“Ka Thilpêk Tlâwm Tak Hi Lo Pawm Hrâm Rawh”

HENG thute hi Russia rama Jehova Thuhretute branch office dawn lehkha thawn pakhatah a tel a ni. Chu lehkha chu sahmul lâ hmanga phiar mawza hlîra khat bâwm lian tak ruala thawn a ni.

Chu thilpêk chu Russia ram Khawchhak Lam kohhran pakhata rawngbâwl Jehova Thuhretu kum 67 mi, Alla-i thawn a ni. Ani chuan kum sâwm chuang ṭhahnemngai taka Ram chanchin ṭha hrilin Jehova rawng a lo bâwl tawh a. Amaherawhchu, a taksa pêng ṭhenkhat a zeng ta thut mai a. Mahse, hmangaihnain a chêttîr avângin, ani chuan kum zabi khatnaa Kristian hmeichhia, a rinpuite tâna kawrte siamsaktu Dorki nung kawng ang chu a zawh a ni.​—⁠Tirhkohte 9:​36, 39.

Alla-i chuan a lehkha thawnah chuan: “Ka kête chu ka tiche thei lo; mahse, ka kutte chu a la che thei a. Chuvângin lehkha thawn ziakin mite thu ka hrilh a ni,” a ti. “Ka kutte a la chêt theih lai hian mawza lum ṭhenkhat phiar chu ka tum ta a. Hêng mawzate hi ram vâwt tak Khawchhak Lam leh Siberia rama Kingdom Hall satute tâna pêk ka duh a ni,” tiin a ziak belh a ni.

Isua Krista chuan a hnungzuitu dik takte chungchâng chu sawiin: “In inhmangaih chuan mi zawng zawngin ka zirtîrte in ni tih chu miah chuan an hria ang,” a ti a. (Johana 13:35) Alla-i lantîr ang hmangaihna chu Isua zirtîr dik takte chhinchhiahna a ni. (w07 11/15)