Isua’n Mi Tam Tak Tân A Nun A Pe

Isua Krista chuan a hnungzuitute hnênah leia a lo kal chhan chu ‘rawngbâwlsaka awm tûr ni lovin, rawngbâwl tûr leh mi tam tak tlan nâna a nun pêk’ a nih thu a hrilh a. (Matthaia 20:28) A nunna chu mi dangte hlâwkpui atân phal takin a pe a ni.

Engtin nge Isua chuan a thihna hmangin tlanna a pêk? Engvângin nge chu chu thil ṭûl a nih? Tute tân nge Isua’n a nun a hlan? A thihna Chuan i tân eng awmzia nge a neih?

Jehova Thuhretute chuan hêng zawhnate Bible-in a chhân dân bih chiang tûrin phûr takin an sâwm che a ni. Kumin chuan, Isua thih champha chu Thawhlehni, March 30, ni tlâk hnuah a thleng a. Chu mi hunah chuan, a chunga zawhnate Bible chhân dân chu sawi lan a ni ang.

Kingdom Hall i hnaih berah i tel thei ang a. A hun leh hmun hre chiang tûrin tualchhûnga Jehova Thuhretute be pawp ang che.