Neih Belh Duhna
Neih Belh Duhna
“Thil kan duh belh zêl chuan, a tâwk tih a awm ngai lo vang.”—A Worldwatch Institute report.
“ENG nge kan duh? Eng kim kan duh. Eng hunah nge kan duh? Tûnah kan duh.” He auh hla hi kum 1960 chho bâwl vêla college zirlai ṭhenkhat zîngah a lar hle a. Tûn laiah chu auh hla thu chiah chiah chu hriat a ni tawh lo mai thei; mahse, a sawi tum chu a la châmbâng reng a ni. Dik tak chuan, neih belh duhna hi kan hun lai nihphung langsâr tak niin a lang.
Mi tam takte tân chuan, hausakna leh neihnunna hi an nuna thil pawimawh ber a ni a. U.S. President hlui Jimmy Carter-a chuan: “Mihringte nihna hi an thiltih aiin an thil neih hian a hrilhfiah tawh zâwk a ni,” a ti. A nih leh kan thil neihte aia thil hlu zâwk a awm em? A awm a nih chuan, chûng chuan eng hlâwkna nge a pêk dâwn che? (w04 10/15)