Mihring hmasa ber Adama chu kum za tam tak a dam a. Mahse, a tâwpah chuan a lo tarin a thi ta a ni. Chuta ṭang chuan mite chuan tar lo tûrin kawng tam tak an dap a. Tûn thleng hian thihna pumpelh thei tumah an la awm lo. Engvângin nge? Adama chu Pathian thu awih lova thil sual a tih avângin a tarin, a thi a. Keini pawh Adama sual kan rochun avângin kan tarin, kan thi a ni.—Genesis 5:5; Rom 5:12 chhiar rawh.

Chatuana nunna kan neih nân min tlantu tûr kan mamawh a. (Joba 33:24, 25) Tlanna chu mi tuemaw chhuah zalen nâna man pêk a ni a, keimahniah chuan thihna ata chhuah zalen kan mamawh a ni. (Exodus 21:29, 30) Isua chuan kan tâna a thih khân, chu tlanna chu a pe a ni.—Johana 3:16 chhiar rawh.

Mi zawng zawng chu natna leh tarna lak ata an fihlîm vek dâwn lo. Adama anga Pathian thu awih lotute chu an nung lo vang a. An sual ngaidamte chauh chu chatuanin an nung ang.—Isaia 33:24; 35:3-6 chhiar rawh.

Ngaihdam ni tûr chuan, hma kan lâk ngei a ngai a. Pathian chu a Thu, Bible zir a, kan hriat chian a ngai a ni. Chu chuan nun kawng ṭha zâwk neih theih dân te, Pathian duhsak hlawh theih dân te leh chatuanna nunna neih theih dânte pawh min zirtîr a ni.—Johana 17:3; Tirhkohte 3:19 chhiar rawh. (w13-E 07/15)