Isua Krista Kal Angin Kal Zêl Rawh
Isua Krista Kal Angin Kal Zêl Rawh
“‘Amahah [Pathianah] ka awm reng ṭhîn,’ titu chu ama [Isua] awm ang bawk khân a awm ve tûr a ni.”—1 JOHANA 2:6.
1, 2. Isua en tlatnaah chuan eng nge tel?
TIRHKOH Paula chuan: “Isua, kan rinna siamtu [“rinna Palai Hotuber,” NW] leh tifamkimtu lam chu enin, kan hmaa intlânsiakna tûr awmah hian chhel takin i tlân zêl ang u,” tiin a ziak a. (Hebrai 12:1, 2) Rinawmna kawng zawh tûr chuan Isua Krista kan en tlat a ngai a ni.
2 Kristian Grik Pathian Lehkha Thua ‘en’ tia lehlin atîra ziak ṭawngkam awmze dik tak chu, “thil danga pêng miah lova rilru pe,” tihna a ni. Lehkhabu pakhat chuan: “Khêl muala Grik intlânsiak miin a tlânna kawng leh a thlen tumna tak aṭanga a rilru la pêng a, thlîrtu mipui lam a hawi zeuh hian a tlân muan phah ṭhîn a ni. Kristiante chungchângah pawh hetiang tho hi a ni,” a ti. Rilru kuaipêngtu chuan thlarau lama kan ṭhan chhohna a dâl thei a. Isua Krista chu kan
en tlat tûr a ni. Palai Hotuber hnênah chuan eng nge hmuh kan inbeisei? “Palai hotuber” tia lehlin Grik ṭawng awmzia chu “hruaitu lû ber, thil engkima hma a hruai avânga entawn tûr siamtu,” tihna a ni. Isua en tlatna chuan a entawn tûr siam zui a phût a ni.3, 4. (a) Isua Krista kal anga kal tûr chuan keimahni lamah eng nge ngai? (b) Eng zawhnate’n nge kan ngaihsak phu?
3 Bible chuan: “‘Amahah [Pathianah] ka awm reng ṭhîn,’ titu chu ama [Isua] awm ang bawk khân a awm ve tûr a ni,” a ti a. (1 Johana 2:6) Isua’n a Pa thupêkte a zawm ang bawkin, a thupêkte zawmna hmangin Pathianah kan awm reng tûr a ni.—Johana 15:10.
4 Chutichuan, Isua kal anga kal tûr chuan Hruaitu Lû Ber anga amah en tlat a, a hniak hnung kan zui tlat a ngai a ni. He mi chungchânga zawhna pawimawh tak kan ngaihtuah tûrte chu: Krista’n tûn laiah engtin nge min hruai? A kal dân entawnna chuan eng anga min nghawng tûr nge a nih? Isua Krista entawn tûr siam zui hlâwknate chu engte nge ni?, tihte hi a ni.
Krista’n A Hnungzuitute A Kaihhruai Dân
5. Isua’n vâna a lâwn hmain a hnungzuitute hnênah eng thu nge a tiam?
5 Vâna a lâwn hmain, tho leh Isua Krista chu a zirtîrte hmaah inlârin, hna pawimawh tak a pe a. “Chutichuan kal ula, hnam tina mi zirtîrahte siam ula,” a ti. Chutih lai chuan Hruaitu Lû Ber chuan: “Kei kumkhuain, khawvêl tâwp thleng pawhin, in hnênah ka awm zêl ang,” tia sawiin, an hnathawh tûr an thawh lai hian awmpui a tiam bawk a ni. (Matthaia 28:19, 20) He khawvêl tâwpna hunah hian Isua Krista chu a hnungzuitute hnênah engtin nge a awm?
6, 7. Engtin nge Isua’n thlarau thianghlim hmanga min kaihhruai?
6 Isua chuan: “Thlamuantu, thlarau thianghlim, Pain ka hminga a rawn tirh tûr khân, chu mi chuan engkim a zirtîr ang che u a, in hnêna ka sawi zawng zawng a hriat chhuahtîr leh ang che u,” tiin a sawi a ni. (Johana 14:26) Tûn laiah hian, Isua hminga tirh thlarau thianghlim chuan min kaihruaiin, min tichak a. Thlarau lamah min tifingin, “Pathian thu ril pawh” hre thiam tûrin min ṭanpui bawk. (1 Korinth 2:10) Chu bâkah, Pathian mizia, “hmangaihna te, hlimna te, remna te, dawhtheihna te, ngilneihna te, ṭhatna te, rinawmna te, thuhnuairawlhna te, insûmtheihna te” hi “thlarau rah” a ni a. (Galatia 5:22, 23) Thlarau thianghlim ṭanpuinain, hêng miziate hi kan nei chho thei a ni.
7 Bible zirna leh kan zirte nunpui kan tum hian, Jehova thlarau chuan finna te, hriat thiamna te, hriatna te, rorêlna te, leh remhriatna te lama ṭhang chho zêl tûrin min ṭanpui a. (Thufingte 2:1-11) Thlarau thianghlim chuan thlêmnate leh fiahnate tuar chhuak thei tûrin min ṭanpui bawk. (1 Korinth 10:13; 2 Korinth 4:7; Philippi 4:13) Kristiante chu ‘tisa leh thlarau bawlhhlawhna zawng zawngah intifaiin, Pathian ṭih dêk chunga thianghlimna tifamkim’ tûra fuih an ni. (2 Korinth 7:1) Thlarau thianghlim ṭanpuina tel lovin, Pathian phût thianghlimna, a nih loh leh faina nêna nun chu kan tlin dâwn em ni? Isua’n tûn laia min kaihhruai nâna a thil hman pakhat chu Pathian Jehova’n a Fapa hnêna hmang tûra a kawltîr thlarau thianghlim chu a ni.—Matthaia 28:18.
8, 9. Engtin nge Krista’n “bawi rinawm, fing tak” chu kaihhruaina pêk nân a hman?
8 Krista’n tûn laia kohhran a hruai dân kawng dang chu ngaihtuah teh. A lo awm lehna leh khawvêl tâwpna chungchâng sawiin, Isua chuan: “Bawi rinawm, fing tak, a puin a hun apianga an chaw chan tûr semsak tûrin a chhûngte chunga hotua a siama chu, tu ber nge ni ang le? A pu a lo kal huna bawi chutiang tia a rawn hmuh a chu a eng a thâwl ang. Tih tak Matthaia 24:3, 45-47.
meuhvin ka hrilh a che u, a neih zawng zawng chungah hotuah a siam ang,” tiin a sawi a ni.—9 “A pu” chu Isua Krista hi a ni a. “Bawi” chu leia hriak thih Kristian awmte hi an ni. He bâwih pâwl hi Isua lei lam thilte enkawl tûr leh thlarau lam chaw a hun taka pe tûra mawhphurhna pêk a ni. “Bawi rinawm, fing tak” zînga tlêm tê, enkawltu nih tling takte hmang chuan Governing Body chu din a ni a, bâwih pâwl palai angin rawng an bâwl a ni. Anni chuan khawvêl pum puia Lalram thuhrilhna hna chu kaihruaiin, thlarau lam chaw ṭha chu a hun takah an pe chhuak reng a. Chutiang chuan, Krista chuan thlarau thianghlima hriak thih “bawi rinawm, fing tak” leh a Governing Body hmangin kohhran chu a kaihruai a ni.
10. Upate lakah eng rilru nge kan put ang a, engvângin nge?
10 Krista hruaitu nihna târ langtu dang leh chu ‘mihringte hnêna thilpêk’—Kristian upate, a nih loh leh enkawltute hi an ni. Anni chu ‘rawngbâwl hna thawk tûra mi thianghlimte tihfamkim nân Krista taksa siam ṭha tûra’ pêk an ni. (Ephesi 4:8, 11-13) Anmahni chungchângah chuan, Hebrai 13:7 chuan: “In hotu, Pathian thu lo hrilhtute che u chu hre reng ula, an awm dâna thil chhuak chu ngaihtuahin an rin dân zir rawh u,” a ti. Upate chuan kohhranah hma an hruai a. Isua Krista an entawn avângin, an rinna chu entawn tlâk a lo ni. (1 Korinth 11:1) Upate ruahmanna avânga kan lâwmna chu hêng ‘mihringte hnêna thilpêkte’ thuâwihna leh an hnêna intukluhna hmang hian kan entîr thei a ni.—Hebrai 13:17.
11. Krista’n tûn laia a hnungzuitute chu eng hmangin nge a kaihhruai a, a kal anga kalnaah chuan eng nge tel?
11 Ni e, Isua Krista chuan tûn laiah a hnungzuitute chu thlarau thianghlim hmangin, “bawi rinawm, fing tak” hmangin, leh kohhrana upate hmangin a kaihruai a. Krista kal anga kal tûr chuan, a kaihhruai dân hriat thiam leh chu mia intukluh chu a ngai a ni. Tin, a kal dân kan entawn pawh a ngai bawk. Tirhkoh Paula chuan: “Krista pawh khân a tuarsak che u avângin hetiang ti tûrin koh in ni asin; a hniaka in zuina tûrin entawn tûr a hnutchhiah che u kha,” tiin a ziak a ni. (1 Petera 2:21) Isua entawn tûr ṭha famkim siam zuina chuan eng kawngin nge min nghawng tûr a nih?
Thuneihna Kenkawh Hunah Inbûk Tâwk Rawh
12. Krista entîrna eng ber nge kohhrana upate’n an ngaihsak bîk?
12 Isua chuan a Pa hnên aṭangin thuneihna sâng ber dawng mah se, a hman dân kawngah a inbûk tâwk hle a ni. Kohhrana mi zawng zawng—a bîkin enkawltute—chuan an inbûk tâwkzia, a nih loh leh an “dawh theihzia mi zawng zawng hriat” an nihtîr tûr a ni. (Philippi 4:5; 1 Timothea 3:2, 3) Upate chuan kohhranah thuneihna engemaw chen an neih avângin, an kenkawhna kawngah chuan Krista hniak an zui tlat a pawimawh a ni.
13, 14. Upate’n mi dangte Pathian rawngbâwl tûra an fuih hian, eng kawngin nge Krista an entawn theih?
13 Isua chuan a zirtîrte theih tâwk chu a ngaihtuah tel a. An pêk theih bâka tam a phût lo. (Johana 16:12) Anmahni chu nawrlui lo vin, a hnungzuitute chu Pathian duhzâwng tih ‘tum hrâm’ tûrin a fuih zâwk a. (Luka 13:24) Hma hruaiin leh an thinlung chêttîrna hmangin a ti a ni. Chutiang bawkin, tûn laia Kristian upate chuan mi dangte chu zak tak leh inthiam lo chunga Pathian rawngbâwl tûrin an tihṭhaih lo. Jehova, Isua, leh an mihringpuite an hmangaih avânga a rawngbâwl tûrin an fuih zâwk a ni.—Matthaia 22:37-39.
Matthaia 5:27, 28) Isua Krista entawnin, upate chuan mahni duhzâwng anga dân siam emaw, mi mal ngaih dân ngiat tlat emaw chu an pumpelh a ni. Upate chuan thawmhnaw hâk leh inchei dân chungchângah emaw, infiamna leh intihhlimna lamah emaw Mika 6:8; 1 Korinth 10:31-33; leh 1 Timothea 2:9, 10-a târ lan thu bulte hmangin mite thinlung thlen an tum tûr a ni.
14 Isua chuan a thuneihna dawn chu mite nun thunun nâna hmangin a hmang sual lo va. Zawm theih loh khawpa sâng tehnate leh dân chhiarsên loh khawpa tam a siam hek lo. A tih dân chu Mosia hmanga pêk dânte phêna thu bul awmte hmanga mite thinlung chêttîr chu a ni. (Lainatna Ngahin, Ngaihdam Peih Rawh
15. A zirtîrte tlin lohna Isua’n engtin nge a chhân lêt?
15 Krista chuan a zirtîrte tlin lohna leh tihsualte a chinfel dân hmangin, kan zui atân entawn tûr a hnutchhiah a. Mihring anga khawvêla a awm hnuhnûn ber zâna thilthleng pahnih kha han ngaihtuah teh. Isua chuan Gethsemani a thlen hnuah, “Petera te, Jakoba te, Johana te chu a hruai a,” an hnênah “inring reng” tûrin a hrilh a ni. “Tin, tlêmin hma lamah a va kal hlek a, leiah a bawkkhup a, . . . a ṭawngṭai a.” A lo kal chuan, “anniho chu muhîlin a rawn hmu a.” Engtin nge Isua’n a tih? “Thlarau zawngin a peih a, tisa erawh chu a chak lo a ni,” tiin a sawi a ni. (Marka 14:32-38) Petera te, Jakoba te, leh Johana te chu na taka hauh mai ai chuan, lainatna a lantîr zâwk a nih chu! Chu mi zân vêkah chuan Petera’n vawi thum Isua a phat a. (Marka 14:66-72) Chu mi hnuah chuan engtin nge Isua’n Petera chu a cheibâwl? “Lalpa chu a lo tho leh tak zet a ni, Simona [Petera] hnênah pawh a inlâr ta.” (Luka 24:34) Bible chuan: “Kiphaa hnêna a lo inlâr te kha; chu mi hnuah chuan sâwm leh pahnihte hnênah a inlâr leh a,” tiin a sawi. (1 Korinth 15:5) Isua chuan ngaih huat ahnêkin, tirhkoh inchhîr tak chu ngaidamin, a tichak zâwk a. A hnuah, Isua chuan Petera chu mawhphurhna rit tak a pe bawk a ni.—Tirhkohte 2:14; 8:14-17; 10:44, 45.
16. Kan rinpuite’n eng kawng emaw taka min tihlunghnûr emaw, dik lo deuhva min cheibâwl emaw hunah, engtin nge Isua angin kan kal theih ang?
16 Mihring ṭhat famkim lohna avânga kan rinpuite’n min tih lunghnûr châng emaw, dik lo deuhva min cheibâwl châng emaw hian, Isua tih dân angin lainatna ngahin, ngaihdam kan peih dâwn lâwm ni? Petera chuan a rinpuite chu: “In zain rilru hmunkhatin awm ula, inlainat tawn ula, unau angin inhmangaih ula, khawngaihna nei ula, thuhnuairawlhin awm rawh u: sual, sualin thungrûl suh ula, malsâwm hlauh zâwk rawh u,” tiin a fuih a ni. (1 Petera 3:8, 9) Mi dangin Isua tih dân tûr anga min cheibâwl lovin, kan chungah lainatna nei lovin min ngaidam duh lo ta se, engtin nge ni ang? Chutiang hunah pawh, Isua entawn tumin, a chhân lêt dân ang tûra chhân lêt ve chu kan tum tûr a ni.—1 Johana 3:16.
Lalram Dah Hmasa Ber Rawh
17. Isua’n Pathian duhzâwng tih a nunah a dah hmasa ber tih engin nge lantîr?
17 Kawng danga Isua Krista kal anga kan kal a la ngai cheu va. Pathian Lalram puanchhuahna chuan Isua nunah hmun pawimawh ber a luah a ni. Samari ram khaw pakhat Sukar kianga Samari hmeichhia hnêna thu a hrilh zawh chuan, Isua chuan a zirtîrte chu: “Mi tîrtu duhzâwng tih leh, a hna thawh zawh tûr hi ka chaw a ni,” tiin a hrilh a ni. (Johana 4:34) Isua chu a Pa duhzâwng tihna chuan a inchâwm a; chu chu atân chuan chaw anga mi tichak thei, lungawithlâk, leh mi tihahdam thei tak a ni. Pathian duhzâwng tih tum tlatna hmanga Isua entawnna chuan, nun awmze nei tak leh lungawithlâk tak aia nêp zâwk a thlen dâwn em ni?
18. Naupangte hun bikima rawngbâwl tûra fuihna aṭangin eng malsâwmnate nge lo awm?
18 Nu leh pate’n hun bikima rawngbâwl tûra an fate an fuih hian, anmahni leh an thlahte pawhin malsâwmna tam tak an dawng a ni. Fapa phîr nei pa pakhat chuan, anni chu an naupan têt aṭangin pioneer hna thawk tûrin a fuih a. Lehkha an zir zawh chuan chu phîrte chuan pioneer hna an thawk a. Chu mi avânga hlimna a neih chungchâng chu sawiin, heti hian a ziak a ni: “Kan fapate chuan min tilunghnual lo. ‘Fanaute hi Pathian laka rochan an ni’ tiin lâwm takin kan sawi thei a ni,” tiin. (Sâm 127:3) Engtin nge naupangte’n hun bikima rawngbâwlna an ûmna chu an hlâwkpui? Fa panga nei nu pakhat chuan: “Pioneer thawhna chuan ka fate zawng zawng chu Jehova nêna inlaichînna hnai lehzual nei chho tûrin a ṭanpui a, an mi mal zirna neih ṭhin a tihmasâwn a, an hun fing taka hman dân zir tûrin a ṭanpui bawk a, an nuna thlarau lam thil dah hmasak dân a zirtîr bawk. An vaiin thil tam taka an insiamrem a ngai nachungin, tumah hi an kawng zawh tûr thlan avângin an inchhîr lo,” tiin a sawi a ni.
19. Ṭhalaite’n nakin hun atân eng ruahmanna nge fing taka an ngaihtuah ang?
19 Ṭhalaite u, in nakin hun atân eng ruahmanna nge in neih le? Ei zawnna kawnga thiam lawr nih chu in tum em? A nih loh leh, hun bikima rawngbâwl tumin hma in la zâwk em ni? Paula chuan: “Mi fing lote anga awm lovin mi fingte anga awm zâwkin, in awm dânah fîmkhur rawh u; nîte hi a ṭhat loh avângin remchânnate lei zêl rawh u,” tiin a zilh a. “Chu mi avâng chuan â duh suh ula, Lalpa duhzâwng engnge ni tih lo hre zâwk rawh u,” tiin a belhchhah a ni.—Ephesi 5:15-17.
Rinawm Rawh
20, 21. Eng kawngin nge Isua chu a rinawm a, engtin nge a rinawmna hi kan entawn theih?
20 Isua kal anga kal tûr chuan a rinawmna kan entawn a ngai a. Isua rinawmna chungchângah Bible chuan: “Ani zawngin Pathian anga awma Pathian tluka awm chu thil thlâkhlelh hleih theihah a ruat lo va, mihring anga lo piangin, bâwih angah a insiam a, amah leh amah a intitlâwm ta zâwk a. Tin, mihring anga lo awmin, a inngaitlâwm a, thi khawp hiala thu zâwmin a lo awm ta a,” a ti. Isua chuan atâna Pathian thiltuma intukluhna hmangin, rinawm takin Jehova lalchungnunna chu a thlâwp a. Thinga khenbeh hial tuarin thu a awih a ni. “He rilru” put hmang hi neiin, Pathian duhzâwng ti tûrin rinawm takina kan intulût tûr a ni.—Philippi 2:5-8.
21 Isua chuan a zirtîr rinawmte hnênah rinawmna a lantîr bawk a. An chak lovin leh an ṭha famkim lo nachungin, “a tâwp thleng” pawhin anmahni chu a hmangaih reng a ni. (Johana 13:1) Chutiang bawk chuan, kan unaute ṭhat famkim lohna chuan an lakah rilru khirh tak min neihtîr tûr a ni lo.
Isua Entawn Tûr Siam Chu Vuan Tlat Rawh
22, 23. Isua entawn tûr siam vawn nghehnain eng hlâwkna nge a neih?
22 Mihring ṭha famkim lo kan nih avângin, kan Entawn Tûr ṭha famkim siamtu Isua hniakhnung chiah chiah chu kan zui thei lo ngei ang a. Amaherawhchu, a hniakhnung zui hrâm hrâm chu kan tum thei a ni. Chu mi ti tûr chuan, Krista hruai dân kawng chu kan hriatthiam a, chu mia kan intukluh leh a entawn tûr siam chu kan zui tlat a ngai a ni.
Johana 5:30; 6:38) Chhia leh ṭha hriatna thiang tak kan nei a. Kan kal dân chu entawn tlâk a lo ni. Isua chuan thawk rim leh phurrit phur zawng zawngte chu a hnêna kal a, chawlhna hmu tûrin a sâwm a. (Matthaia 11:28-30) Isua entawn tûr siam kan zawm hian, keini pawhin kan mi kawmte chu kan chawlh hahdamtîr ve thei a ni. A nih chuan, Isua kal angin i kal chhunzawm zêl ang u. (w05 9/15)
23 Krista entawntu nihna chuan malsâwmna tam tak a thlen a. Mahni duhzâwng aia Pathian duhzâwng tih kan tum tlat avângin, kan nun chuan awmzia a lo nei zâwkin a lungawithlâk zâwk dâwn a ni. (I Hre Chhuak Em?
• Engtin nge Krista chuan tûn laia a hnungzuitute a kaihhruai?
• Engtin nge upate’n Pathian pêk an thuneihna an hmannaah Krista hruaina an zui theih?
• Engtin nge mi dangte tlin lohna kan hmachhawn hian Isua entawn tûr siam chu kan zui theih?
• Engtin nge ṭhalaite’n Lalram an dah hmasak theih?
[Zirlai Atâna Zawhnate]
[Phêk 18, 19-naa milemte]
Ṭhalaite u, Kristian nun manhla tak nei tûr chuan eng ruahmanna nge in siam le?