HLA 134
Pathian Min Kawltîr Naupangte
(Sâm 127:3-5)
-
1. Nu leh pa chanvo an rawn nei,
Lalpaah fanau mal an chawi hun chuan;
An hriat reng ngai thil pakhat a awm,
An hrai chawi an ta a ni lo;
A neitu chu a ni, Jehova,
Hmangaihna hnâr leh nunna Siamtu chu;
Nu leh pate hnênah kaihhruaina,
A pe, kawng finthlâk an zawh theih nân.
(THUNAWN)
Kawltîr in ni, Lalpa pêk ro hlu,
Fanau malsâwm ro hlu in kawl;
A thupêkte zirtîra hrilh chu,
In pêk theih ro tling ber a ni.
-
2. Kan Lalpa thupêk zawng zawng chu,
A châm reng tûr a ni in thinlungah;
In fate hnênah Lalpa thupêk,
Mathei lovin zirtîr rawh u;
Zîng thawh hun leh in mut hunah te,
In zirtîr ang, kawng’ in kal lai pawhin;
Kumtluanga an thinlunga châmin,
Rinawmin, malsâwmna dawng rawh se.
(THUNAWN)
Kawltîr in ni, Lalpa pêk ro hlu,
Fanau malsâwm ro hlu in kawl;
A thupêkte zirtîra hrilh chu,
In pêk theih ro tling ber a ni.
(Deut. 6:6, 7; Eph. 6:4; 1 Tim. 4:16 en bawk rawh.)
