Pathian Thu Chuan I Pheikhai Hruai Rawh Se
Pathian Thu Chuan I Pheikhai Hruai Rawh Se
“I thu hi ka ke atânte hian khâwnvâr a ni a, ka kawng atân êng a ni.”—SAM 119:105.
1, 2. Engvângin nge mi a tam zâwkte hi remna leh hlimna zawnna kawnga an hlawhchham?
TUEMAW hnêna kaihhruaina i zawn lai chu i hre chhuak thei em? I tum ram chu i thleng ṭêp tawh pawh a ni thei a; mahse, thlen dâwn hnaiha kawngkawi vêl chu i hre chiang ta lo va. A nih loh leh kawng chu i bo ṭhak a, kawng dang i zawh a ngai pawh a ni thei bawk. A enga pawh chu ni se, chu lai hmun hretu tuemaw kaihhruaina zawm chu a finthlâk lo vang maw? Chutiang mi chuan i tum ram thleng tûrin a ṭanpui thei che si a.
2 Kum sâng tam tak chhûng chu mi nâwlpuite chuan Pathian ṭanpuina tel lova mahnia inkaihhruai chu an lo tum tawh a. Amaherawhchu, mihring ṭha famkim lote chuan Pathian lak ata inla hrangin kawng an bo ṭhak a ni. Anni chuan remna leh hlimna kawng dik tak an hmu chhuak thei hlawl lo. Engvângin nge chu an tum ram chu an thlen theih loh? Kum 2,500 lai kal taah khân, zâwlnei Jeremia chuan: “Tungchhova kal mihringah hian, a pheikhai hruai tûr a awm lo,” tiin a lo sawi tawh a ni. (Jeremia 10:23) Mi thiam ṭanpuina tel lova mahni pheikhai hruai tumte chuan mathei lovin beidawnna an tâwk ṭhîn. Mihringte hian kaihhruaina kan va mamawh tak êm!
3. Engvângin nge Pathian Jehova chu mihringte kaihruai tûra tling ber a nih a, eng thu nge min tiam?
3 Pathian Jehova chu chutiang kaihhruaina min pe tûr chuan a tling ber a ni. Engvângin nge? Kan taksa insiam dân hre bertu a nih vâng a ni. Mihringte kal pên dân leh an pên bo ṭhak dân engkim a hre vek a. Kawng dika kal leh tûra an thil mamawh pawh a hre bawk. Chu bâkah, Siamtu a nih angin, Jehova chuan kan tâna ṭha ber tûr chu a hre reng ṭhîn. (Isaia 48:17) Chuvângin Sâm 32:8-a a thutiam: “Fing taka awmtîr chein i kalna tûr kawng chu ka entîr ang chia: ka mita en reng chung chein rem ka ruatsak zêl ang che,” tih chu kan ring tlat thei a ni. Jehova chuan kaihhruaina ṭha ber min pe tih chu rinhlelh chhan tûr a awm lo. A nih leh engtin chiah nge min kaihhruai le?
4, 5. Engtin nge Pathian kâa thu chhuakte chuan min kaihhruai theih?
4 Fakna hla phuahtu pakhat chuan Jehova hnêna a ṭawngṭainaah: “I thu hi ka ke atânte Sâm 119:105) Pathian kâa thu chhuakte leh thuhriattîrte chu Bible-ah hmuh theihin a awm a, chûngte chuan kan nun kawnga harsatna kan tawhte hmachhawn thei tûrin min ṭanpui thei a ni. Bible kan han chhiar a, chu kan thil chhiar kan inkaihhruaitîr hian, Isaia 30:21 chu keimahni ngeiin kan tawng a ni: “Ding lama in pên veleh emaw, vei lama in pên veleh emaw, in bengin in hnung lama thu, ‘Hei hi kawng a nih hi tah hian kal rawh u,’ tiin a hre zêl ang,” tih chu.
hian khâwnvâr a ni a, ka kawng atân êng a ni,” a ti a. (5 Mahse, Sâm 119:105 hian Pathian Thuin kawng inkûngkaih chi hniha hna a thawh dân a sawi tih erawh chhinchhiah ang che. A hmasain, kan ke atân khâwnvâr a ni. Nî tina harsatnate kan hmachhawn hian, thu tlûkna fing siama he khawvêl thangahte kan awh lohna tûrin, Bible-a kan hmuh thu bulte hian kan pheikhai a hruai tûr a ni. A pahnihnaah chuan, Pathian thuhriattîrte chuan kan kawng a ên a, Pathian min tiam Paradis-a chatuana nun beiseina kan neih nêna inrem tûr thu tlûknate siam tûrin min ṭanpui a ni. Kan kawng chu ṭha taka chhun ên a nih avângin, kawng pakhat zawh a sawhkhâwk—a ṭhatna emaw, ṭhat lohna emaw—chu kan hre thei ang. (Rom 14:21; 1 Timothea 6:9; Thu Puan 22:12) Bible-a kan hmuh Pathian kâa thuchhuakte hi kan ke atâna khâwnvâr a nih dân leh kan kawng atâna êng a nih dân chipchiar lehzualin i lo en ang u.
“Ka Ke Atânte Hian Khâwnvâr”
6. Eng ang dinhmunah nge Pathian kâa thu chhuakte chu kan ke atân khâwnvâr a nih theih?
6 Nî tin mai hian thu tlûkna tam tak kan siam a. Thu tlûkna ṭhenkhat chu holam takin a lang pawh a ni thei; mahse a châng chuan kan nungchang ṭhatna, kan rinawmna, a nih loh leh kan tualdawihna fiah thei dinhmunte chu kan tâwk thei a ni. Chutiang fiahnate hlawhtling taka paltlang tûr chuan, ‘chhia leh ṭha fiah tûrin kan hriat theihnate chu kan sawizawi’ a ngai a. (Hebrai 5:14) Pathian thu hriatna dik neiin leh a thu bulte hriatthiamna nei chhovin, Jehova tilâwmtu thu tlûknate siam tûrin kan chhia leh ṭha hriatna chu kan sawizawi a ni.—Thufingte 3:21.
7. Kristianin a hnathawhpui ring lotute kawm a duh mai theihna dinhmun pakhat sawi rawh.
7 Entîrna pakhat lo ngaihtuah ta i la. Jehova thinlung tihlâwm tum tak zet puitling i ni em? (Thufingte 27:11) Chutiang mi i nih chuan, fak tlâk i ni. Mahse, i hnathawhpui ṭhenkhat chuan an ruala infiamna chi khat en tûrin ticket an pe che angah han inchan lawk teh. Anni chuan hnathawhna hmunah kawm nuam an ti chein, pâwn lamah kawm che an duh a ni. Hêng i hnathawhpuite hi mi suaksual an ni lo tih ngaih dân nghet tak i nei mai thei a. Nungchang ṭha tak an nei pawh a ni hial thei. Eng nge i tih tâk ang? An sâwmna che pawm chu a hlauhawm thei ang em? Engtin nge Pathian Thu chuan he mi chungchânga thu tlûkna ṭha siam tûrin a ṭanpui theih che?
8. Eng Bible thu bulte hian nge ṭhian kawm chungchâng ngaihtuah tûra min ṭanpui?
8 Pathian Lehkha Thua thu bul ṭhenkhat lo ngaihtuah ta i la. Rilruah chuan 1 Korinth 15:33-in: “Ṭhian sualte chuan nungchang ṭha an tikhawlo ṭhîn,” tia a sawi hi a lo lang hmasa ber mai thei a ni. He thu bul nunpui tûr hian ring lotu zawng zawng kawm loh ṭhak a ngai em? Ngai lo, tih hi Pathian Thu aṭanga chhânna a ni. Tihah chuan tirhkoh Paula ngei pawhin ring lotute pawh tiamin “mi zawng zawng” chungah ngaihsakna duhawm tak a lantîr si a. (1 Korinth 9:22) Kristianna nihphung rêng rêng pawh hian kan rinna pawm lotute ngei pawh tiama mi dangte kan ngaihsak a phût tlat a ni. (Rom 10:13-15) Kan ṭanpuina mamawh theite laka kan inlâk hran chuan, engtin nge ‘mi zawng zawng chunga thil ṭha ti tûra’ fuihna chu kan nunpui theih tehrêng ang?—Galatia 6:10.
9. Eng Bible zilhna thuin nge hnathawhpuite nêna inlaichînna kawnga inbûktâwk tûra min ṭanpui?
9 Amaherawhchu, hnathawhpuite laka nêlawmna leh inṭhian ṭhatna neih chu thil inang lo tak a ni a. Hetah tak hian a ni, Bible thu bul dang lo lang ta chu. Tirhkoh Paula chuan Kristiante chu heti hian a vaukhân a: “Ring lo mite nên rual lo taka nghâwngkawl bât dûnin awm suh u,” tiin. (2 Korinth 6:14) “Rual lo taka nghâwngkawl bât” tih chu eng tihna nge ni? Bible ṭhenkhatah chuan he thu hi “pâwl khatah insiam suh,” “intluktlâng anga thawhtlân tum suh,” a nih loh leh “inâwm lo takin inlaichînna siam tawh suh” ti tea lehlin a ni. Eng hunah nge hnathawhpuite nêna inlaichînna neih chu thil inâwm lo tak a nih? Eng hunah nge tiam chin a pelh a, rual lo taka nghâwng kawl bahna a lo nih? Pathian Thu, Bible chuan hetiang dinhmunah hian i pheikhai a hruaisak thei che a ni.
10. (a) Engtin nge Isua’n ṭhian kawm tûr a thlan? (b) Thian kawm chungchânga eng zawhnate’n nge mi chu thu tlûkna ṭha siamtîr thei?
10 Mihringte siam an nih aṭanga hmangaihtu Isua entîrna hi ngaihtuah ta ila. (Thufingte 8:31) Leia a awm lai khân a hnungzuitute nên inṭhianna ṭha tak a nei a. (Johana 13:1) Sakhaw lama hruai suala awm mi pakhat pawh “a hmangaih” hial a ni. (Marka 10:17-22) Mahse, Isua chuan ṭhian ṭha neih chungchângah ramri chiang tak a kham a. A Pa duhzâwng tih duhna dik tak nei lotute chu ṭhian ṭhaah a siam lo. Ṭum khat chu, Isua chuan: “Thu ka pêk apiang che u in tih chuan ka ṭhiante in ni ang,” a ti a. (Johana 15:14) I hnathawhpui tuemaw ber nên chuan in inṭhian ngei ang a. Mahse heti hian inzâwt rawh: ‘He mi hian Isua thupêkte chu tih a duh em? Isua’n be tûra min zirtîr Jehova chungchâng chu zir a duh em? Kristian ka nih anga nungchang tehna ka neihte chu a nei ve em?,’ tiin. (Matthaia 4:10) I hnathawhpuite nêna in inbiak a, Bible tehnate nunpui tûra i phût tlat chuan, hêng zawhnate chhânna chu a lo lang ang.
11. Pathian kâa thu chhuak chu kan pheikhai hruaitu tûr a nihna dinhmun ṭhenkhat sawi rawh.
11 Pathian kâa thu chhuakte hi kan kê atâna Sâm 37:25) Kristian dang ve thung chuan Bible thu bulte chiang taka kalhtu intihhlimna en a châk ngawih ngawih mai thei. (Ephesi 4:17-19) Mi dang leh chu mahni rinpuite ṭhat famkim lohna avângin a thinur hma hle ṭhîn pawh a ni thei bawk. (Kolossa 3:13) Chutiang dinhmun zawng zawngah chuan, Pathian Thu chu kan kê atân khâwnvâr kan nihtîr tûr a ni. Bible thu bulte nunpuiin, nuna harsatna engkim chu hlawhtling takin kan hmachhawn thei tak zet a ni. Pathian Thu chu “zirtîr kawngah te, thiam loh chantîr kawngah te, zilh kawngah te, felna zirtîr kawngah te a sâwt bawk a ni.”—2 Timothea 3:16.
khâwnvâr a nih theihna dinhmun dang tam tak a awm a. Entîr nân, hna nei lo Kristian chu a mamawh ngawih ngawih hnathawh tûr chu pêk a ni thei a. Amaherawhchu, chu hna chu hun leh tha leh zung tam tak sên ngai a niin, chu hna a pawm chuan Kristian inkhâwm tam tak a ṭhulh a ngai dâwn a, biakna dik nêna inkûngkaih thiltih dang tam tak chu a thlahthlam a ngai bawk dâwn a ni. (“Ka Kawng Atân Eng A Ni”
12. Engtin nge Pathian kâa thu chhuakte chu kan kawng atân êng a nih?
12 Sâm 119:105 chuan Pathian kâa thu chhuak chuan kan kawng atâna êng angin, kan kalna tûr kawng a tihên thu a sawi bawk. Bible chuan he khawvêl dinhmun lungngaihthlâk takte a awm chhan leh a rahchhuah tûr min hrilhfiah avângin, nakin hun chungchângah engmah hre lovin kan awm lo. He khawvêl suaksual ‘ni hnuhnûngah’ kan awm tih hi kan hre chiang hle. (2 Timothea 3:1-5) Thil lo thleng tûr kan hriatna chuan tûna kan nun kan hman dânah hian nghawng pawimawh tak a nei tûr a ni a. Tirhkoh Petera chuan: “Chûng thilte chu chutianga boral vek tûr a ni tih in hriat avângin Pathian ni lo thlen hun tûr chu beisei leh ṭhahnemngai taka duhin, awm dân thianghlim leh Pathian ngaihsak kawngah chuan mi eng ang nge in nih tûr le?,” tiin a ziak a ni.—2 Petera 3:11, 12.
13. Engtin nge kan hun hmâwr tawh tak chuan kan ngaihtuahna leh kan nun dân a nghawng ang?
13 Kan ngaihtuahna leh kan nun dân chuan “khawvêl hi a châknate chawpin a boral mêk a ni,” tih kan rin nghehzia a târ lang tûr a ni. (1 Johana 2:17) Bible kaihhruainate nunpuina chuan kan nakin hun thiltumte chungchânga thu tlûkna fing siam tûrin min ṭanpui ang. Entîr nân, Isua chuan: “A ram leh a felna chu zawng hmasa zâwk rawh u, tichuan chûng zawng zawng chu a pêk belhchhah dâwn che u nia,” a ti a. (Matthaia 6:33) Ṭhalai tam takin Isua ṭawngkam ring tlat chunga hunbi kima rawng an bâwl chu an va fakawm tak êm! Chhûngkuate pawh tiamin, mi dangte chu mahni duh thuin Lalram thuchhuahtu mamawh zualna ramahte an insawn a ni.
14. Engtin nge Kristian chhûngkaw pakhat chuan an rawngbâwlna an zauh?
Johana 4:35) Pa ber chuan: “Kohhranah hian he lai hmuna awmte ṭanpui tûra rawn pêmlût mi 30 an awm a. Mi 20 vêl chu United States aṭangin an ni a, a dangte chu Bahamas te, Canada te, Italy te, New Zealand te, leh Spain ram aṭang tea rawn kalte an ni hlawm. Rawngbâwlnaa tel châkna nasa tak neiin an lo thleng a, tualchhûng unaute pawh nasa takin an tiphûr a ni,” a ti.
14 United States aṭanga Dominican Republic ram, mi 50,000 awmna khaw pakhata awm kohhrana insawn ta mi pali awmna chhûngkaw pakhat han ngaihtuah teh. Chu kohhranah chuan Lalram thuchhuahtu 130 vêl an awm a. Mahse, April 12, 2006 Krista thih Hriatrengnaah chuan mi 1,300 lai an inkhâwm a nih chu! Chu mi hmuna thlawhhma chu “seng tûrin a êng a,” thla nga hnu lekah nu leh pa leh an fapa leh fanu chuan an vaiin Bible zirpui 30 an nei a ni. (15. I nuna Lalram i dah hmasak avângin eng malsâwmna nge i dawn?
15 Mi tam takte chu mamawh zualna hmun ram dangah rawngbâwl tûrin an kal chhuak thei lo hi hriatthiam awm tak a ni. Mahse, kal chhuak theite—a nih loh leh an dinhmun siam rem theite—chuan he mi kawnga rawngbâwlnaa an inhman avângin malsâwmna tam tak an dawng ngei ang. Khawi hmunah pawh rawngbâwl mah la, i chakna zawng zawnga Jehova rawng i bâwlna aṭanga lo awm hlimna i dawn theih chu dawng lovin awm suh ang che. I nuna Lalram i dah hmasak chuan, Jehova chuan ‘malsâwmna dawn sên loh khawp hial vûr’ che a tiam a ni.—Malakia 3:10.
Jehova Kaihhruaina Chu Hlâwkpui Rawh
16. Pathian kâa thu chhuakte inkaihhruaitîr chu engtin nge kan hlâwkpui ang?
16 Kan hmuh tawh angin, Jehova kâa thu chhuakte chuan kawng inkûngkaih chi hnihin min kaihruai a. Chûng thu chhuakte chu kan kê atân khâwnvâr a ni a, kawng dik zawha kal zêl tûra min ṭanpui bâkah, thu tlûkna siam a ngaih hunah min kaihruai bawk a ni. Tin, chûng thu chhuakte chuan kan kawng a ên a, kan hmaa thil awmte chu fiah takin min hmuhtîr a. Chu chuan, Petera fuihna thu: “In rilru puan vengin ngaihven ula, Isua Krista inlâr hunah chuan khawngaihna a rawn kensak tûr che u chu beidawng lovin beisei zêl rawh u,” tih chu zâwm tûrin min ṭanpui lehchhâwng a ni.—1 Petera 1:13.
17. Engtin nge Bible zirna chuan Pathian kaihhruaina zui tûra min ṭanpui ang?
17 Jehova’n kaihhruaina min pe tih chu rinhlelh rual a ni lo. Mahse, zawhna lo awm ta chu, Chu a kaihhruaina hnuaiah chuan i intulût ang em? tih hi a ni. Jehova min pêk kaihhruaina hre thiam tûr chuan, Bible châng ṭhenkhat nî tina chhiar chu tum tlat rawh. I thu chhiar chu ngaihtuah ngun la, Jehova duhzâwng chu hriat tum bawk la; tin, i nunpui theih dân kawng dangte chu ngaihtuah bawk ang che. (1 Timothea 4:15) Tichuan, mi mal thu tlûkna i siam hunah i ngaihtuahna hmang rawh.
18. Pathian Thu kan inkaihhruaitîr hian, eng malsâwmnate nge kan dawn?
18 Kan duh phawt chuan, Pathian Thu-a kan hmuh thu bulte chuan min tibengvârin, kawng zawh tûr dik thlan nâna kan mamawh kaihhruaina chu min pe ang. Jehova kâa thu chhuak chhinchhiahte chuan “mi mâwl a tifing ṭhîn” tih kan ring tlat thei a ni. (Sâm 19:7) Bible kan inkaihhruaitîr chuan, chhia leh ṭha hriatna thiang tak kan nei ang a, Jehova tihlâwmna aṭanga lo awm lungawina chu kan nei ang. (1 Timothea 1:18, 19) Pathian kâa thu chhuakte chu kan nî tin pheikhai kan hruaitîr chuan, Jehova chuan malsâwmna ropui ber chatuana nunna lâwmman min pe ang.—Johana 17:3. (w07 5/1)
I Hre Chhuak Em?
• Engvângin nge Pathian Jehova kan pheikhai hruaitîr chu a pawimawh?
• Eng kawngin nge Pathian kâa thu chhuakte hi kan kê atânte hian khâwnvâr a nih?
• Engtin nge Pathian kâa thu chhuakte hi kan kawng atâna êng a nih theih?
• Engtin nge Bible zirna chuan Pathian kaihhruaina zâwm tûra min ṭanpui ang?
[Zirlai Atâna Zawhnate]
[Phêk 19-naa milem]
Eng hunah nge ring lo mite nêna inkawm chu a finthlâk loh?
[Phêk 20-naa milem]
Isua ṭhian ṭhate chu Jehova duhzâwng titute hi an ni
[Phêk 21-naa milemte]
Kan nun dân phung hian Lalram kan dah hmasa tih a târ lang em?