Kan za hian mi mal inzirna atân hun kan nei tam lo ṭheuh va. Engtin nge kan hunte chu a ṭha thei ang bera kan hman theih ang? A hmasain, lehkha chhiar nân hun insiam ang che. Thuziakte chhiar liam zung zung aiin tlêm tê têa thuziakte ngun taka zir chianna chu i hlâwkpui hle zâwk ang.

A nih chuan, ngaih pawimawh hmasak tûr thil ṭhenkhat insiam rawh. (Eph. 5:15, 16) Hêng a hnuaia rawtnate hi han ngaihtuah teh:

• Nî tin Bible chhiar rawh. (Sâm 1:2) Chawlhkâr chhûng inkhâwm atâna duan Bible chhiar tûrte aṭanga chhiar ṭan chu thil ṭha tak a ni.

• Vênnainsâng Zir tûr leh chawlhkâr chhûng inkhâwm atân inbuaitsaih la. Chhânna pe tûrin inbuatsaih bawk rawh.—Sâm 22:22.

• Hun i neih dân azirin, vântlâng tâna tihchhuah magazine te, video te leh, jw.org-a pho chhuahte chu hmaih loh tum ang che.

• Inzirna nei rawh. Harsatna i hmachhawn mêk te, zawhna i neih te, a nih loh leh Bible thu hriatthiam lehzual i duhte chu zir bingna i nei thei a ni. A tih dân hriat nân, jw.org-a “Bible Study Activities” tih section chu en rawh.