Ni khat chu, New Zealand rama unaunu pakhat chuan Jehova’n mite chunga khawngaihna a lantîr dân chungchâng târ lanna video chu jw.org aṭangin a en a. (Is. 63:7-9) Chuta a thil zir chu mi dangte ṭanpuina ṭangkai tak pêkna hmangin nunpui a tum a ni. Chumi nî vêk chuan a bazar laiin chênna tûr in nei lo nu pakhat a tawh chuan ei tûr a leisak ta a. Ei tûr a pêk phah chuan tawi têin Hrehawm Tawrhna A Tâwp Ngai Ang Em? tih track hmangin thu a hrilh a ni.

Chu veleh, chu hmeichhia chu a ṭap ta a. Thuhretu nia seilian a nih thu leh kum tam tak chhûng thutak a kalsan tawh thu a hrilh a ni. Mahse, tûn hnai lawk khân Jehova hnêna a kîr leh theih nâna a ṭanpuina dîla a ṭawngṭai thu a hrilh bawk. Unaunu chuan Bible a pe a, zirna nei tûrin ruahmanna a siampui ta a ni. a

Kan chhûngte leh kohhrana unaute pawh tiamin, mi zawng zawng chunga khawngaihna lantîrin Jehova kan entawn thei a. Thu hrilh theihna hun remchâng zawngin khawngaihna kan lantîr thei a ni.