Hmêlma Hnuhnûng Ber, Thihna Chu Tihbo A ni Ang
“Hmêlma hnuhnûng ber tihbova awm tûr chu thihna hi a ni.”—1 KOR. 15:26.
1, 2. Adama leh Evi chu atîrah eng dinhmunah nge an awm a, eng zawhnate nge lo chhuak?
ADAMA leh Evi chuan siam an nih lai khân hmêlma an nei lo va. Paradis-a chêng mihring ṭha famkim an ni. Anmahni Siamtu fapa leh fanu anga awmin, inlaichînna hnai tak an nei a ni. (Gen. 2:7-9; Lk. 3:38) Pathian chuan hna pawimawh tak a pe a. (Genesis 1:28 chhiar rawh.) Hun engemaw chen hnuah chuan ‘leilung hi an luah khat’ thei dâwn a ni. Mahse, ‘thil nung leia bawkvâka kal zawng zawng chunga thu nei’ zawm zêl tûr chuan chatuana an nun a ngai ang. Pathianin hna a pêk chu chatuanin an thawk thei dâwn a ni.
2 Engvângin nge tûnah hian dinhmun a danglam hle si? Engtin nge hlimna dâltu hmêlma an tam tâk viau va, engtin nge hmêlma lian ber chu thihna a nih? Hêng hmêlmate hi tiboral tûrin Pathianin eng nge a tih ang? Hêng zawhnate leh a kaihhnawih zawhnate chhânna chu Bible-ah hmuh theih a ni. A pawimawh lai ṭhenkhatte chu i lo bih chiang ang u.
HMANGAIH TAKA VAUKHANNA
3, 4. (a) Pathianin Adama leh Evi hnênah eng thu nge a pêk? (b) Chu thupêk zawm chu eng angin nge a pawimawh?
3 Adama leh Evi chuan chatuana nun theihna nei mah se, thi thei lova siam an ni lo. Nung zêl tûr chuan, an thâwk a, thil an in leh an ei a, an mut a ngai dâwn a. Chu aia pawimawh zâwk chu Nunna-Petu, Jehova nêna an inlaichînna chu a ni. (Deut. 8:3) Nung zêl tûr chuan Pathian kaihhruaina an pawm a pawimawh dâwn a ni. Chu chu Jehova chuan Evi a siam hma pawh khân Adama hnênah a hrilh chiang hle. Engtin nge? “LALPA Pathian chuan mihring hnênah chuan, ‘Huana thing tinrêng rahte hi i duh duhin i ei thei e; a chhia leh a ṭha hriatna thing rah erawh hi chu i ei tûr a ni lo: i ei chuan i ei nî la lain i thi ngei tûr a ni,’ tiin thu a pe,” a ni.—Gen. 2:16, 17.
4 “A chhia leh a ṭha hriatna thing rah” chuan Pathianin thil ṭha leh ṭha lo thliar hrang tûra dikna a neih chu a târ lang a. Adama chu Pathian anpui, a ṭha leh ṭha lo thliar hrang theia siam a nih avângin, ani chuan a chhia leh a ṭha hriat hran theihna a nei a ni. Adama leh Evi tân chuan thing chu Jehova kaihhruaina an mamawh reng dâwn tih lantîrna a ni a. An tân chuan thing rah eina chu rilru lama inlâk hranna a ni thei a, chu chuan an mahni leh an thlah chhawng zêlte chungah chhiatna nasa tak a thlen thei bawk. Pathianin thu a pêk bâkah, a thupêk an âwih loh huna hremna an tawh tûr a hrilh lâwkna chuan an kawng zawh a pawimawhzia a târ lang a ni.
MIHRING CHHUNGKUAIN THIHNA AN TAWRH ṬAN DAN
5. Engvângin nge Adama leh Evi chuan Jehova thu an âwih loh?
5 Evi siam a nih hnuah Adama chuan Pathian thupêk a hrilh chhâwng a. Chu chu a hre chiang hle a, dik takin a sawi chhâwng thei a ni. (Gen. 3:1-3) Rûl anga a hnêna inlan, thil siam fing vervêk tak hnênah chutiang chuan a sawi chhâwng a. Rûl phêna awm chu Diabol Setana, inlâk hran duh leh thiltihtheihna neih duhtu Pathian thlarau lam fa a ni. (Jakoba 1:14, 15 nên khaikhin rawh.) A thil sual tih chu tih hlawhtlin nân, dâwt sawiah Pathian a puh a. Pathian laka a inlâk hranna chuan thihna thlen lovin, Pathian ang a lo ni zâwk dâwn tih Evi hnênah a tiam a ni. (Gen. 3:4, 5) A thusawi chu Evi’n a âwih a, inlâk hranna lantîrin thei chu a ei a, Adama pawh ei ve tûrin a hmin a. (Gen. 3:6, 17) Diabola chuan dâwt a sawi a ni. (1 Timothea 2:14 chhiar rawh.) Chuti chung pawhin, Adama chuan ‘[a] nupui thu a zâwm’ ta a. Rûl chu ṭhian angin a lang pawh a ni thei, a nihna takah chuan Diabol Setana chu hmêlma nunrâwng, Evi hnêna thurâwn a pêkin a nghawng tûr hre chiangtu a ni.
6, 7. Engtin nge Jehova chuan thil sual titute chu ro a rêlsak?
6 Adama leh Evi chu nunna petu leh an thil neih dang zawng zawng pawh petu lakah chuan an hel ta a. Jehova chuan thil thlengte chu a hre vek a ni. (1 Chro. 28:9; Thufingte 15:3 chhiar rawh.) Chu thil sual tihnaa inhnamhnawih pathumte chuan a laka an rilru put hmang an lantîr a phalsak a. Pa ber a nih angin, Jehova chu a rilru a na hle. (Genesis 6:6 nên khaikhin rawh.) Mahse, rorêltu angin, thil sual titute chungah chuan ro a rêl a ngai ta a ni.
7 Pathian chuan Adama chu: “[A chhia leh a ṭha hriatna thing rah] i ei nî la lain i thi ngei tûr a ni,” tiin a hrilh tawh a. Adama chuan chu “nî” chu dârkâr 24 chhûng ni tûrin a hre thiam a ni ngei ang. Pathian thupêk a bawh chhiat hnu chuan ni tlâk hma ngeia Gen. 3:8) Dik taka rorêltu a nih angin, an thil sawi tûr chu a ngaithla hmasa a ni. (Gen. 3:9-13) Chu mi hnu chuan thil sual titute chu thiam loh a chantîr ta a. (Gen. 3:14-19) Anni chu tihlum nghâl se chuan, Adama leh Evi, bâkah an thlahte tâna a thutiam chu a thleng dik thei lo vang. (Is. 55:11) An thil sual tihin nghawng nei nghâl mah se, Jehova chuan Adama leh Evi chu hma lam hun ṭha zawk nei thei tûr fate an neih thenga an dam a phalsak a ni. Chuvângin, Pathian thlîrna aṭang chuan, thil sual an tih nî aṭang khân Adama leh Evi chu an thi tawh a; ‘ni’ khat, kum 1,000 chhûng chuan an thi ta ngei a ni.—2 Pet. 3:8.
hremna a tawh a beisei a ni thei bawk. Jehova chuan ‘tlai ni nemah’ nupate chu a be ta a. (8, 9. Engtin nge Adama thlahte chu a sualnain a nghawng? (A thupui chunga milem en rawh.)
8 Adama leh Evi fate chu an nu leh pate thiltih chuan a nghawng ang em? Ni e. Rom 5:12 chuan: “Mi pakhat avângin sual khawvêlah a lût a, sual avângin thihna a lût bawk a, chutiang bawkin mi zawng zawngin thil an lo tihsual avângin thihnain mi zawng zawng a fan chhuak ta a,” tiin a hrilhfiah a ni. Thi hmasa ber chu mi rinawm Abela a ni. (Gen. 4:8) Tichuan, Adama thlah dangte chu an tar a, an thi ta zêl a. Sual leh thihna an rochung em? Tirhkoh Paula chuan heti hian a chhâng a ni: “Mi pakhat tihmawh avâng khân mi tam tak chu mi sual an lo ni ta a,” tiin. (Rom 5:19) Adama hnêna aṭanga rochun sual leh thihna chu mihring ṭha famkim lote’n an tlânsan theih loh hmêlma nunrâwng tak a lo ni ta a. Adama thlah zawng zawngte’n an thil rochuna tel chu kan hrilhfiah vek thei lo va, mahse inhlan chhâwn zêl a ni tih erawh kan hre thei a ni.
9 Inâwm takin, Bible chuan sual leh thihna kan rochun chu “mi zawng zawng tuamtu, hnam tin khuh ṭhîntu, lungngaihna” tiin a sawi. (Is. 25:7, C.L.Re-edited) Chu thawpik thlâk taka tuamna, anih loh leh vawm khuhna, mâimawmin a rîl a zam hnan tlat ang maia thiam loh chantîrna chuan mi zawng zawngte chu a âwk tâng tlat a ni. Chuvângin, “Adama-ah chuan mi zawng zawng an thi ṭhîn.” (1 Kor. 15:22) Zawhna lo awm ta chu Paula’n: “He thihna taksa lakah hian tuin nge mi chhan chhuak ang?” tia a zawh hi a ni. Chutiang ti thei chu an awm ang em? *—Rom 7:24.
ADAMA THLENTIR SUAL LEH THIHNA TIHBO A NI ANG
10. (a) Adama thlen thihna chu Jehova’n a tibo dâwn tih lantîrtu Bible châng ṭhenkhatte chu eng nge? (b) Engtin nge hêng Bible chângte hian Jehova leh a Fapa chungchâng a târ lan?
10 Ni e, Jehova chuan Paula chu a chhan chhuak thei a. Bible-ah heti hian kan chhiar a ni: “Thihna chu a lem hlen ta; Lalpa PATHIAN chuan mi zawng zawng hmai ata chu mittuite a hru fai ang,” tiin. (Is. 25:8) Pa ber, a fate chunga hrehawm tawrhna thlentu titâwp a, an mittui hrûkfai saktu angin Jehova chuan Adama thlentîr thihna tihbo chu nuam a va ti dâwn êm! Ani chuan he thilah hian thawhpui a nei a. Korinth thawn khat 15:22 chuan: “Adama-ah chuan mi zawng zawng an thi ṭhîn ang hian Krista-ah chuan mi zawng zawng tihnunin an awm bawk ang,” tiin a sawi. Chutiang bawkin Paula chuan “Tuin nge mi chhan chhuak ang?” tia a sawi zawhah: “Isua Krista kan Lalpa avângin Pathian hnênah lâwmthu ka sawi a ni,” tiin a sawi zawm a ni. (Rom 7:25) Adama leh Evi’n thil an tihsual khân Jehova’n mihringte a hmangaihna chu a reh chuang lo va. Adama leh Evi siamnaa a Pa ṭanpuitu, Isua pawhin mihringte chu a la hmangaih reng a ni. (Thuf. 8:30, 31) Mahse, engtin nge mihringte chu sual leh thihna ata chhan chhuah an nih ang?
11. Jehova’n mihringte ṭanpui nân eng ang ruahmanna nge a siam?
11 Mihring ṭhat famkim lohna leh thihna chu Adama thil sual tih leh dik taka Jehova rorêlna nên a inkûngkaih a. (Rom 5:12, 16) “Sual pakhat avângin thiam loh chantîrna rorêlna chu mi zawng zawng chungah a lo awm a,” tiin kan chhiar a ni. (Rom 5:18) Jehova chuan a tehna siamte ngaihthah si lovin, mihringte ṭanpui nân eng nge a tih theih? Isua thusawi: “Mihring Fapa hi . . . mi tam tak tlan nâna a nun pe tûr zawka a lo kal ang khân,” tihah hian a chhânna kan hmu a ni. (Mt. 20:28) Mihring ṭha famkim a nih angin, Isua chuan tlanna a pe thei a ni. Engtin nge chu tlanna chuan rorêl dikna a thlen ang?—1 Tim. 2:5, 6.
12. Rorêlna dik thlentu a tlukpui tlanna chu eng nge?
12 Mihring ṭha famkim a nih angin Isua chuan Adama’n thil sual a tih hmâa a neih ang chu a nei a. Jehova thiltum chu Adama thlah ṭha famkimte leilung luah khahtîr a ni. Chuvângin, Isua chuan a Pa leh Adama thlahte a hmangaihna nasa tak avângin, inthawi nân a nun a pe ta a. Adama hloh tawh hnu neih kîr leh nân a mihring nun ṭha famkim chu a hlân a ni. Chu mi hnuah, Jehova chuan a Fapa chu thlarauvin a tinung leh a. (1 Pet. 3:18) Adama hloh tawh chatuana nunna min pe lêt tûrin, mi ṭha famkim pakhat Isua inthawina chu dik takin tlanna atân a lo pawmsak thei a ni. Isua chuan Adama thlahte’n chatuana nunna an neih theih nân a ṭanpui a. Chuvângin, Paula chuan Isua chu “Adama hnuhnûng zâwk” tiin a vuah a, tûnah chuan nunna petu thlarau a ni tawh a ni.—1 Kor. 15:45.
Thi hmasa ber Abela chuan Isua tlanna a hlâwkpui ang (Paragraph 13-na en rawh)
13. Engtin nge “Adama hnuhnûng zâwk” chuan mitthi tawhte a ṭanpui ang?
13 “Adama hnuhnûng zâwk” chuan Adama thlahte chu chatuana nunna a pe thuai dâwn a. Chutah chuan mitthi tawhte pawh an tel dâwn a ni. Anni chu leia kaihthawh leh, a nih loh leh nunna pêk kîr leh an ni ang.—Joh. 5:28, 29.
14. Engtin nge mihringte chu ṭhat famkim lohna lak ata an zalen theih ang?
14 Engtin nge mihringte chu an rochun ṭhat famkim lohna hneh tuma an beihna lak ata chhuah zalen an nih ang? Jehova chuan “Adama hnuhnûng zâwk” leh mihring zîng ata a thlan bîkte hmanga din Lalram sawrkâr a pe a ni. (Thu Puan 5:9, 10 chhiar rawh.) Vâna Isua rorêlpuite chuan ṭha famkim lo nih awmzia chu an hria a. Kum sângkhat chhûngin, Isua leh a rorêlpuite chuan leia awmte chu an ṭanpui ang a, mahnia an hneh theih loh ṭhat famkim lohna chu hneh tûrin ṭanpui an ni ang.—Thup. 20:6.
15, 16. (a) Bible-in ‘hmêlma hnuhnûng ber, thihna’ a tih hian eng a sawina nge ni a, eng hunah nge tihbo a nih ang? (b) Engtin nge 1 Korinth 15:28 chuan Isua tih tûr a sawi?
15 Lalram rorêlna kum sângkhat tâwp lamah thuâwih mihringte chu Adama thuâwih lohnain a thlentîr hmêlma lak ata chhuah zalen vek an ni ang. Bible chuan: “Adama-ah chuan mi zawng zawng an thi ṭhîn ang hian Krista-ah chuan mi zawng zawng tihnunin an awm bawk ang. Nimahsela mahni hun ṭheuh zêlah; Krista chu thawh hmahruaitu a ni a; chu mi hnua a lo kal lehnaah chuan Krista tate chu. Chu mi hnuah chuan a tâwp chu a lo la thleng ang; chu mi hnuah chuan rorêlna zawng zawngte leh, thuneihna leh thiltihtheihna zawng zawngte a tihbo hnuah, Pathian hnênah, 1 Kor. 15:22-26) Ni e, Adama hnên aṭanga rochun, thihna chu tihbo a ni ang a. Mihring chhûngkua zawng zawng “khuh ṭhîntu, lungngaihna” chu kumkhua atân an tibo hlen dâwn a ni.—Is. 25:7, 8.
Pa hnên ngeiah chuan ram chu a pe ang; a hmêlma zawng zawng a ke hnuaia a dah hma loh chuan ani chu lalah a awm tûr rêng a ni si a. Hmêlma hnuhnûng ber tihbova awm tûr chu thihna hi a ni,” tiin a sawi. (16 Paula chuan: “A hnuaia engkim dahin a awm hun chuan Fapa ngei pawh chu a hnuaia engkim dahtu hnuaiah chuan dahin a awm bawk ang, Pathian chu engkima engkim a nih theihna tûrin,” tiin a sawi zawm a ni. (1 Kor. 15:28) Fapa rorêlnain a tum ber chu tihpuitlin a ni tawh ang a. Tichuan, lungâwina nasa tak neiin, a thuneihna leh mihring chhûngkaw ṭha famkim chu Jehova hnênah a pe kîr leh dâwn a ni.
17. Setana chungah eng thil nge thleng ang?
17 Mihringte tawrh manganna thlentu bul ber Setana chu engtin nge ni ang? Thu Puan 20:7-15 chuan a chhânna min pe a ni. Fiahna tâwp ber atân, mihring ṭha famkimte Setana’n hruai sual a tum chu phalsak a ni ang a. Tichuan, Setana leh a hnung zui thlangtu zawng zawngte chu tihboral hlen an ni tawh ang. Chu chu “thih hnihna” tia vuah a ni. (Thup. 21:8) ‘Thih hnihnaa’ tihboralte chu an nung leh tawh ngai lo vang. Jehova laka kan rinawm chuan, chu “thih hnihna” chuan min tihnat kan hlauh a ngai lo.
18. Engtin nge Pathianin Adama hnêna a thutiam chu tihpuitlin a nih ang?
18 Chutih hunah chuan mi zawng zawngte chu an ṭha famkim tawh ang a, Jehova chuan chatuana nunna nei tûrin a pawm tawh ang. Mihringte hlimna dâltu chu a bo vek tawh ang a. Pathianin Adama hnêna thu a pêk chu a tel lovin tihpuitlin a ni tawh ang. A thlahte chuan lei leh ramsate chu hlim takin an enkawl tawh dâwn a ni. Jehova’n hmêlma hnuhnûng ber, thihna a tihbo thuai dâwn avângin kan va hlim êm! (w14-E 09/15)
^ par. 9 Scientists-te’n tarna leh thihna thlentu hrilhfiah tuma ṭan an lâkna chungchângah Insight on the Scriptures chuan heti hian a sawi a ni: “Siamtu ngeiin mihring nupa hmasa berte chu thi tûrin an chungthu a rêlsak tih an hmuh hmaih ṭhîn a, chuvângin chiang takin an hre thiam thei lo a ni,” tiin.—Vol. 2, p. 247.