Kum tin hian mi maktaduai tam tak chu retheih lutuk avânga ei tûr ṭha nei lo leh natna tuarin an thi a. Khawvêl hmun ṭhenkhata mite chu hausa hle mah se, mi tam tak chu an la rethei hle thung. Bible chuan retheihna chu mihringte zînga buaina awm reng a nih thu a sawi a ni.—Johana 12:8 chhiar rawh.

Retheihna titâwp tûr chuan, khawvêl pumah sawrkâr pakhat a awm a ngai a. Chu sawrkâr chuan khawvêl hausaknate rualkhai taka sem thei tûr leh retheihna awmtîrtu ber indona titâwp tûrin thiltihtheihna a neih a ngai a. Chutiang sâwrkar chu Pathianin min tiam a ni.—Daniela 2:44 chhiar rawh.

Pathianin a fapa, Isua chu mihringte chunga rorêl tûrin a ruat a. (Sâm 2:4-8) Isua chuan retheite a chhanhim ang a, inhnehchhiahna leh nunrâwnna pawh a tireh ang.—Sâm 72:8, 12-14 chhiar rawh.

“Remna Lal” ni tûra sawi lâwk a nih angin, Isua chuan khawvêlah remna leh muanna a awmtîr ang a. Tichuan, leia chêngte hian in leh lo an nei vek ang a, hna lungawithlâk tak leh ei tûr tam tak an nei bawk ang.—Isaia 9:6, 7; 65:21-23 chhiar rawh. (wp15-E 10/01)