Zalên Taka Duh Thlan Theihna Chu Ngaihlu Rawh
“Lalpa thlarau awmna apiangah chuan zalênna a awm ṭhîn.”—2 KORINTH 3:17.
HLA: 40, 54
1, 2. (a) Zalên taka duh thlan theihna chungchângah mite chuan eng ngaih dân hrang hrangte nge an neih? (b) Zalên taka duh thlan theihna chungchângah Bible-in eng nge min zirtîr, eng zawhnate nge kan ngaihtuah ang?
MI MAL thu tlûkna siam chungchângah, nu pakhatin a ṭhiannu hnênah: “Min ngaihtuahtîr suh; tih tûr chu min hrilh mai rawh. Chu chu a awlsam zâwk,” tiin a hrilh a. Chu nu chuan Siamtu hnên aṭanga a dawn zalên taka duh thlan theihna thilpêk hlu tak hman aiin a tih tûr hrilh chu a duh zâwk a ni. Eng nge i ngaih dân? Mahnia thu tlûkna siam nge i duh a, mi dangte’n an siamsak che? Engtin nge zalên taka duh thlan theihna chu i ngaih?
2 Zalên taka duh thlan theihna chungchângah mite’n ngaih dân chi hrang hrang an nei a. Mi ṭhenkhat chuan Pathianin kan thiltih zawng zawngte hi a ruat lâwk vek avângin zalên taka duh thlan theihna kan nei tak tak lo niin an sawi. Mi dangte erawh chuan zalênna pumhlûm kan neih chauhvin zalên taka duh thlan theihna chu neih theih a ni an ti a. Mahse, Bible chuan mi mal duh thlanna ṭha tak siam tûrin zalênna kan neih bâkah Josua 24:15 chhiar rawh.) Bible-ah a hnuaia zawhnate chhânna hi kan hmu a ni: Zalên taka kan duh thlan theihna chu chin tâwk nei a ni em? Thu tlûkna siam tûrin kan zalênna chu engtin nge kan hman ang? Kan thu tlûkna siam chuan Jehova kan hmangaihzia engtin nge a târ lan? Mi dangte thu tlûkna siam chu kan zah tih engtin nge kan lantîr theih?
chutianga tih theihna neia siam kan ni tih min zirtîr a ni. (JEHOVA LEH ISUA HNEN AṬANGIN ENG NGE KAN ZIR THEIH?
3. Engtin nge Jehova’n zalênna pumhlûm chu a hman?
3 Jehova chuan zalênna pumhlûm a nei a, zalênna a hman dân aṭangin zir theih kan nei a ni. Entîr nân, Jehova’n Israel hnam chu a mite, “a pual bîk” ni tûrin a thlang a. (Deuteronomy 7:6-8) Chutianga a thlan nachhan a awm a ni. Jehova chuan a ṭhian Abrahama hnêna a thutiam chu vawn a duh a. (Genesis 22:15-18) Chu bâkah, hmangaihna nei tak leh dik takin zalênna a hmang ṭhîn a ni. Israel mite’n a thu an âwih loh huna a thunun dân aṭangin chu chu kan hre thei a. An thiltih avânga an inchhîr tak zet chuan, Jehova’n an chungah hmangaihna leh zahngaihna a lantîr a. Ani chuan: “An hnungtawlhna hi ka tidam ang a, . . . anni chu ka hmangaih hrim hrim dâwn a ni,” tiin a sawi. (Hosea 14:4) Jehova’n mite ṭanpui nân a duh thlanna a hman dânah entawn tûr ṭha min hnutchhiah a ni!
Leia a lo kal hmain, Isua’n Pathian chunga rinawm reng a thlang a, Setana thlâwp loh leh a helnaa tel loh a thlang
4, 5. (a) Pathian pêk zalên taka duh thlan theihna chu tu nge dawng hmasa ber? (b) Eng zawhnate nge kan inzawh ṭheuh vang?
4 Jehova’n vântirhkohte leh mihringte chu zalên taka duh thlan theihna neiin a siam a. A thil siam hmasa ber chu Isua a ni. Pathian anpuia siam niin, zalên taka duh thlan theihna a nei a. (Kolossa 1:15) Isua’n zalên taka duh thlan theihna chu engtin nge a hman? Leia a lo kal hmain, Pathian chunga rinawm reng a thlang a, Setana thlâwp loh leh a helnaa tel loh a thlang a ni. Leia a lo kal khân, Setana thlêmnate hnâwl chu a thlang a. (Matthaia 4:10) Tichuan, a thih hma zân khân, Isua’n a Pa hnênah A duhzâwng tih a duh thu a hrilh a. “Ka Pa, rem i tih chuan he no hi ka hnên ata la sawn rawh; nimahse keia thu ni lovin, nangma thu thu ni zâwk rawh se,” tiin a sawi a ni. (Luka 22:42) Isua entawna Jehova chawimawi nân leh a duhzâwng tih nân zalên taka duh thlan theihna hman chu kan tân tihtheih a ni em?
5 Keini pawh Pathian anpuia siam kan nih avângin Isua kan entawn thei a. (Genesis 1:26) Mahse, Jehova neih ang zalênna pumhlûm chu kan nei ve lo. Jehova’n chin tâwk nei zalênna min pe a, chu chu pawm tûrin min beisei tih Pathian Thu-in a sawi. Entîr nân, chhûngkuaah, nupuite chu an pasalte thu hnuaiah an intulût tûr a ni a, naupangte chuan an nu leh pate thu an âwih tûr a ni. (Ephesi 5:22; 6:1) Chutiang chin tâwk neihna chuan kan zalênna hman dânah engtin nge nghawng a neih? Chu zawhna chhânna chuan kan chatuan nunna a nghawng thei a ni.
DUH THLAN THEIHNA HMAN DAN LEH HMAN SUAL DAN
6. Kan zalênna hian chin tâwk a neih a pawimawhzia târ langtu entîrna pakhat sawi rawh.
6 Chin tâwk nei zalênna chu zalênna dik tak a ni thei ang em? Ni thei teh meuh mai! Engvângin nge? Chin tâwk neihna chuan min vênhim theih vâng a ni. Entîr nân, khawpui hla takah zin kan tum a. Mahse, motor khalh dân kaihhruainate a awm lova, chu bâkah, mi tinin an duh anga chakin leh an duhna lam lamah an khalh a ni. Chu kawnga i kal chuan him niin i inhria ang em? Hre hauh lo vang. Chin tâwk neihna hi zalênna dik tak kan hlâwkpui theihna atâna thil ṭûl a ni. Jehova ruahman he chin tâwk neihna kan hlâwkpui theih dân târ langtu Bible entîrna ṭhenkhat i lo en ang u.
7. (a) Adama leh ramsate inkâra danglamna pakhat chu eng nge ni? (b) Adama’n zalên taka duh thlan theihna a hmanna pakhat chu sawi rawh.
7 Jehova’n mihring hmasa ber Adama a siam khân, vântirhkohte hnêna zalên taka duh thlan theihna a pêk ang chu a pe ve a. Mahse, Pathianin ramsate chu zalên taka duh thlan theihna a pe lo. Engtin nge Adama chuan zalên taka duh thlan theihna chu ṭha taka a hman? Ramsate hming pêk chu nuam a ti hle a. Pathianin, “an hmingah engnge a vuah dâwn tih hriat nân Adama hnênah a hruai hlawm a.” Adam’n ramsate chu ngun taka a en hnuah, hming awmze nei tak a pe a. Chu chu Jehova’n a tih danglamsak tawh lo. “An hminga a lo vuah apiang chu an hming a lo ni hlen ta” a ni.—Genesis 2:19.
8. Engtin nge Adama chuan zalên taka duh thlan theihna chu a hman sual a, chu chuan eng nghawng pawi tak nge a neih?
8 Jehova’n Adama chu lei hi paradis-a chantîr tûra mawhphurhna pein heti hian a hrilh a ni: “Chi tam tak thlaha lo pungin, leilung hi luah khat ula, in thu thuin awmtîr rawh u; tuifinriata sangha chungah te, chunglêng sava chungah te, thil nung leia bawkvâka kal zawng zawng chungah te thu nei bawk rawh u,” tiin. (Genesis 1:28) Mahse, Adama chuan ei phal loh thei rah ei chu a thlang ta a, chutiang chuan Jehova ruahman chin tâwk neihna chu a ngaihthah a ni. Zalên taka duh thlan theihna a hman sual avângin, mihringte chuan kum sâng tam tak chhûng hrehawm an tuar phah a. (Rom 5:12) Adama thu tlûkna siamin a nghawng pawizia chu i hre reng ang u. Chu chuan, kan zalênna a ṭha zâwnga hmang tûr leh Jehova min pêk chin tâwk neihna pawm tûrin min chêttîr ngei ang.
Israel mite chuan Pathian mite nih an thlang a, Pathian ruahman chin tâwk neihna chu an pawm
9. Jehova’n a mi Israelte hnênah eng duh thlanna nge a pêk a, engti tûrin nge thu an tiam?
9 Mihring zawng zawngte hian Adama leh Evi hnên aṭangin ṭhat famkim lohna leh thihna kan rochun a. Mahse, zalên taka duh thlan theihna chu kan la hmang thei reng a ni. Chu chu Pathianin Israel hnamte a dâwr dân aṭangin kan hre thei a. Jehova’n anni chu a ro thlan bîk an nih dâwn leh dâwn lovah duh thlan theihna a pe a ni. (Exodus 19:3-6) Chu hnam chuan Pathian mite nih an thlang a, Pathian ruahman chin tâwk neihna chu an pawm a ni. “LALPA sawi zawng zawngte chu kan ti zêl ang,” tiin an sawi a. (Exodus 19:8) Lungchhiatthlâk takin, chûng mite chuan a hnuah Jehova hnêna an thutiam chu an bawhchhia a ni. Chu thil thleng aṭang chuan thil pawimawh tak kan zir thei a. Zalên taka duh thlan theihna thilpêk chu ngaihlu rengin, Jehova hnaih leh a dânte zawm chu i tum tlat ang u.—1 Korinth 10:11.
10. Mihring ṭha famkim lote hian zalên taka duh thlan theihna chu Pathian chawimawi nân an hmang thei tih Hebrai bung 11-a entîrnate’n engtin nge a târ lan? (A thupui chunga milem en rawh.)
10 Hebrai bung 11-ah, Pathian Jehova ruahman chin tâwk neihna zahtu mi rinawm a hmei a pa mi 16-te hming kan hmu a. Anni chuan malsâwmna tam tak an dawng a, nakin hun beiseina ropui tak an nei bawk a ni. Entîr nân, Nova chuan rinna nghet tak a nei a, a chhûngkua leh nakina thlah lo awm tûrte chhanhim nâna lawng tuk tûra Pathian kaihhruainate chu a zâwm a ni. (Hebrai 11:7) Abrahama leh Sari chuan Pathian thu âwihin, an hnêna pêk A tiam ramah chuan an kal a.Ur khawpuia “hâwnna remchâng” an nei chung pawhin, nakin hun tâna Pathian thutiamte chu an ngaihtuah tlat a. Bible chuan “ram ṭha lehzual” thlen an tum tlat zâwk tih a sawi. (Hebrai 11:8, 13, 15, 16) Mosia chuan Aigupta rama rote chu hnâwlin “rei lo tê atân sual nawmna hlimpui ai chuan Pathian mite nêna tihduhdah tuar,” a thlang zâwk a ni. (Hebrai 11:24-26) Chûng a hmei a pate rinna chu entawnin leh zalên taka duh thlan theihna chu ngaihluin, chu chu Pathian duhzâwng tih nân hman i tum tlat ang u.
11. (a) Zalên taka duh thlan theihna hman avânga malsâwmna ropui berte zînga pakhat chu eng nge ni? (b) Zalên taka duh thlan theihna a ṭha zâwnga hmang tûrin engin nge chêttîr che?
11 Mi dangin thu tlûkna min siamsak chu awlsam zâwkin lang mah se, chutianga kan tih chuan zalên taka duh thlan theihna avânga neih theih malsâwmna ropui berte zînga pakhat chu kan tawng ngai lo vang. Chu chu eng nge ni? Bible-a Deuteronomy 30:19, 20-ah hrilhfiah a ni. (Chhiar rawh.) Châng 19-ah chuan, Pathianin Israel mite chu duh thlan theihna a pe tih kan chhiar a. Châng 20-ah, Jehova’n anni chu amah an hmangaihzia târ lan theihna hun remchâng a pe tih kan hre bawk. Keini pawhin Jehova biak kan thlang thei a. Chu bâkah, Jehova chawimawi nân leh amah kan hmangaihzia târ lan nân zalên taka duh thlan theihna chu kan hmang thei a ni!
ZALEN TAKA DUH THLAN THEIHNA CHU HMANG SUAL SUH
12. Zalên taka duh thlan theihna chu engtih nân nge kan hman ngai loh vang?
12 I ṭhian hnênah thil hlu tak pe angin han inchan teh. I thilpêk chu bawlhhlawh bâwmah a paih emaw, chu aia pawi zâwk, mi dangte tihnat nân a hmang emaw ni ta se, engtin nge i awm ang? I rilru a na ngei ang. Jehova’n zalên taka duh thlan theihna thilpêk min pe a. Mahse, mite’n an zalênna chu an hmang sual a, duh thlanna ṭha lo an siam, a nih loh leh mi dangte tih nat nân an hmang a hmuh chuan a rilru a na hle ngei ang. Bible chuan “ni hnuhnûngahte” chuan mite’n ‘lâwm nachâng an hre lo vang’ tih a sawi a. (2 Timothea 3:1, 2) Chuti chu, engtin nge Jehova hnên aṭanga kan dawn zalên taka duh thlan theihna thilpêk hlu tak avânga kan lâwmzia kan lantîr theih? Chu mi hman sualna chu engtin nge kan pumpelh theih?
13. Kan Kristian zalênna hmang sual lo tûra kan tih theih pakhat chu eng nge ni?
13 Kan vai hian ṭhian te, thawmhnaw te, incheina 1 Petera 2:16 chhiar rawh.) Kan zalênna chu thil dik lo tih nân hmang lovin, ‘Pathian ropuina tûr hlîra’ tih nân kan hmang zâwk tûr a ni.—1 Korinth 10:31; Galatia 5:13.
te, leh intihhlimnate chu zalên takin kan thlang thei a. Mahse, kan zalênna chu Pathian duh loh thilte tih nân leh khawvêl mite tih dân zui nân kan hmang sual thei a. (14. Zalên taka duh thlan theihna kan hman hunah engvângin nge Jehova kan rinchhan a ngaih?
14 Jehova chuan: “Kei hi LALPA in Pathian, in ṭhatna tûra nangmahni zirtîrtu, in kalna tûr kawnga hruaitu che u chu ka ni,” tiin a sawi a. (Isaia 48:17) Jehova kan rinchhan a ngai a, duh thlanna ṭha kan siam theih nân a ruahman, chin tâwk neihna chu kan pawm bawk tûr a ni. “Tungchhova kal mihringah hian, a pheikhai hruai tûr a awm lo,” tih hi inngaitlâwm takin kan pawm a. (Jeremia 10:23) Adama leh Israel mi rinawm lote chuan Jehova ruahman chin tâwk neihna chu an hnâwl a, mahni an inrinchhan a ni. An entawn tûr ṭha lo siam aṭangin i inzir ang u. Mahni inrinchhan aiin, ‘thinlung zawng zawnga Jehova rinchhan,” i tum tlat bawk ang u.—Thufingte 3:5.
MI DANGTE DUH THLAN THEIHNA CHU ZAH RAWH
15. Galatia 6:5-a kan hmuh thu bul aṭangin eng nge kan zir theih?
15 Mi dangte’n mahni duh thua thu tlûkna an siam chu kan zah tûr a ni. Engvângin nge? Zalên taka duh thlan theihna kan neih ṭheuh avângin, Kristian pahnihin englai pawhin thu tlûkna inang an siam lo vang. Chûng thu tlûknaahte chuan kan nungchang leh Galatia 6:5-a kan hmuh thu bulte hi hre reng ang che. (Chhiar rawh.) Kristian tinte’n mahnia thu tlûkna an siam thei tih kan hriat chuan, mi dangte’n zalên taka duh thlan theihna an neih chu kan zahsak ang.
Pathian biaknate a tel a.Mi dangte chu kan thu tlûkna siam ang siam ve tûra tilui lovin, mahniin thu tlûkna kan siam tûr a ni (Paragraph 15-na en rawh)
16, 17. (a) Engtin nge zalên taka duh thlan theihna chu Korinth khuaah buainaa a chan? (b) Engtin nge Paula’n chûng Kristiante chu a ṭanpui a, chu chuan eng nge min zirtîr?
16 Kan unaute’n zalên taka duh thlan theihna an neih chu kan zahsak a ngaih chhan târ langtu Bible entîrna pakhat i ngaihtuah ang u. Korinth kohhrana Kristiante chu sa ei chungchângah an inhnial a, chu sa chu milem biak nâna hman a nih hnua dâwra zawrh a ni mai thei. Kristian ṭhenkhatin milemte chu engahmah an ngaih loh avângin an chhia leh ṭha hriatna chuan chu sa ei chu a phal a ni. Mahse, milem lo be tawh ṭhîn mi dangte tân chuan chu sa zawrh ei chu biakna thiltih angah an ngai mai thei. (1 Korinth 8:4, 7) Chu chu kohhran ṭhen darh theitu buaina khirh tak a ni. Engtin nge Paula’n Kristiante chu he buaina khirh tak hi chingfel tûra a ṭanpui?
17 A hmasain, Paula’n chûng pâwl hnihte chu ei leh inin Pathian nêna an inṭhianna a tihngheh phah loh thu a hriatnawntîr a. (1 Korinth 8:8) A dawtah, “duh duha” an tih theihnain chhia leh ṭha hriatna chak lo zâwkte tina lo tûrin a vaukhân a ni. (1 Korinth 8:9) A hnuah, chûng chhia leh ṭha hriatna chak lo zâwkte chuan sa eite chu sawisêl lo tûrin a hrilh a. (1 Korinth 10:25, 29, 30) Chuvângin, biakna nêna inkûngkaih dinhmun pawimawh takahte chuan Kristiante’n mahniin thu tlûkna an siam ṭheuh tûr a ni. Thil tê thamah pawh thu tlûkna siam tûra kan unaute zalênna chu kan zahsak tûr a ni dâwn lâwm ni?—1 Korinth 10:32, 33.
18. Zalên taka duh thlan theihna i neih chu i hlutzia engtin nge i lantîr theih?
18 Jehova chuan zalên taka duh thlan theihna min pe a, chu chuan zalênna dik tak min neihtîr a ni. (2 Korinth 3:17) Jehova kan hmangaihzia lantîr theitu thu tlûknate min siamtîr theih avângin he thilpêk hi kan hlut tak zet a ni. Chuvângin, amah chawimawi tûr zâwngin thu tlûkna i siam zêl ang u. Mi dangte’n he thilpêk hlu tak hmang tûra dikna an neih chu i zahsak ang u.