Russia Rimawiah Pathian Hming A Lang

KUM 1877 khân, Russia mi hla phuah thiam hmingthang tak Modest Mussorgsky-a chuan Bible ramtea thilthleng ṭanchhan thawnthu chu zaipâwl sak atân a phuah a. “Bible thawnthu Jesus Navinus [Josua] chanchin ka ziak a, a pum puiin Bible nêna inmilin ka ziak a, Navinus-a’n Kanaan ram chhûnga hnehna changa a kalna pawh chu ka chhui hial a ni,” tiin a ṭhian pakhat hnênah a ziak. “Sennakeriba Tihchhiatna” tih pawh tiama Mussorgsky-a hla phuah dangahte chuan Bible thupuite leh chu mi chhûnga mite chanchin chu a tel a ni.

Chhinchhiah tlâk tak chu, Mussorgsky-a chuan “Jesus Navinus”-ah leh kum 1874-a a tihchhuah “Sennacherib Tihchhiatna” tih hlaah Pathian hming, Hebrai Pathian Lehkhabua consonant palia ziak​—⁠יהוה (YHWH)​—⁠vawi 7,000 dâwn lai lang chu Russian lam dân hmangin a lo hmang tawh a ni.

Chuvâng chuan hêng Mussorgsky-a hla phuahte hian Bible-a Pathian hming​—⁠Jehova​—⁠hi Russia ramah chuan kum zabi 20-na inṭan hma khân hriat a lo ni tawh tih a târ lang. Jehova ngeiin Mosia hnêna: “Hei hi kumkhuaa ka hming chu a ni,” tia a lo hrilh tawh avângin, chu chu a inâwm rêng a ni.​—⁠Exodus 3:15. (w07 9/1)

[Phêk 32-naa milem]

Mussorgsky-a rimawi chhutchhuah tam tak dah khâwmna kum 1913-a St. Petersburg Conservatory

[Phêk 32-naa Thlalâk Hawhtîrtu]

Sheet music: The Scientific Music Library of the Saint-Petersburg State Conservatory named after N.A. Rimsky-Korsakov; street scene: National Library of Russia, St. Petersburg