Hmeichhe Naupang Thil Phal Tak

TUN hnai mai khân, Brazil rama hmeichhe naupang tê pakhat kum kaw mi chuan ama thuin a pawisa khâwl chu hmun hnihah a ṭhen a—dollar 18 leh dollar 25-in a ṭhen a ni. A tlêm zâwk chu kohhrana sum hman râl phuhrûk nân tualchhûng Kingdom Hall-a thawhlâwm bâwmah a thlâk a. A tam zâwk chu Jehova Thuhretute branch office-ah lehkha thawn tâwi tê nên a thawn a ni. A lehkha thawnah chuan: “He thawhlâwm hi khawvêl pum huap rawngbâwlna atân thawh ka duh a. Khawvêl puma unau tam takte chanchin ṭha hrilh thei tûra ṭanpui chu ka châk a ni. He thawhlâwm hi Pathian Jehova ngainatna leh hmangaihna nasa tak nên ka thawh a ni,” tiin a ziak a ni.

He hmeichhe naupang nu leh pate hian Lalram thu hrilhnaa tel ve a pawimawhzia an zirtîr a. A thinlungah ‘a suma Jehova chawimawi’ a pawimawhzia an tuhsak bawk a ni. (Thufingte 3:9) He hmeichhe naupang tê ang hian, tualchhûng leh khawvêl puma Lalram rawngbâwlnaah ṭhahnemngai takin i tel ṭheuh ang u! (w09 11/15)