1. Aw Jehova, ṭhatna Pathian,

Mal min sâwm kan dam chhûngin!

Pathian thianghlim, rinawm i ni,

I kawngte a fel famkim;

Phû loh khawngaihna min pein,

Min duhsakzia i lantîr;

Biak leh chawimawi phû ber i ni,

Lâwm takin i rawng kan bâwl.

2. A lang chhuak reng i ṭhatna chu,

I mi thlante zîngah hian;

Lalram chanchin an hrilhna leh,

An nun dân mawiah a lang;

Zirtîrna leh vênhimna chuan,

Rah ṭha a chhuah ram tinah;

Thlarau thianghlim, min pe ang che,

Ṭhatnain min kaihruai se.

3. Mal sâwm ang che, unau chunga

Kan lantîr ṭhatna thiltih;

Mi tin chungah thil ṭha kan ti,

A zual unaute chungah;

Chhûngkaw tinah, kohhran tinah,

Tlâng tin leh mual tinah hian,

I thlarau leh malsâwm zârah,

Kan lantîr reng ang ṭhatna.