Isua Krista—Missionary Ropui Ber Chu
Isua Krista—Missionary Ropui Ber Chu
“A hnên aṭanga lo chhuak ka ni a, ani chuan mi tîr a ni si a.”—JOH. 7:29.
1, 2. Eng nge missionary chu ni a, tunge Missionary ropui ber tia koh theih chu?
“MISSIONARY” tih thu mal i hriat hian, i rilruah eng nge lo lang? Ṭhenkhat chuan an rawngbâwlna ram politics leh ei leh bâr lam thila inrawlh chîng Kristianna rama missionary tam takte chu an ngaihtuah chhuak mai thei. Mahse, Jehova Thuhretute zînga mi i Mt. 24:14) Hêng missionary-te hian Pathian Jehova hnaih tûr leh inlaichînna hlu tak nei tûra mite ṭanpui nân an hun leh tha leh zungte chu an hmang a ni.—Jak. 4:8.
nih angin, khawvêl ram dang danga chanchin ṭha hril tûra Governing Body-in a tirh chhuah missionary-te chu i rilruah a lo lang ngei ang. (2 Jehova chu Chanchin Ṭha Hriltu ropui ber a ni a; mahse, ani chu tu tirh chhuah mah a nih loh avângin Missionary ropui ber tia koh theih a ni lo. Mahse, Isua Krista chuan a Pa vâna mi chungchângah: “A hnên aṭanga lo chhuak ka ni a, ani chuan mi tîr a ni si a,” tiin a sawi a ni. (Joh. 7:29) Khawvêla mihringte chunga a hmangaihna ropui tak lantîrin, Jehova chuan a Fapa neih chhun chu leiah a rawn tîr a. (Joh. 3:16) Isua leia tirh a nih chhan ber pakhat chu “thutak hriattîr” tûr a nih avângin, Missionary ropui ber, Missionary ṭha ber tia koh theih a ni. (Joh. 18:37) Ram chanchin ṭha puan chhuahna kawngah a hlawhtling hle a, a rawngbâwlna hlâwkna chu tûn thlengin kan la hmu thei a ni. Entîr nân, missionary anga tirh kan ni emaw, ni lo emaw pawh ni se, kan rawngbâwlnaah a zirtîr dân chu kan hmang thei a ni.
3. Eng zawhnate nge kan sawiho vang?
3 Lalram puang chhuaktu anga Isua chanvo neih chuan hêng zawhnate hi a tichhuak a ni: Leiah Isua’n eng thil nge a tawn? Engvângin nge a zirtîrna chu a sâwt? Tin, engin nge a rawngbâwlna tihlawhtling?
Hmun Thara Thu Hrilh Duhna
4-6. Isua leia tirh a nih khân eng inthlâkthlengna ṭhenkhat nge a hmachhawn?
4 Tûn laia missionary-te leh Lalram puang chhuaktu mamawh zualna hmuna insawn Kristian ṭhenkhat chuan tûn hmaa an lo awm dân thin aia dinhmun hniam zâwka an awm a ngai mai thei a. Mahse, leia Isua dinhmun leh rilru dik tak nêna Jehova rawngbâwltu thil siam vântirhkohte zînga a Pa hnêna a awmna vân dinhmun inthlauh dân chu kan suangtuah phâk a ni lo. (Job. 1:6; 2:1) He khawvêl chhe taka sual nei mihringte zînga awm chu a va dang lam dâwn em! (Mk. 7:20-23) Isua chuan amah zui rengtu a zirtîrte inkâra awm inelna chu a chinfel a ngai hial a. (Lk. 20:46; 22:24) Leia a thiltawn engkim chu ṭha famkim takin a chingfel a ni.
5 Isua chuan mak tak maiin mihring ṭawng a hmang nghâl lo va, nausên angin a zir ṭan zâwk a ni. Vâna vântirhkohte hnêna thu petu nihna nên chuan a va inthlau dâwn êm! Leiah Isua chuan a lo berah “mihring ṭawngte” zînga pakhat chu a hmang a. Chu chu ‘vântirhkoh ṭawng’ nên chuan a inang lo hle a ni. (1 Kor. 13:1) Amaherawhchu, ṭawngkam chhuak ngainatawm tak hman chungchângah chuan, tumahin Isua an tluk lo.—Lk. 4:22.
6 Pathian Fapa tân leia a lo kal laia thil inthlâkthlengna nasa tak dangte chu han ngaihtuah teh. Isua chuan Adama hnên aṭangin sual rochun nei lo mah se, Ani chu mihring a lo ni a, a hnua a “unaute,” a nih loh leh hriak thih a hnungzuitute ang chu a lo ni. (Hebrai 2:17, 18 chhiar rawh.) A lei lam nun tâwp dâwn zân khân, Isua chuan vâna a Pa hnênah “vântirhkoh sângruk hmun sâwm leh hmun hnih aia tam zâwk” rawn tîr tûrin a dîl lo. Mikaela, Vântirhkoh Chungnung Ber anga thil siam vântirhkohte chunga a thu neihna chu han ngaihtuah teh! (Mt. 26:53; Jud. 9) Ni e, Isua chuan thilmak a ti a; mahse, leia a awm laia a thiltihte chu vâna a thiltih theih tûrte nêna khaikhin chuan a beitham hle a ni.
7. Dân thupêk chungchângah Judate chu engtin nge an awm?
7 Lei mihring anga a lo pian hmaa “Thu” anga a awm laiin, Isua chu thlalêra Israelte kaihruaitu, Pathian aiawha Thusawitu a nih ngei a rinawm a. (Joh. 1:1; Ex. 23:20-23) Amaherawhchu, anni chu “Dân, vântirhkohte pêk chhâwn kha, hmu zeta zâwm si lote” an ni. (Tirh. 7:53; Heb. 2:2, 3) A dik a dik chuan, kum zabi khatnaa Juda sakhaw hruaitute chuan Dân awmze dik tak an hre thiam lo. Entîr nân, Sabbath dân chungchâng han ngaihtuah teh. (Marka 3:4-6 chhiar rawh.) Lehkha ziaktute leh Pharisaite chuan “dân thu pawimawh zâwk—felna te, khawngaihna te, rinawmna te chu—[an] ngaihthah si ṭhîn” a ni. (Mt. 23:23) Mahse, Isua chuan beidawng lovin thutak a hrilh zêl a ni.
8. Engvângin Isua’n min ṭanpui theih?
8 Isua chuan thu hrilh duhna a nei a. Mite a hmangaihna chuan amah chêttîrin, anmahni Heb. 2:18; 5:8, 9.
ṭanpui chu a châk êm êm a ni. Chanchin ṭha hrilh duhna chu a hloh ngai lo. Leia a awm laia Jehova chunga a rinawmna avângin, Isua chu “a thu âwih zawng zawngte tân chatuana chhandamna bulpui a lo ni.” Chu bâkah, “amah ngei chuan thlêmna tâwkin a lo tuar tawh avângin [kei mahni ang] thlêmna tâwkte chu a ṭanpui thei a ni.”—Zirtîrtu Ni Tûra Ṭha Taka Thuam
9, 10. Leia tirh a nih hmain Isua’n eng ang zirtîrna nge a dawn?
9 Tûn laia Kristiante chu missionary anga tirh chhuah an nih hmain, Governing Body chuan anmahni zirtîr tûrin ruahmanna a siam a. Isua khân chutiang zirtîrna chu a dawng em? Dawng e, mahse Messia anga hriak thih a nih hma khân rabbi zirtîrna school-ah a kal lo va, sakhaw hruaitu lâr ṭhenkhatte ke bula zir chhuak lah a ni hek lo. (Joh. 7:15; Tirhkohte 22:3 nên khaikhin rawh.) A nih chuan engvângin nge Isua chu mite zirtîr tûra a tlin êm êm?
10 Isua’n a nu Mari leh a pa hrawn Josefa hnên aṭanga a zir chu eng pawh lo ni se, zirtîrna pawimawh ber chu amah zirtîr tûra tling ber Jehova hnên aṭangin a dawng a ni. He mi chungchângah, Isua chuan: “Keimaha phuahchawpin ka sawi si lo; Pa mi tîrtu chuan ka sawi tûr leh ka hrilh tûr hi thu mi pe zâwk a ni,” a ti. (Joh. 12:49) Zirtîr tûr chungchângah Fapa chu kaihhruaina kimchang tak pêk a ni tih chhinchhiah teh. Leia a lo kal hmain, Isua chuan a Pa kaihhruaina chu hun tam tak pein a ngaithla tih a chiang hle. Zirtîrna ṭha zâwk eng dang nge a dawn theih tehlul ang?
11. Eng ang chiahin nge Isua chuan mihringte chunga a Pa rilru put hmang chu a lantîr?
11 Siam a nih aṭangin, Fapa chuan a Pa nên inlaichînna hnai tak a nei a. Mihring anga a lo pian hma chuan, Isua chuan mihringte chunga Pathian rilru put hmang chu mihringte a dâwr dân aṭangin a hria a. Fapa chuan Pathianin mihring chunga hmangaihna a neih ang chiah a lantîr avângin, finna anga chantîr ani chuan: “Ka lâwmna chu mihring fate chungah a ni,” tiin a sawi thei hial a ni.—Thuf. 8:22, 31.
12, 13. (a) Engtin nge Isua chuan a Pain Israelte a dâwr dân aṭanga a zir? (b) Engtin nge Isua’n zirtîrna a dawn chu a hman?
12 Fapain a dawn zirtîrnaah Nehemia 9:28-na chuan: “Râlmuanga an han awm hnu chuan, i mithmuhah thil ṭha lo an ti leh mai a: chuvângin an hmêlmate kutah i hluihlâwn a, tichuan an chungah thu an nei a; mahse an lamlêta an auh che khân, vân aṭangin i lo ngaithla a; vawi tam tak i ngilneihna chuan i chhanchhuak a,” a ti. Jehova nêna thawh dunna leh a thawh dân lo thlîrna aṭangin, Isua chu a rawngbâwlna biala mite khawngaihna a neihtîr a ni.—Joh. 5:19.
chuan, a Pain dinhmun khirh tak a chinfel dân pawh a tel a. Entîr nân, Jehova’n Israel thuâwih lote a dâwr dân chu ngaihtuah teh.13 Isua chuan a zirtîrte chu khawngaihna nêna dâwrin a dawn zirtîrna chu a takin a hmang a. A thih hmâ zân khân, a hmangaih êm êm a tirhkohte chuan ‘an thlahthlam a, an tlân bosan vek’ a nih kha. (Mt. 26:56; Joh. 13:1) Tirhkoh Petera phei chuan Krista chu vawi thum a phatsan hial a ni! Amaherawhchu Isua chuan a tirhkohte lo kîr lehna tûr kawng a hawng a. Petera hnênah: “I rin a bo loh nân ka ṭawngṭaisak che a ni; i hawi kîr leh hunah nangin i unaute tinghet ang che,” a ti. (Lk. 22:32) Thlarau lam Israel chu “tirhkohte leh zâwlneite” aṭanga hlawhtling taka ṭan chhoh a ni a. Tûn thlengin, Kristian hriak thihte chu inpumpêk an ṭhian “berâm dang” nên Pathian kut chak leh a Fapa duh tak kaihhruaina hnuaia Lalram chanchin hrilhna hnaah an duah hluah hluah a ni.—Eph. 2:20; Joh. 10:16; Thup. 21:14.
Isua Zirtîr Dân
14, 15. Eng kawngtein nge Isua zirtîr dân chu lehkhaziaktute leh Pharisaite zirtîr dân nên a inan loh?
14 Engtin nge Isua chuan zirtîrna a dawn chu a hnungzuitute zirtîr nân a hman? Isua zirtîr dân leh Juda sakhaw hruaitute zirtîr dân kan khaikhin chuan Isua zirtîr dân chungnun zâwkzia chu chiang takin kan hmu a. Lehkha ziaktute leh Pharisaite chuan ‘an thuro chhiah avângin Pathian thu chu an bawh bo’ a ni. Chu mi nêna inkalhin, Isua chuan ama phuahchawpin thu a sawi lo, Pathian thu, a nih loh leh thuchah chu a zirtîr zâwk a ni. (Mt. 15:6; Joh. 14:10) Chutianga kan tih ve chu a ngai a ni.
15 Thil dang pawhin Isua chu sakhaw hruaitute lakah a tidanglam a. Lehkhaziaktute leh Pharisaite chungchângah, ani chuan: “An hrilh apiang che u chu ti ula, zâwm zêl ang che u; an thiltih ang erawh chu ti ve suh ang che u, sawi zawng an sawi ṭhîn a, an ti si ṭhîn lo a ni,” a ti. (Mt. 23:3) Isua chuan a zirtîr angin thil a ti a. Chutiang a nihzia entîrna pakhat i lo ngaihtuah ang u.
16. Engvângin nge Isua chu Matthaia 6:19-21 thu nêna inmilin a nung i tih theih?
16 Isua chuan a zirtîrte chu “vânah, . . . rote khâwl khâwm zâwk” tûrin a fuih a. (Matthaia 6:19-21 chhiar rawh.) Ani chu a fuihna milin a nung em? Nung e, ani chuan: “Sihalten kua an nei a, chunglêng savate pawhin bu an nei a, mihring Fapa erawh hi chuan a lu nghahna a nei lo,” tia dik taka a insawi theih avângin. (Lk. 9:58) Isua chu tluangtlam takin a nung a. Ram chanchin ṭha puan chhuahnaah a inhmang ber a; tin, leia rote khâwl khâwmna aṭanga lo awm lungkhamna laka fihlîm dân a lantîr bawk a ni. Isua chuan ‘sûlrûl leh tuiêkin a ei chhiat lohna, rûkruten an reh pawha an rûk hek lohnaa’ rote khâwl khâwm a ṭhat zâwkzia a târ lang a ni. Vâna rote khâwl khâwm tûra Isua fuihna chu i zâwm em?
Mite Ngainat Hlawhtîrtu Isua Miziate
17. Eng miziate’n nge Isua chu chanchin ṭha hriltu ropui tak nihtîr?
17 Eng miziatein nge Isua chu chanchin ṭha hriltu ropui tak nihtîr? Pakhatah chuan a ṭanpui mite chunga a rilru put hmang hi a ni. Isua lantîr Jehova mizia ṭhate zîngah chuan inngaihtlâwmna te, hmangaihna te, leh khawngaihna te a tel a. Hêng miziate’n Isua lama mi tam tak a hîp dân hi lo chhinchhiah teh.
18. Engvângin nge Isua chu a inngaitlâwm kan tih theih?
Phil. 2:7) Chu chu inngaihtlâwmna thiltih a ni. Chu bâkah, Isua chuan mite a hmusit lo. Ani chuan, ‘Vân aṭanga lo chhuk vang vang ka ni si a, ka thu in ngaithla tûr a ni,’ tih ang rilru put hmang chu a nei lo. Messia anga inchhâl chawpte ang lo takin, Messia dik tak a nihna a dinhmun chu chhuang takin a puangzâr lo va. A châng chuan mite chu a nihna leh a thiltihte mi dang hnêna sawi chhuak lo tûrin a khap a ni. (Mt. 12:15-21) Isua’n mite chu an thil hmuhte ṭanchhana a hnung zui tûra thu tlûkna an siam a duh a. A zirtîrte chuan an Lalpain vâna a kawm ṭhin vântirhkoh ṭha famkimte ang ni tûra a beisei lo chu an va hlâwkpui tak êm!
18 Leia lo kal tûra tirhna chu pawmin, Isua chu “Mihringte anga lo piangin, bâwih angah a insiam a, amah leh amah a intitlâwm ta zâwk a.” (19, 20. Engtin nge hmangaihna leh khawngaihna chuan Isua chu mite ṭanpui tûra chêttîr?
19 Isua Krista chuan hmangaihna—a Pa vâna mi mize bul ber—chu a lantîr bawk. (1 Joh. 4:8) Isua chuan a thu ngaithlatute chu hmangaihna avângin a zirtîr a ni. Entîr nân, rorêltu tlangvâl chunga a rilru put hmang hi lo ngaihtuah teh. (Marka 10:17-22 chhiar rawh.) Isua chuan “a hmangaih” a, amah ṭanpui chu a duh a ni; mahse, chu rorêltu tlangvâl chuan Krista hnung zui tûrin a hausakna tam tak chân chu a phal lo.
20 Mite ngainat hlawhtîrtu Isua mizia pakhat chu a khawngaihna hi a ni. Mihring ṭha famkim lo dangte ang bawkin, a zirtîrna pawmtute chuan buaina phûrrit chu an phûr a. Chu chu hriain, Isua chuan anni chu khawngaihna leh lainatnain a zirtîr a ni. Entîr nân: Ṭumkhat chu, Isua leh a tirhkohte chu an buai êm avângin chaw eina hun takngial pawh an nei lo va. Amaherawhchu, Isua’n mipui pungkhâwm a hmuh chuan engtin nge a tih? “Vêngtu nei lo berâmte ang an nih avângin a khawngaih ta êm êm a, thu tam tak a zirtîr ta a.” (Mk. 6:34) Isua chuan a thu hrilhna biala awm mite dinhmun khawngaihthlâkzia chu hriain, anmahni zirtîrna leh an tâna ṭangkai tûr thilmakte tihna kawngah a inhmang a ni. Ṭhenkhat chu a mizia ṭhate hîp leh a thusawite chêttîra awmin, a zirtîr an lo ni.
21. A dawta thuziakah eng nge kan sawiho vang?
21 A dawta thuziakin a târ lan angin, Isua lei lam rawngbâwlna aṭangin zir tûr tam tak kan la nei a. Missionary ropui ber Isua Krista chu eng kawng dangin nge kan entawn theih? (w08 2/15)
Engtin Nge I Chhân Ang?
• Isua’n leia a lo kal hmain eng zirtîrna nge a dawn?
• Engtin nge Isua zirtîr dân chu lehkhaziaktute leh Pharisaite zirtîr dân aiin a chungnun?
• Eng miziate’n nge Isua chu mite ngainat hlawhtîr?
[Zirlai Atâna Zawhnate]
[Phêk 19-naa milem]
Engtin nge Isua’n mipuite a zirtîr?