaw, kan tîm emaw a nih chuan engtin nge ni ang? Chutiang a nih chuan, inchhuang ngam tâwk lo angin min ngai thei a. Inrintâwkna kan neih loh avângin zah lo takin min chhâng lêt pawh a ni mai thei bawk. Mahse, kan thurin chu titinaah dam tak leh huai taka kan sawi lang chuan, min zah lehzual ngei ang,” tiin a ngaihtuah ta a ni.

18. I chhandamna thawk chhuak tûra i tih ngai chu eng nge?

¹⁸ Mahni chhandamna thawh chhuah chu mawmphûrhna lian tak a ni tih kan hmu tawh a. Chumi ti tûr chuan, Pathian Thu chhiar leh chhût ngun a ngaih bâkah, Jehova hnêna ṭawngṭai leh mi mal taka min ṭanpui dân zawng zawngte ngaihtuah chian a ngai a ni. Chutianga tihna chuan Jehova chu i ṭhian a ni tih ring nghet lehzual tûrin a ṭanpui ang che. Chu chuan mi dangte hnêna i rinna sawi duhna nei tûrin a chêttîr bawk ang che.—Sâm 73:28 chhiar rawh.

19. I chhandamna thawk chhuak tûra thawhrimna eng pawh chu engvângin nge manhla tak a nih?

¹⁹ Isua chuan: “Tupawhin mi zui a duh chuan mahni hrehawm pawisa lovin, . . . mi zui rawh se,” tiin a sawi a. (Matthaia 16:24) Isua hnung zui tûr chuan, Kristian tinte chu Jehova hnêna inpumpêkin baptisma an chang tûr a ni. Mahse, hei hi nun kawng ṭha tak inṭanna mai a ni a, chu chuan Pathian khawvêl thara chatuana nun tûrin min hruai ang. Chuvângin, i chhandamna thawk chhuak tûrin i tih theih apiang chu ti rawh!