Pathian Ram Chu Eng Nge Ni?
Pathian Ram Chu Eng Nge Ni?
ISUA thu hrilh thupui ber chu eng nge ni? Isua ngei chuan Pathian Ram a nih thu min hrilh a ni. (Luka 4:43) Mite’n a thusawi an ngaihthlâk chuan chu ram a sawi lan chu an hre ngun hle ngei ang. Mite chu a ngaihna hre lovin emaw, hre thiam thei lovin emaw an awm em? Chu Ram chu eng nge a nih an zâwt em? A ngaihna hre lo an awm lo va, eng nge a nih tih lah an zâwt hek lo. Chanchin Ṭha ziak chuan chutiang zawhna an zawh thu a sawi lang lo. Chuti a nih chuan, Pathian Ram chu chutih hun laia mite tân chuan thil hriat tlânglâwn tak a ni em?
Judate’n thianghlim tak anga an ngaih hmân lai Pathian Lehkha Thu chuan chu Lalram chungchâng chu a sawi a, a nihna leh a thil tihhlawhtlin tûrte chu chiang takin a hrilhfiah bawk a ni. Tûn laiah hian Lalram chungchâng chu Judate zir ang thovin tam lehzualin kan zir thei a, Bible hmangin kan zir thei a ni. Bible-in Lalram chungchâng thu dik pasarih min zirtîrte chu i lo ngaihtuah ang u. A hmasa pathumte chu Isua hun lai leh a hun hmaa Judate tân hmuh theihin a awm reng tawh a ni. A dawttu pathumte chu kum zabi khatnaah khân Krista emaw, a zirtîrte emawin an rawn târ lang a. A tâwpna ber chu kan hunah a lo lang chiang a ni.
1. Pathian Ram chu sawrkâr tak tak, kumkhuaa ding reng tûr a ni. Bible-a hrilh lâwkna hmasa ber chuan Pathianin mi rinawmte hnênah chhanchhuaktu a tirh tûr thu a hriattîr a. “Thlah” tia a koh chuan Adama, Evi, leh Setana te helnain a thlen harsatna zawng zawngte chu a tibo vek ang. (Genesis 3:15) Rei tak hnuah, he “thlah,” a nih loh leh Messia chungchânga thil phûrawm tak mai chu Lal rinawm Davida hnêna hrilh a ni a. Chu Messia chuan Lalramah chuan ro a rêl ang. He sawrkâr hi sawrkâr dang zawng zawng aiin a danglam bîk ang a. Kumkhuain a awm reng ang.—2 Samuela 7:12-14.
2. Pathian Ram chuan mihring sawrkâr inawpna zawng zawng a rawn titâwp vek ang. Zâwlnei Daniela chu inlârna pêk a ni a, chutah chuan khawvêl thuneitu sawrkârte kan hun lai thlenga an inthlâk chhoh zêl dân tûr hmuhtîr a ni. Chu inlârnain a vâwrtâwp a thlen dân phûrawm tak mai chu lo chhinchhiah teh: “Chûng lalte [mihring rorêltu hnuhnûngte] nîah chuan vân Pathianin ram a rawn din ang a, chu chu a chhe ngai Daniela 2:44, 45) Chu Lalram chu sawrkâr tak tak a nih dâwn bâkah, sawrkâr awmchhun a ni bawk ang. *
tawh lo vang a, a lalna pawh mi dangte tân hnutchhiah a ni hek lo vang; hêng ram zawng zawngte hi a tikeh sawmin a tiral zâwk ang a, kumkhuain a ding reng ang,” tih chu. Chuvângin, he khawvêla lalram, a nih loh leh sawrkâr zawng zawng te chu, an indona te, awpbehna te, leh eirûkna te nên lam chuan kumkhua atâna tihboralin a awm dâwn a ni. Daniela hrilh lâwknain a târ lan angin, Pathian Ram chuan lei pum pui chungah ro a rawn rêl thuai dâwn a ni. (3. Pathian Ram chuan indo te, ṭâm te, thihna hial te pawh chu a titâwp ang. Bible hrilh lâwkna phûrawm takte chuan Pathian Ramin he leia a tih tûrte chu a târ lang a. Chu sawrkâr chuan mihring inawpna pâwlin a la tih ngai hauh loh emaw, a tih theih ngai hauh loh tûr emaw thil chu a tipuitling dâwn a ni. Han ngaihtuah teh—indona râlthuam zawng zawngte chu kumkhua atâna tihchhiat vek a ni tawh dâwn a nih chu! “Ani chuan indonate chu kâwlkil thlengin a tireh ṭhîn.” (Sâm 46:9) Doctor te, damdawi in te, a nih loh leh eng ang natna pawh chu a awm tawh dâwn lo. “Chu mi khuaa awm chuan ‘Ka dam lo ve,’ an ti lo vang.” (Is. 33:24) Ṭam a tla tawh lo vang a, ei tûr tlâkchhamna a awm tawh lo vang. “Leiah . . . hian, buh tam tak a awm ang.” (Sâm 72:16) Mitthi vui te, lumenna te, thlân te, damdawi ina ruang dahna te, a nih loh leh thihna nêna inkûngkaih hrehawm tawrhna te chu a awm tawh lo vang. Kan hmêlma hlun thihna chu a tâwpah chuan hnehin a awm tawh dâwn a ni. Pathian chuan “thihna chu a lem hlen ta; Lalpa PATHIAN chuan mi zawng zawng hmai ata chu mittuite a hru fai ang.”—Is. 25:8.
4. Pathian Ram chuan Pathian thlan Rorêltu a nei. Messia chu mahnia rorêl tûra inruat chawp a ni lo a, mihring ṭha famkim lote thlan tlin lah a ni hek lo. Pathian Jehova thlan liau liau a ni. Chu chu Messia leh Krista tih a nihna ngei chuan a târ lang. Chu thu mal pahnihte chu “Hriak Thiha” tihna ve ve a ni. Chuvângin, he Lal hi Jehova hriak thih, a nih loh leh dinhmun engemaw bîk chelh tûra a ruata chu a ni. Pathian chuan a chungchângah: “Ka chhiahhlawh, ka chelh reng, ka thlan, ka rilruin a lawm êm êma hi en teh u: a chungah ka thlarau ka dah ta; Jentailte hnêna pêk tûrin rorêlna thu a la chhuak ang,” tiin a sawi. (Isaia 42:1; Matthaia 12:17, 18) Kan mamawh zâwng Rorêltu chu min Siamtu aiin tuin nge hre thiam zâwk thei ang?
5. Pathian Rama Rorêltu chuan mi zawng zawngte hmâah a rorêltu nih a phuzia a târ lang tawh. Nazareth mi Isua chu hrilh lâwk Messia a ni tih a lo lang a. Pathian sawi chhûngkaw inthlah chhâwng aṭangin a lo piang a ni. (Genesis 22:18; 1 Chronicles 17:11; Matthaia 1:1) Kum zabi tam tak ata lo ziah tawh Messia chungchâng hrilh lâwkna tam tak chu leia a awm lai khân a tifamkim a. Vân aṭang pawhin Messia a nihzia târ lan a ni tawh bawk. Engtin nge? Pathian chuan vân aṭangin A fapa ngei a nih thu a rawn sawi a; vântirhkohte chuan Isua chu hrilh lâwk Messia a nih thu an sawi a; tin, Isua chuan mi za têl emaw, sâng têl emawte hmâah pawh thilmak a ti fo va, chûngte chu Pathian thiltihtheihna hmanga tih a ni tih a chiang hle. * Isua chuan eng ang Rorêltu nge a nih dâwn tih chu a tilang nawn fo ṭhîn. Mite ṭanpui tûra thiltihtheihna a nei mai ni lovin, chutianga ṭanpui duhna pawh chu a nei bawk a ni. (Matthaia 8:1-3) Mahni hma a sial lo va, khawngaihna a ngah a, a huaisenin, a inngaitlâwm hle a ni. Leia a awm laia a chanchin chu mi zawng zawng tân Bible-ah a awm vek a ni.
6. Pathian Ram chuan Krista rorêlpui tûr mi 1,44,000 a nei. Isua chuan a tirhkohte tiamin mi dangte chuan vânah amah nêna ro an rêl tûr thu a sawi a. Chûng pâwlte chu “pâwl tlêmte” tiin a ko a ni. (Luka 12:32) A hnuah tirhkoh Johana chu he pâwl tlêmte hi 1,44,000 an nih tûr thu hrilh a ni a. Anni chuan vânah hna thawh tûr phûrawm tak an nei dâwn a, Krista nên lal leh puithiam niin ro an rêl dâwn a ni.—Thu Puan 5:9, 10; 14:1, 3.
7. Vâna rorêl mêk tawh Pathian Ram chu he lei pum puia rorêl tûr hian a inpeih reng tawh a ni. He thutak hnuhnung ber hi kan zir theih thil phûrawm berte zînga mi a ni. Bible chuan Isua hnênah Lal thuneihna pêk a nih tawh thu fiahna tam tak min pe a. Tûnah chuan vânah ro a rêl tawh a, kan hun lai hian a rorêlna chu lei pum puiah hian a thlentîr thuai ang a, kan sawi tâk hrilh lâwkna ropui takte kha a rawn tifamkim dâwn a ni. Mahse, engtin nge Pathian Ram chuan tûnah ro a rêl mêk tih kan chian theih? Lei chungah hian eng hunah nge ro a rêl ṭan ang? (w08 1/1)
[Footnote-te]
^ par. 5 He hrilh lâwkna ang hrilh lâwknate’n a târ lan angin, Pathian Ram chu mi tam takte zirtîr an nih anga kan thinlunga awm tûr a ni lo.
^ par. 8 Entîr nân, Matthaia 3:17; Luka 2:10-14; Johana 6:5-14 chu en rawh.