Governing Body Member Tharte

INRINNI, October 2, 1999-a Pennsylvania-a Watch Tower Bible and Tract Society Kum Tin Inkhâwmna chu beisei loh tak thu puanchhuahna nêna khâr a ni a. Chu inkhâwmnaa tel emaw, telephone hmanga lo ngaithla emaw mi 10,594-te chuan Jehova Thuhretute Governing Body-ah mi pali lâk luh tharna chu phûr takin an lo ngaithla a. Member tharte chu an vaiin hriak thih an ni a, an hming chu Samuel F. Herd-a; M. Stephen Lett-a; Guy H. Pierce-a; leh David H. Splane-a te an ni.

• Samuel Herd-a chuan 1958-ah hmatâwng a thawk ṭan a, 1965 aṭanga 1997 thleng bial leh district kantu hna a chelh a ni. Chu mi hnu chuan, amah leh a nupui Gloria-i chu United States Bethel chhûngkua zînga mi an lo ni a, Unaupa Heard-a chuan Service Department-ah rawng a bâwl a. Ani chu Service Committee ṭanpuitu-ah a ṭang bawk.

• Stephen Lett-a chuan 1966 December-ah hmatâwng a thawk ṭan a, 1967 aṭangin 1971 thleng chu United States Bethel-ah rawng a bâwl a ni. October 1971-ah Susan-i a nei a; tichuan, hun bikima hmatâwng thawkin rawng a bâwl a ni. 1979 aṭangin 1998 thlengin bial kantu-ah a ṭang a. April 1998-ah amah leh Susan-i chu United States Bethel chhûngkaw zînga mi an lo ni a. Service Department-ah a thawk a, Teaching Committee ṭanpuitu-ah a ṭang bawk.

• Guy Pierce-a chu chhûngkaw nei a ni a, 1982-ah a nupui nên hmatâwng hna an thawk ṭan a ni. 1986 aṭangin Brooklyn Bethel chhûngkua zînga mi an nihna 1997 thlengin bial kantu-ah a ṭang a. Unau Pierce-a chu Personnel Committee ṭanpuitu-ah a ṭang a ni.

• David Splane-a chuan September 1963-ah hmatâwng a thawk ṭan a. Gilead class 42-naah zir chhuakin Senegal ram, Africa-ah missionary angin a awm a ni. Tichuan, kum 19 chhûng Canada ramah bial kantu-ah a ṭang leh bawk. Amah leh a nupui Linda-i chu 1990 aṭangin United States Bethel-ah an awm a, Unaupa Splane-a chuan Service leh Writting department-ah rawng a bâwl a ni. 1998 aṭangin Writting Committee ṭanpuitu-ah a ṭang a ni.

Member thar palite bâkah, Governing Body member chu C. W. Barber-a, J. E. Barr-a, M. G. Henschel-a, G. Lösch-a, T. Jaracz-a, K. F. Klein-a, A. D. Schroeder-a, L. A. Swingle-a, leh D. Sydlik-a te an ni. Governing Body-in khawvêl puma Pathian mite rawngbâwlna leh an thlarau lam hmakhua a enkawl chhunzawm zêl avângin, tûna member tihpun, Governing Body chu Jehova’n malsâwmin, tichak chhunzawm zêl rawh se, tih chu kan zavaia ṭawngṭaina a ni.