A KAWM THU | I TANA PATHIAN THILTIH CHU
I Hmaih Hauh Loh Tûr
Isua chuan a nun a hlan hma zân khân, a hnungzuitu rinawmte hnênah a inthawina chu hre reng tûr, a nih loh leh hmang ṭhîn tûrin a hrilh a. An hmaa awm chhang dawidim telh loh leh uain sen chuan Zanriah Hnuhnung, a nih loh leh Lalpa Zanriah tia hriat chu a hmanpui a: “Mi hriat reng nân hei hi ti ṭhîn rawh u,” tiin thu a pe a ni.—Luka 22:19.
Kum tinin khawvêl puma Jehova Thuhretute chuan Isua thih hriatrengna chu a champha a thlen hunah an hmangho ṭhîn a. Kum 2014-ah hian chu Hriatrengna chu Thawhṭanni, April 14, ni tlâk hnuah neih a ni ang.
He inkhâwmnaa tel tûr hian duhsak takin kan sâwm che a, chutah chuan Isua thihna pawimawhna tam lehzual sawi a ni ang. He inkhâwmnaah hian engmah chawi a ngai lo va. Thawhlâwm khawn a awm lo bawk. He magazine petu che hian in vêng chhûnga Hriatrengna neihna hmun leh hun tûr chu a hrilh thei ang che, a nih loh leh kan Web site, jw.org-ah pawh i hmu thei ang. Khawngaihin chhinchhiah la, i hmaih loh ngei kan beisei. (w14-E 03/01)