Inneihna hlimawm nei tûra Bible thurâwn a ṭangkai chhan chu, inneihna Bul Ṭantu, Pathian Jehova hnên aṭanga chhuak a nih vâng a ni. Bible chuan inneihna hlimawm siamtu miziate a zirtîr bâkah, tichhetu rilru put hmangte lakah pawh min vaukhân a. Inneihnaa hlimna belhchhahtu thiam taka inbiak pawh dân pawh a zirtîr bawk a ni.—Kolossa 3:8-10, 12-14 chhiar rawh.

Nupate chu an inchawimawi tawnin, an inzah tawn tûr a ni a. Inneihnaa Pathian pêk an chanvo ṭheuh an hlen hian an hlim dûn thei a ni.—Kolossa 3:18, 19 chhiar rawh.

Nupate chu an inhmangaih chuan an tân khawsak dûn a awlsam ṭhîn a. Pathian chuan inhmangaih dân tûr min zirtîr a. Amah leh a Fapa, Isua chu mahni hmasial lo hmangaihna kawnga entawn tûr ṭha famkim an ni.—1 Johana 4:7, 9, 19 chhiar rawh.

Nupate chuan inneihna hi Pathian ruahmanna anga thlîra an zah hian, an khawsa dûn ngei ang. Pathianin chhûngkuate vênhim a nih theih nân mipa leh hmeichhe inkâra inzawmna nghet ni reng tûrin inneihna chu a siam a. Nupate chu tisa lam leh rilru lama inrinchhan tawna inkawp tlat tûra a siam avângin, inneihna chu a nghet thei a ni. Tin, anni chu a hmangaihna entawn thei tûrin ama anpuiin a siam bawk a ni.—Genesis 1:27; 2:18, 24 chhiar rawh. (w13-E 09/01)