“Mahni insitna avânga hrehawm taka ka awm hian, Jehova chuan JW Broadcasting^®-a hlate hmangin min thlamuan ṭhîn.”—Lorraine, U.S.A.

‘Thlarau lam hlate’ chu Kristiante biakna pêng pakhat a ni a. (Kol. 3:16) Chûng hlate chu en lova i sak theih chuan, hla bu i neih loh hunah emaw, electronic hmanraw hman tûr a awm loh hunah emaw pawh a ṭanpui thei che a ni. Hlate i hriat reng theih nân hêngte hi tichhin ang che.

• Hla thute chu hriatthiam tumin ngun takin chhiar rawh. Thil eng emaw kan hriatthiam hian hriat reng pawh a awlsam a. Kan tûn lai hlate leh naupangte tâna buatsaih hlate hla thu chu jw.org-ah hmuh theih a ni. Library tih chu hmet la, Rimawi tihah kal ang che.

• Hla thute chu kutin ziak chhuak rawh. Hetianga tihna hian hre reng tûrin a ṭanpui lehzual thei che.—Deut. 17:18.

• A ri chhuakin sa rawh. Hla chu chhiarin sa nawn fo vang che.

• I chhinchhiah theihna chu fiah rawh. A ziak en lovin hla thute chu hriat tum la; tichuan, a dik leh dik loh en leh rawh.