Bible-in Eng Nge A Sawi?
Pathianin hrehawm tawrhna a thlentîr em?
Engtin nge i sawi ang?
Thlentîr
Thlentîr lo
Thlentîr mai thei
Bible sawi dân chuan
“Pathian chuan thil suaksual tiin Engkimtitheia chuan thil dik lo chu a ti teuh lo vang!” (Joba 34:10) Khawvêla kan hmuh sualna leh hrehawm tawrhnate hi Pathianin a thlentîr ngai lo.
Bible aṭangin eng nge kan zir belh theih?
“Khawvêl lal,” Diabol Setana chu hrehawm tawrhna thlentîrtu ber a ni. —Johana 14:30.
Sual leh hrehawm tawrhna chu mihringte duh thlanna dik lo avângin a thleng ṭhîn bawk.—Jakoba 1:14, 15.
Hrehawm tawrhna a tâwp ngai ang em?
Mi ṭhenkhat chuan mihringte’n hrehawm tawrhna an tihtâwp theih an rin laiin, mi dangte erawh chuan khawvêl dinhmun a ṭhat chhoh chu an beisei lo thung. Eng nge i ngaih ve dân?
Bible sawi dân chuan
Pathianin hrehawm tawrhna a titâwp dâwn. “Thihna a awm leh thei tawh lo vang a, lungngaih te, ṭah te, nat te pawh a awm leh tawh hek lo vang.”—Thu Puan 21:3, 4.
Bible aṭangin eng nge kan zir belh theih?
Pathianin Diabola thlentîr hrehawm tawrhnate titâwp tûrin Isua a hmang ang. —1 Johana 3:8.
Mi ṭhate chuan leiah chatuanin remna an chên ang.—Sâm 37:9-11, 29.