Genesis 37:23-28; 39:17-23 chu chhiarin rorêl dik lohna hmachhawn dân chungchângah Josefa thiltawn aṭangin inzir ang che.

Thu hnu leh thu hma zir chiang rawh. Engvângin nge mi dangte’n Josefa chu dik lo taka an cheibâwl? (Gen. 37:3-11; 39:1, 6-10) Engtia rei nge Josefa’n rorêl dik lohna chu a tawrh? (Gen. 37:2; 41:46) Chutih hun chhûng chuan, Jehova’n Josefa chu eng nge a tihsak a, eng nge a tihsak loh?—Gen. 39:2, 21; w23.01 17 ¶13.

Chipchiar takin zir rawh. Josefa’n dik lo taka Potiphara nupui puhna chu chhâng lêtin a dikna thu a sawi tih Bible-in a târ lang lo va. Engtin nge hêng Bible chângte hian Josefa’n ngawih a chuh chhan leh thil thlen dân engkim chipchiar taka hriat kan beisei tûr a nih loh chhan hre tûra min ṭanpui? (Thuf. 20:2; Joh. 21:25; Tirh. 21:37) Eng miziate’n nge Josefa chu rorêl dik lohna tuar chhuak thei tûra ṭanpui?—Mik. 7:7; Lk. 14:11; Jak. 1:2, 3.

I thil zirte chu ngaihtuah rawh. Heti hian inzâwt rawh:

• ‘Isua zirtîr ka nih angin eng kawngin nge dik lo taka cheibâwl ka nih theih?’ (Lk. 21:12, 16, 17; Heb. 10:33, 34)

• ‘Tûn aṭangin rorêl dik lohna tuar chhuak thei tûrin eng nge ka tih theih?’ (Sâm 62:7, 8; 105:17-19; w19.07 2-7)