HLA 107
Entawn Tûr Pathian Hmangaihna
(1 Johana 4:19)
-
1. Entawn tûr Pathian Jehova hmangaihna’n,
Kawng min hmuh, kawng min hruai,
A ṭawngkam chhuak leh a thiltih engkimah,
Hmangaihna dik lantîr dân tûr;
A Fapa min pe, a hmangaih leh duh ber,
Kan sual khuh bo va, ngaihdamna kan hmuh nân;
A fiah, hmangaihna lantîrna ropui ber,
Pathian kawng chu a ni, hmangaihna.
-
2. A kawng kan zawh hian, unau kan hmangaihna,
A dik ang, dik ngei ang,
Min chêttîr reng ang, unaute pui tûrin,
A pui a pang, hleih nei lovin;
Pathian leh unau kan hmangaihna dik chuan,
Thleibîk nei lovin, an zaa ngainâin,
Tlin lohna tê tham inngaidam tawn ṭhînin,
Kan lantîr ang, unau hmangaihna.
-
3. Hmangaihna vângin, inpumkhatin kan awm,
Chhûngkua ang, ṭhian angin;
Kan Pa vâna mi’n, min sâwm duhsak takin:
“Rawn tem ve r’u, lungrualna dik.”
Hmangaih leh hlimna kan neih min ṭâwmpui r’u,
Pathian thlarau leh a thu chuan min siam ṭha;
Unau leh ṭhiante’n min hriatnawntîr reng ṭhîn,
Jehova chu a ni, hmangaihna.
(Rom 12:10; Eph. 4:1-3; 2 Pet. 1:7 en bawk rawh.)