I Ṭawngṭainain I Chungchâng Eng Nge A Târ Lan?
I Ṭawngṭainain I Chungchâng Eng Nge A Târ Lan?
“Aw ṭawngṭaina ngaithlatu, i hnênah tîsa zawng zawng chu an lo kal ang.”—SAM 65:2.
1, 2. Engvângin nge Pathian Jehova chhiahhlawhte chu rin tlatna nêna a hnêna an ṭawngṭai theih?
PATHIAN Jehova chuan a chhiahhlawh rinawmte ṭawngṭaina a ngaithla lo ngai lo. Chuvângin, min ngaithla ngei dâwn tih kan ring tlat thei a ni. Jehova Thuhretu maktaduai tam takte chu an awmhmun ṭheuhvah a rualin ṭawngṭai mah se, Pathian Jehova chuan an ṭawngṭaina chu a hre vek thei tho a ni.
2 Pathianin a ṭawngṭaina a ngaithla ngei tih a rin tlat avângin, fakna hla phuahtu Davida chu: “Aw ṭawngṭaina ngaithlatu, i hnênah tîsa zawng zawng chu an lo kal ang,” tiin a zai a ni. (Sâm 65:2) Davida chu Pathian Jehova betu rinawm tak a nih avângin, a ṭawngṭaina chhân a ni a. Hetiang hian kan inzâwt ve tûr a ni: ‘Ka ṭawngṭaina chuan Pathian Jehova ka rinchhan tlat a ni tih leh biakna dik chu ka thil ngaih pawimawh ber a ni tih a târ lang em? Ka ṭawngṭaina chuan ka chungchâng eng nge a târ lan?’ tiin.
Inngaihtlâwmna Nên Pathian Jehova Hnênah Ṭawngṭai Rawh
3, 4. (a) Eng rilru pu chungin nge Pathian hnênah kan ṭawngṭai ang? (b) Kan thil sual tih engemaw avângin kan “ngaihtuahnate” chuan min tibuai viau ta se, eng nge kan tih ang?
3 Chhân ni tûr chuan inngaihtlâwmna nêna kan ṭawngṭai a ngai a. (Sâm 138:6) Davida’n: “Aw Pathian, ngun takin mi en chhuak la, ka thinlung hi hria ang che: mi fiah la, ka ngaihtuahnate hi hria ang che: tin, keimahah hian suahsualna kawng rêng rêng a awm nge awm lo, en la, chatuan kawngah chuan mi hruai ang che,” a tih ang hian keini pawhin Pathian Jehova chu min enfiah tûrin kan sâwm ve tûr a ni. (Sâm 139:23, 24) Ṭawngṭai mai duh tâwk lovin, Pathian endikna leh a Thu-a fuihnate hnuaiah chuan i intulût bawk ang u. Pathian Jehova chuan chatuan nunna kawng zawh tûra min ṭânpuiin, “chatuan kawngah” chuan min hruai thei si a.
4 A nih leh, kan thil sual tih engemaw avângin kan “ngaihtuahnate” chuan min tibuai viau ta se engtin nge ni ang? (Sâm 32:1-5 chhiar rawh.) Ṭhâl rumin thing hnâwnna a tihbo ang maiin, mahni inthiam lohna rilru thunun tumna chuan min tichau hle thei a ni. Davida chuan a thil sual tih avângin hlimna a hloh a, a dam loh phah hial ni pawhin a lang. Mahse, Pathian hnêna a inpuanna chuan hahdamna a va pe tak êm! ‘A bawhchhiatna ngaihdam a ni a,’ Pathian Jehova’n a ngaidam tih a hriat huna Davida lâwm dân tûr chu han ngaihtuah teh. Pathian hnêna sual inpuanna chuan hahdamna a thlen thei a; tin, Kristian upate ṭanpuina chuan thil sual titu chu Pathian Jehova nêna an inlaichînna siam ṭha tûrin a ṭanpui thei bawk a ni.—Thuf. 28:13; Jak. 5:13-16.
Pathian Hnênah Dîlin, Lawmthu Sawi Rawh
5. Pathian Jehova hnêna dîl tih awmzia chu eng nge ni?
5 Thil engemaw avânga kan mangan viau chuan Paula fuihna thu: “Engah mah mangang suh u; engkimah ṭawngṭai leh dîlin, lâwmthu hril tel zêlin, in duhnate chu Pathian hnênah hriattîrin awm zâwk rawh se,” tih chu kan nunpui tûr a ni. (Phil. 4:6) Dîl tih chu “inngaitlâwm taka ngên” tihna a ni a. A bîk takin, hun hlauhawm emaw, tihduhdahna emaw kan tawh hunah Pathian Jehova ṭanpuina leh kaihhruaina chu kan dîl lehzual tûr a ni.
6, 7. Engvângin nge kan ṭawngṭainaah lâwm thu sawina kan telh ang?
6 Mahse, thil engemaw kan mamawh hunah 1 Chro. 29:11-13.
chauh ṭawngṭai ta ila, chu chuan Pathian Jehova nêna kan inlaichînna chungchâng eng nge a târ lan dâwn? Paula chuan kan dîlnate chu Pathian hnênah “lâwmthu hril tel zêlin” kan thlen tûr a ni tih min hrilh a ni. Keini pawhin, “Aw, LALPA, ropuina te, thiltihtheihna te, chawimawina te, hnehna te, lalna te hi i ta a ni a; lei leh vâna awm zawng zawng hi i ta a ni si a; aw LALPA, ram chu i ta a ni a, mi zawng zawnga chungnung ber i ni. . . . Kan Pathian, lâwm thu kan hrilh chia, i hming ropui hi kan fak e,” tia sawi chhuaktu Davida ang bawka lâwm chhan tûr kan nei ve a ni.—7 Isua chuan chaw atân leh Lalpa Zanriaha an hman chhang leh uain atân Pathian hnênah lâwm thu a sawi a. (Mt. 15:36; Mk. 14:22, 23) Chutiang bawka lâwm thu kan sawi mai bâkah, “mihring fate chunga a thilmak tihte” avâng te, a “rorêl felte” avâng te, a thu, a nih loh leh Bible-a kan hmuh a thuchah te avângin Jehova hnênah ‘lâwm thu kan sawi’ tûr a ni.—Sâm 107:15; 119:62, 105.
Mi Dangte Tân Ṭawngṭai Rawh
8, 9. Engvângin nge kan Kristian unaute tân kan ṭawngṭai ang?
8 Mahni tân chuan kan ṭawngṭai ṭhîn ngei mai; mahse, mi dangte—an hming kan hriat kher loh Kristiante tân pawh—kan ṭawngṭai bawk tûr a ni. Tirhkoh Paula chuan Kolossa khuaa ringtute chu hre vek kher lo mah se, hetiang hian a ziak a: “Krista Isua in rinzia leh mi thianghlim zawng zawngte chunga hmangaihna in neihzia kan lo hriat achin in tâna ṭawngṭai fovin, Pathian kan Lal Isua Krista Pa hnênah chuan lâwmthu kan hril ṭhîn,” tiin. (Kol. 1:3-5) Paula chu Thessalonika khuaa Kristiante tân pawh a ṭawngṭai bawk. (2 Thes. 1:11, 12) Chutianga ṭawngṭaina chuan kan chungchâng leh rinnaa kan unaute kan thlîr dân a târ lang nasa hle a ni.
9 Hriak thih Kristiante leh an ṭhian “berâm dang” tâna kan ṭawngṭaina chuan Pathian inawpna pâwl hmakhua kan ngaihzia a târ lang bawk. (Joh. 10:16) Paula chuan a chibaibûkpuite chu ‘chanchin ṭha thuruk huai taka a puan’ theih nâna amah ṭawngṭaisak tûrin a ngên a ni. (Eph. 6:17-20) Chutiang chuan Kristian dangte tân kan ṭawngṭai ve ṭhîn em?
10. Mi dangte tâna ṭawngṭaina chuan engtin nge min nghawng theih?
10 Mi dangte tâna ṭawngṭaina chuan an chunga kan rilru put dân pawh a thlâk thei a. A mi mal taka kan ngainat vak loh tuemaw tâna kan ṭawngṭai tlat chuan, ani chu engtin nge kan hmangaih loh theih tehrêng ang? (1 Joh. 4:20, 21) Chutiang chi ṭawngṭaina chuan mi a tichak a, unaute inkârah inremna a awmtîr a ni. Chu bâkah, Krista neih ang hmangaihna kan neihzia a târ lang bawk. (Joh. 13:34, 35) Chu mizia chu Pathian thlarau rah pêng pakhat a ni a. Pathian Jehova hnênah thlarau thianghlim kan dîlin, a rah pêng chi hrang hrang hmangaihna te, hlimna te, remna te, dawhtheihna te, ngilneihna te, ṭhatna te, rinawmna te, thuhnuairawlhna te, leh insûmtheihna te kan lan chhuahtîr theih nâna min ṭanpui tûrin kan ṭawngṭai em? (Lk. 11:13; Gal. 5:22, 23) Kan ṭawngṭai a nih chuan, kan ṭawngkam leh thiltih chuan thlarauva kan awm leh kan nunzia a lantîr ang.—Galatia 5:16, 25.
11. Engvângin nge min ṭawngṭaisak tûra mi dangte ngen chu thil inâwm tak a ni kan tih theih?
2 Kor. 13:7) Chutianga inngaitlâwm taka ṭawngṭaina chuan Pathian Jehova a tilâwm a, kan hming a tiṭha bawk. (Thufingte 15:8 chhiar rawh.) Keini pawhin, tirhkoh Paula tih ang bawkin, mi dangte chu min ṭawngṭaisak tûrin kan ngên thei a ni. Ani chuan: “Min ṭawngṭaisak rawh u; engkimah fel taka awm tumin, chhia leh ṭha hriatna thiang tak kan nei tih dik takin kan inhre si a,” tiin a ziak a ni.—Heb. 13:18.
11 Kan fate chu school-a an exam-naa entawn tûra thlêm an ni tih kan hriat chuan, an tâna kan ṭawngṭai bâkah, thil sual engmah ti lova, rinawm taka thil an tih theih nân Bible aṭangin fuihna kan pe tûr a ni bawk. Paula chuan Korinth khuaa Kristiante hnênah chuan: “Thil rêng rêng in tihsual lohna tûrin Pathian hnênah kan dîl ṭhîn,” tiin a hrilh a ni. (Kan Ṭawngṭainain A Târ Lan Belhte
12. Kan ṭawngṭainaah eng thute hian nge hmun pawimawh tak a luah ang?
12 Kan ṭawngṭaina chuan Jehova Thuhretu ṭhahnemngai tak leh hlim tak kan ni tih a târ lang em? Kan dîlnate chuan Pathian duhzâwng zui te, Lalram chanchin hrilh te, Pathian Jehova lal chungnunna thiam chantîrna te, leh a hming tihthianghlimna te chu a dah pawimawh ber em? Isua’n Lal ṭawngṭainaa min zirtîr angin, hêngte hian kan ṭawngṭainaah hmun pawimawh tak a luah tûr a ni: “Kan Pa vâna mi, i hming zahawm rawh se. I ram lo thleng rawh se. I duhzâwng vâna an tih angin, leia mi’n ti rawh se,” tihte hian.—Mt. 6:9, 10.
13, 14. Kan ṭawngṭaina chuan kan chungchâng eng nge a târ lan?
13 Pathian hnêna kan ṭawngṭaina chuan kan thinlung veizâwng, kan tuizâwng, leh kan châkzâwng te a târ lang a. Pathian Jehova chuan chhûng lama kan nihna dik tak a hre chiang hle a ni. Thufingte 17:3 chuan: “Tihthianghlimna bêl chu tangkaraw tân a ni a, rawhtuina chu rangkachak tân a ni a, thinlung erawh chu LALPAN a fiah ṭhîn,” tiin a sawi. Pathian chuan kan thinlunga thil awm chu a en ṭhîn. (1 Sam. 16:7) Kan inkhâwmna te, kan rawngbâwlna te, leh thlarau lama kan unaute kan thlîr dân chu a hre vek a. Tin, Krista unaute chunga kan rilru put dân pawh a hre vek bawk. (Mt. 25:40) Ṭawngṭainaa kan thil dîlte chu kan duh tak zet nge ni a, ngaihtuah chiang mang lovin kan sawi ngai kan sawi ve mai mai tih a hria a ni. Isua chuan: “In ṭawngṭaiin Jentailte angin sawi nawn mai mai suh u; an ṭawng tam avângin hriain an ring [sual] a ni,” tiin a sawi a ni.—Mt. 6:7.
14 Ṭawngṭainaa kan thu chhamte chuan Pathian chunga kan innghah dân pawh a târ lang bawk. Davida chuan: “Nang chu ka tân humhimna, dotute lakah râlvên in sâng nghet tak i ni si a. I puan inah chuan kumkhuain ka awm ang a: i thla hnuai bihrûkna hmunah chuan ka tlulût ang” tiin a sawi a ni. (Sâm 61:3, 4) Pathianin kan chunga entîr nei ‘a puan in a zâr’ chuan, himna leh a vênhimna kan nei a ni. (Thup. 7:15) Pathian Jehova chu ‘kan lamah a ṭang’ tih hre tlat chunga rinna fiahna kan tawh huna a hnêna ṭawngṭai chu a va thlamuanthlâk tak êm!—Sâm 118:5-9 chhiar rawh.
15, 16. Ṭawngṭaina chuan kohhran rawngbâwlnaa chanvo chelh kan châkna chungchângah eng thil nge hre chhuak tûra min ṭanpui theih?
15 Kan rilru put hmang chungchânga inhawng taka Pathian Jehova hnêna ṭawngṭaina chuan kan rilru put hmang dik tak hre thiam thei tûrin min ṭanpui thei a. Entîr nân, Pathian mite enkawltu chanvo chelh kan châkna chu, Lalram hmakhua ngaia theih tâwp chhuaha mi dangte ṭanpui duhna rilru inngaitlâwm tak aṭanga lo chhuak a ni tak zet em? Nge ni a, mi dangte zînga ‘chungnun kan duh’ vâng emaw, ‘an chunga lal’ nih hial kan duh vâng emaw 3 Joh. 9, 10; Lk. 22:24-27 chhiar rawh.) Rilru put hmang dik lo kan neih chuan, Pathian Jehova hnêna inhawng taka ṭawngṭaina chuan chûng chu a hai lang theiin, chutiang rilru kan put ngheh lutuk hmaa inthlâkthleng tûrin min ṭanpui thei a ni.
zâwk? Chu chu Pathian Jehova mite zînga thil nih dân tûr a ni lo. (16 Kristian nupuite chuan an pasalte chu kohhranho rawngbâwltu ni a, a hnua hotu, a nih loh leh upa rawn ni chho tûrin an duh hle mai thei a. Chûng unaunute chuan ṭawngṭainaa an chham chhuah an rilru veizâwngte mila nun tumin entawn tlâk nih an tum tlat thei a ni. Chu chu thil pawimawh tak a ni; unaupa kohhranin a en dân chu a chhûngkaw zînga mite ṭawngkam hman leh nungchangin a hril si a.
Vântlâng Hmaa Ṭawngṭaina
17. Engvângin nge mi mala ṭawngṭai nân hmun fianrial a duhawm?
17 Isua chuan a Pa hnêna ṭawngṭai tûrin hmun fianrial a pan ṭhîn a. (Mt. 14:13; Lk. 5:16; 6:12) Keini pawhin chutiang hmun chu kan mamawh ve a ni. Hmun fianriala rilru fîm taka kan ṭawngṭai chuan Pathian Jehova lâwmzâwng leh kan thlarau lam tâna ṭha tûrzâwng thu tlûkna kan siam ngei a rinawm. Mahse, Isua chu vântlâng hmaah pawh a ṭawngṭai bawk a, vântlâng hmaa inâwm leh mawi taka ṭawngṭai dân ngaihtuah chu a ṭha a ni.
18. Kohhran aiawha vântlâng hmaa ṭawngṭaina nei unaupate chuan eng thil ṭhenkhatte nge rilruah an vawn reng ang?
18 Kan inkhâwmnaahte chuan, mipa rinawmte chu kohhran aiawhin vântlâng hmaah an ṭawngṭai ṭhîn a. (1 Tim. 2:8) An rinpui dangte chuan chutiang ṭawngṭaina tâwpah “ni rawh se” tihna “amen” tih chu an sawi thei tûr a ni. Mahse, chutianga lo ti tûr chuan ṭawngṭaitu thu chham chu an pawmpui tûr a ni. Isua zirtîr Lal ṭawngṭainaah chuan mi mak tih tûr chi emaw, mi rilru tina tûr chi emaw engmah a tel lo. (Lk. 11:2-4) Chu bâkah, a ngaithlatute mi mal mamawh zawng zawng emaw, harsatna zawng zawng emaw pawh a sawi kim vek kher lo bawk. Mi mal thilte chu vântlâng hmaa ṭawngṭainaah ni lovin, mi mal ṭawngṭainaa telh a inhmeh zâwk a ni. Tin, vântlâng hmaa ṭawngṭai rêng rêngin, thurûk lam chite chu kan telh tûr a ni lo.
19. Vântlâng hmaa ṭawngṭaina neih a nih laiin engtin nge kan lo awm ang?
19 Ṭawngṭaina ngaithlatu mipui zînga mi kan nih chuan, ‘Pathian ṭihna’ ṭha kan lo lantîr a ngai a. (1 Pet. 2:17) A hun leh hmun a zira mawihnai tak ni thei, Kristian inkhâwmnaa tih atâna mawi si lo thiltih ṭhenkhat a awm thei a. Entîr nân, tuemaw chuan ṭawngṭai laiin, mipuite chu kut inbahtîr emaw, invawntîr emaw tum ta se. Chu chuan kan rinna min ṭâwmpui lo, kan inkhâwm rawn chhimtute pawh tiamin, mi ṭhenkhat a tilungni lo emaw, a tibuai emaw thei a. Nupa ṭhenkhat chu mawihnai takin kut an lo invawnsak thei a; mahse, an inkuah tlat mai chuan a lo hmu zawrtu mi ṭhenkhat chu a titlu thei a ni. Anni chuan Pathian Jehova zahna lantîr lam ai mahin an nupa inhmangaihna lam an ngai pawimawh zâwk angah an ngai emaw, ngaih dân an siam emaw thei a ni. Chuvângin, amah kan zahna thûk tak avângin, engkim ‘Pathian ropuina tûr hlîra’ tiin, mi dangte rilru la pêng thei, mak tihtîr thei, a nih loh leh tlûktîr thei thil engpawh chu i pumpelh ang u.—1 Kor. 10:31, 32; 2 Kor. 6:3.
Eng Nge Kan Dîl Ang?
20. Rom 8:26, 27 thu hi engtin nge i hrilhfiah ang?
20 A châng chuan, mahnia kan ṭawngṭai hian sawi tûr bîk pawh kan hre lo mai thei. Paula chuan: “Engtia ṭawngṭai tûr nge tih kan hre si lo va; nimahsela thlarau [thianghlim] chuan rûm sawi hleih theih lovin min ṭawngṭaisak ṭhîn. Tin, . . . rilrute entu [Pathian] chuan thlarau duhzâwng chu a hre ṭhîn a ni,” tiin a ziak a. (Rom 8:26, 27) Pathian Jehova chuan Bible-ah ṭawngṭaina tam tak a lo chhinchhiah a. Chûngte chu kan ṭawngṭaina angah min pawmsakin, a tipuitling a ni. Pathian chuan keimahni min hriat chian bâkah, Bible ziaktute kal tlanga a thlarau a sawitîr thute awmzia pawh a hre bawk. Thlarauvin min “ṭawngṭaisak,” a nih loh leh min dîlsak hun chuan Pathian Jehova chuan min chhâng ṭhîn. Mahse, Pathian Thu kan hriat bel hnu chuan kan dîl tûr chu amahin a lo lang nghâl tawh mai ṭhîn dâwn a ni.
21. A dawta thuziakah eng nge kan bih chian ang?
21 Kan hriat tâk angin, kan ṭawngṭaina chuan kan chungchâng thu tam tak a sawi a. Entîr nân, Pathian Jehova kan hnaih dân te, a Thu kan hriat chian dân te a târ lang thei a ni. (Jak. 4:8) A dawta thuziakah chuan Bible-a chhinchhiah ṭawngṭaina ṭhenkhat leh tih tak zeta thu chham chhinchhiahte kan bih chiang ang. Chutianga Bible bih chianna chuan Pathian hnêna kan ṭawngṭaina chu eng ang takin nge a nghawng ang? (w09 11/15)
Engtin Nge Kan Chhân Ang?
• Eng rilru pu chungin nge Pathian Jehova hnênah kan ṭawngṭai ang?
• Engvângin nge kan rinpuite tân kan ṭawngṭai ang?
• Kan ṭawngṭaina chuan keimahni leh kan rilru put hmang chungchâng eng nge a târ lan theih?
• Vântlâng ṭawngṭaina neih laiin engtin nge kan lo awm ang?
[Zirlai Atâna Zawhnate]
[Phêk 11-naa milem]
Pathian Jehova chu i fak ziahin, a hnênah lâwm thu i hrilh ziah em?
[Phêk 13-naa milem]
Vântlâng ṭawngṭai laia kan awm dân chuan Pathian Jehova a chawimawi tûr a ni